ಬಳ್ಳಾರಿ. ಸೆ. 28 : ಸಂವಿಧಾನದ ಪ್ರಕಾರ ದೇಶದಲ್ಲಿ ಪ್ರಜಾಪ್ರಭುತ್ವವನ್ನು ಎತ್ತಿ ಹಿಡಿಯಬೇಕಾದ ಚುನಾವಣಾ ಆಯೋಗ ಇಂದು ಮತಗಳ್ಳತನದ ಆರೋಪವನ್ನು ಎದುರಿಸುತ್ತಿದೆ ಕೇಂದ್ರ ಚುನಾವಣಾ ಆಯೋಗದ ಮುಖ್ಯ ಆಯುಕ್ತರಾದ ಜ್ಞಾನೇಶ್ ಕುಮಾರ್ ಚುನಾವಣಾ ಅಕ್ರಮಗಳಿಗೆ ನೇರ ಹೊಣೆಗಾರರಾಗಿದ್ದು ಕೂಡಲೇ ಅವರು ರಾಜೀನಾಮೆ ನೀಡಬೇಕೆಂದು ಬಳ್ಳಾರಿ ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷ ಅಲ್ಲಂ ಪ್ರಶಾಂತ್ ಆಗ್ರಹಿಸಿದರು. ಈ ಕುರಿತು ಸೋಮವಾರದಂದು  ನಗರದ ರಾಯಲ್ ಸರ್ಕಲ್ ನಲ್ಲಿ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ ಬಳ್ಳಾರಿ ಜಿಲ್ಲಾ ಘಟಕದ ವತಿಯಿಂದ ಹಮ್ಮಿಕೊಳ್ಳಲಾಗಿದ್ದ  ಬೃಹತ್ ಪ್ರತಿಭಟನೆಯಲ್ಲಿ ಭಾಗವಹಿಸಿ ಅವರು ಮಾತನಾಡಿ, ಜ್ಞಾನೇಶ್ ಕುಮಾರ್  ಕೇಂದ್ರ ಚುನಾವಣಾ ಆಯೋಗ ಸಾಯುತ್ತ ಸಂಸ್ಥೆಯ ಕಮಿಷನರ್ ಆಗಿದ್ದು ಅವರು ಯಾವುದೋ ಒಂದು ಪಕ್ಷದ  ಪರವಾಗಿ ಕೆಲಸ ಮಾಡಬಾರದು, ಆದರೂ ಅವರು ಅಮಿಷಗಳಿಗೆ ಒಳಗಾಗಿ ಭಾರತೀಯ ಜನತಾ ಪಕ್ಷದ ಪರವಾಗಿ ಚುನಾವಣ ಆಯೋಗದಲ್ಲಿ ಕುಳಿತು ಕೆಲಸ ಮಾಡುತ್ತಿದ್ದಾರೆ ಇದು ಸಂವಿಧಾನ ಬಾಹಿರವಾಗಿದ್ದು ಕೂಡಲೇ ಅವರು ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಬೇಕೆಂದು ಆಗ್ರಹಿಸಿದರು. 

 ಎ. ಮಾನಯ್ಯ ಮಾತನಾಡಿ  ಎಸ್‌ಐಆರ್ ಪ್ರಕ್ರಿಯೆಯಲ್ಲಿ ಕೇಂದ್ರ ಸರ್ಕಾರದ ಆಣತಿಯ ಮೇರೆಗೆ  ಚುನಾವಣಾ ಆಯೋಗ ಬೇಕಾಬಿಟ್ಟಿ ಮತದಾರರನ್ನು ಕೈಬಿಟ್ಟಿರುತ್ತದೆ ಇದು ಪ್ರಜಾಪ್ರಭುತ್ವದ ಕಗ್ಗೊಲೆ ಎಂದರು.ರಾಯಲ್ ಸರ್ಕಲ್ ನಲ್ಲಿ  ಚುನಾವಣಾ ಆಯೋಗದ ಆಯುಕ್ತ ಜ್ಞಾನೇಶ್ ಕುಮಾರ್ ಅವರ ಪ್ರತಿಕೃತಿಯನ್ನು ದಹಿಸಿ ಆಕ್ರೋಶ ವ್ಯಕ್ತಪಡಿಸಿದರು  ಈ ಸಂದರ್ಭದಲ್ಲಿ ಕಾಂಗ್ರೆಸ್ ಜಿಲ್ಲಾ ಘಟಕದ ಕಾರ್ಯಾಧ್ಯಕ್ಷ ವಿಷ್ಣು ಭೋಯಪಾಟಿ, ಮುಖಂಡರಾದ ವಿಕೆ ಬಸಪ್ಪ, ಮುಂಡರಿಗಿ ನಾಗರಾಜ್,  ರಾಮ್ ಪ್ರಸಾದ್  ಪ್ರಚಾರ ಸಮಿತಿಯ ಜಿಲ್ಲಾಧ್ಯಕ್ಷ ಈರನಗೌಡ, ಹುಮಯುನ್ ಖಾನ್,  ಪಾಲಿಕೆ ಸದಸ್ಯರಾದ ವಿಕ್ಕಿ, ವೆಂಕಟೇಶ್ ಹೆಗಡೆ, ಅಖಿಲ್ ಅಹಮ್ಮದ್, ಸಮೀರ್, ಅಸುಂಡಿ ನಾಗರಾಜ್, ಅಸುಂಡಿ ಹನುಮೇಶ್ ಸೇರಿದಂತೆ ಹಲವಾರು ಜನ ಕಾಂಗ್ರೆಸ್ ಪದಾಧಿಕಾರಿಗಳು ಕಾರ್ಯಕರ್ತರು ಇದ್ದರು.