ಕೊಪ್ಪಳ 23: ಜಿಲ್ಲಾ ಪತ್ರಿಕಾ ದಿನಾಚರಣೆ ಹಾಗೂ ಕೆಯುಡಬ್ಲ್ಯೂಜೆ (ಏಗಘಎ) ಜಿಲ್ಲಾ ಪ್ರಶಸ್ತಿ ಮತ್ತು ದತ್ತಿನಿಧಿ ಪ್ರಶಸ್ತಿ ಪ್ರದಾನ ಸಮಾರಂಭವನ್ನು ಆಗಸ್ಟ್‌ ತಿಂಗಳಿಗೆ ಮುಂದೂಡಲು ತೀರ್ಮಾನಿಸಲಾಗಿದೆ.  ಗುರುವಾರ ಜಿಲ್ಲಾ ಉಪಾಧ್ಯಕ್ಷ (ಕೇಂದ್ರ) ರಾಜು ಬಿ.ಆರ್‌. ಅವರ ಅಧ್ಯಕ್ಷತೆಯಲ್ಲಿ ನಡೆದ ಪೂರ್ವಭಾವಿ ಸಭೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಯಿತು. ರಾಜ್ಯಾಧ್ಯಕ್ಷ ಶಿವಾನಂದ ತಗಡೂರು ದೂರವಾಣಿ ಮೂಲಕ ನೀಡಿದ ಸಲಹೆಯಂತೆ, ಆಗಸ್ಟ್‌ ತಿಂಗಳಲ್ಲಿ ನೂತನ ಸಚಿವರು ಹಾಗೂ ಶಾಸಕರ ಉಪಸ್ಥಿತಿಯಲ್ಲಿ ಕಾರ್ಯಕ್ರಮವನ್ನು ಅದ್ದೂರಿಯಾಗಿ ಆಯೋಜಿಸುವ ಕುರಿತು ಚರ್ಚೆ ನಡೆಯಿತು.  ರಾಜ್ಯಾಧ್ಯಕ್ಷರ ಸೂಚನೆಯಂತೆ ಪತ್ರಿಕಾ ದಿನಾಚರಣೆ, ಜಿಲ್ಲಾ ಕೆಯುಡಬ್ಲ್ಯೂಜೆ ಪ್ರಶಸ್ತಿ ಹಾಗೂ ದತ್ತಿನಿಧಿ ಪ್ರಶಸ್ತಿ ಪ್ರದಾನ ಸಮಾರಂಭದ ದಿನಾಂಕವನ್ನು ಆಗಸ್ಟ್ನಲ್ಲಿ ನಿಗದಿಪಡಿಸಿ, ಗಣ್ಯರನ್ನು ಆಹ್ವಾನಿಸಿ ವಿಜೃಂಭಣೆಯಿಂದ ಆಚರಿಸಲು ಸಭೆಯಲ್ಲಿ ಒಮ್ಮತದ ತೀರ್ಮಾನ ಕೈಗೊಳ್ಳಲಾಯಿತು.  

ಸಭೆಯಲ್ಲಿ ರಾಜ್ಯ ಸಮಿತಿ ಸದಸ್ಯ ವೀರಣ್ಣ ಕಳ್ಳಿಮನಿ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ನಾಗರಾಜ್ ವೈ., ಜಿಲ್ಲಾ ಖಜಾಂಚಿ ಫಕೀರ​‍್ಪ ಗೋತೂರು, ಹಿರಿಯ ಸದಸ್ಯರಾದ ಹರೀಶ್ ಎಚ್‌.ಎಸ್‌., ಸಾದಿಕ್ ಅಲಿ, ಎನ್‌.ಎಂ. ದೊಡ್ಡಮನಿ, ಜಿ.ಎಸ್‌. ಗೋನಾಳ, ಶಿವರಾಜ್ ನುಗಡೋಣಿ, ಜಿಲ್ಲಾ ಕಾರ್ಯಕಾರಿಣಿ ಸದಸ್ಯರಾದ ಬ್ರಹ್ಮಾನಂದ ಬಡಿಗೇರ್, ಶಿವಕುಮಾರ್ ಹಿರೇಮಠ ಹಾಗೂ ಸದಸ್ಯರಾದ ವಿನಯ್ ಗುಡ್ಲಾನೂರು, ಅಂಜಿನಪ್ಪ, ಅಮಿತ್ ಕಂಪ್ಲೀಕರ, ರವಿ ಬಡಿಗೇರ್, ಗೋವಿಂದರಾಜ್ ಬುಡುಗುಂಪಾ, ಎನ್‌.ಎಂ. ಕುಂದಗೋಳ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.  ಸಭೆಯ ಕೊನೆಯಲ್ಲಿ ರಾಜ್ಯಾಧ್ಯಕ್ಷರೊಂದಿಗೆ ಸಮಾಲೋಚಿಸಿ ಕಾರ್ಯಕ್ರಮದ ಅಂತಿಮ ದಿನಾಂಕ ನಿಗದಿಪಡಿಸಿ, ಪತ್ರಿಕಾ ದಿನಾಚರಣೆ ಹಾಗೂ ಪ್ರಶಸ್ತಿ ಪ್ರದಾನ ಸಮಾರಂಭವನ್ನು ಯಶಸ್ವಿಯಾಗಿ ಆಯೋಜಿಸಲು ನಿರ್ಧರಿಸಲಾಯಿತು.