ಹಾವೇರಿ 06: ಭಾರತ ಸರ್ಕಾರ ಕೈಗೊಂಡಿರುವ 2026 ಜನಗಣತಿ ಕಾರ್ಯಕ್ರಮ ನಿಮಿತ್ತ ನಗರದ ಹುಕ್ಕೇರಿ ಮಠದ ಪ್ರೌಢಶಾಲೆಯಲ್ಲಿ ಶುಕ್ರವಾರ ತರಬೇತಿ ಕಾರ್ಯಾಗಾರ ಉದ್ದೇಸಿಸಿ ಮಾತನಾಡಿದ ಜಿಲ್ಲಾಧಿಕಾರಿಗಳು ಜನಗಣತಿ 2021 ರಲ್ಲಿ ನಡೆಯಬೇಕಾಗಿತ್ತು, ಆ ಸಂದರ್ಭದಲ್ಲಿ ಕೋವಿಡ್  ಸಂಭವಿಸಿದ್ದರಿಂದ ಜನಗಣತಿ ಮಾಡಲು ಸಾಧ್ಯವಾಗಲಿಲ್ಲ.2026-27 ನೇ ಸಾಲಿನಲ್ಲಿ ಜನಗಣತಿ ಮಾಡಲು ಎಲ್ಲ ಅಗತ್ಯ ಕ್ರಮ ಕೈಗೊಂಡಿದ್ದು,ಅದರಂತೆ ಈಗಾಗಲೇ ತರಬೇತಿಗೆ ಕಾರ್ಯಕ್ರಮ ಆಯೋಜಿಸಿದ್ದು ಈ ತರಬೇತಿ ಪಡೆದು ಆದಷ್ಟು ಬೇಗ ಜನಗಣತಿ ಕಾರ್ಯಕ್ರಮವನ್ನು ಮಾಡಿ.

ಮನೆಗಳ ಗಣತಿ, ಹಾಗೂ ಸ್ವಯಂ ಗಣತಿ ಮಾಡಲು ಸಾರ್ವಜನಿಕರಿಗೆ ಸೂಚಿಸಿದ್ದು, ಅದರಂತೆ ಸಾರ್ವಜನಿಕರಿಂದಲೂ ಉತ್ತಮ  ಸ್ಪಂದನೆ ದೊರೆತಿದ್ದು, ನೀವು ಸಹ ಏಪ್ರಿಲ್ 15 ನಂತರ ಆದಷ್ಟು ಬೇಗ  ಗಣತಿ ಕಾರ್ಯಕ್ರಮವನ್ನು ಮಾಡಿ ಯಶಸ್ವಿಗೊಳಿಸಲು  ಸೂಚಿಸಿದರು. ಈ ಹಿಂದೆ ಸಾಮಾಜಿಕ ಆರ್ಥಿಕ ಗಣತಿ ಸಂದರ್ಭದಲ್ಲಿ ರಾಜ್ಯದಲ್ಲಿಯೇ ಹಾವೇರಿ ಜಿಲ್ಲೆ ಪ್ರಥಮ ಸ್ಥಾನ ಗಳಿಸಿದ್ದು,ಅದೇ ರೀತಿ ಈಗಲೂ ಸಹ ಪ್ರಥಮ ಸ್ಥಾನ ಪಡೆಯಲು ತಾವು ಸಹಕರಿಸಿ ಈ ಗಣತಿಯನ್ನು ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಲು  ಸಹಕರಿಸಿ ಎಂದರು.       ಈ ಸಂದರ್ಭದಲ್ಲಿ ತಾಲೂಕ್ ದಂಡಾಧಿಕಾರಿಗಳಾದ ಶರಣಮ್ಮ, ಕ್ಷೇತ್ರ ಶಿಕ್ಷಣಾಧಿಕಾರಿಗಳಾದ ಎಂ ಹೆಚ್ ಪಾಟೀಲ್,  ಪೌರಾಯುಕ್ತರಾದ ಎಚ್ ಕಾಂತರಾಜ್, ಗುತ್ತಲ ಪಟ್ಟಣ ಪಂಚಾಯಿತಿ ಮುಖ್ಯ ಅಧಿಕಾರಿಗಳಾದ ದೇವಾನಂದ ನಾಯಕ, ಇತರರು ಉಪಸ್ಥಿತರಿದ್ದರು.