ಕಾಗವಾಡ 07: ತಾಲೂಕಿನ ಜುಗೂಳ ಗ್ರಾಮದ ಬೀರೇಶ್ವರ ಕೋ ಆಪರೇಟಿವ್ ಸೊಸೈಟಿ ಲಿಮಿಟೆಡ್ ಯಕ್ಸಂಬಾ ಶಾಖೆಯ ವತಿಯಿಂದ ಇತ್ತೀಚಿಗೆ ಅಪಘಾತದಲ್ಲಿ ನಿಧನರಾದ ಪ್ರಭಾಕರ್ ಕಾಡಗೌಡ ಕಾಡಪೊರೆ ಇವರ ವಾರಸುದಾರರಾದ ಭಾರತಿ ಪ್ರಭಾಕರ್ ಕಾಡಪೂರೆ ಇವರಿಗೆ ಪರಿಹಾರದ ಚೆಕ್ ವಿತರಿಸಲಾಯಿತು.  

ಪ್ರಭಾಕರ್ ಇವರು ಇತ್ತೀಚಿಗೆ ರಸ್ತೆ ಅಪಘಾತದಲ್ಲಿ ನಿಧನರಾಗಿದ್ದರು. ಅವರು ಜುಗೂಳ ಶಾಖೆಯಲ್ಲಿ ಸಾಲಗಾರರಾಗಿದ್ದು ಅವರ ಸರಳ ವಾರಸುದಾರ ಭಾರತಿ ಪ್ರಭಾಕರ್ ಕಾಡಪೊರೆ ಇವರಿಗೆ ಸಂಸ್ಥೆಯಲ್ಲಿ ಲಭ್ಯವಿರುವ ಸದಸ್ಯರ ಮರಣೋತ್ತರ ಪರಿಹಾರ ನಿಧಿಯಿಂದ ಸುಮಾರು 75 ಸಾವಿರ ಚೆಕ್ ವಿತರಿಸಲಾಯಿತು. ಜುಗೂಳ ಶಾಖೆಯ ಅಧ್ಯಕ್ಷರು, ಉಪಾಧ್ಯಕ್ಷರು, ಆಡಳಿತ ಮಂಡಳಿಯ ಎಲ್ಲಾ ಸದಸ್ಯರು, ಶಾಖಾ ವ್ಯವಸ್ಥಾಪಕರು, ಸಿಬ್ಬಂದಿ ವರ್ಗದವರು, ಗ್ರಾಮದ ಮುಖಂಡರು ಉಪಸ್ಥಿತರಿದ್ದರು.