ಬಾಗಲಕೋಟೆ 19: ಬಾಗಲಕೋಟೆ ಮಾದರಿ ಕ್ಷೇತ್ರವನ್ನಾಗಿ ಅಭಿವೃದ್ಧಿಪಡಿಸಿ ವೈಜ್ಞಾನಿಕ ನಾಗರಿಕ ಸೌಕರ್ಯ ಕಲ್ಪಿಸಬೇಕೆಂಬುದು ನನ್ನ ಅಪೇಕ್ಷೆ ಆದರೆ ಪ್ರಸ್ತುತ ನಿಷಿ್ಕ್ರೀಯ ಸರಕಾರದಿಂದಾಗಿ ಕೆಲಸ ಮಾಡಲು ಸಾಧ್ಯವಾಗುತ್ತಿಲ್ಲ ಎಂದು ಕ್ಷೇತ್ರದ ಶಾಸಕ ಡಾ. ವೀರಣ್ಣ ಚರಂತಿಮಠ ಕಳವಳ ವ್ಯಕ್ತಪಡಿಸಿದ್ದಾರೆ.

                ನಗರದ ಮಿಜರ್ಿ ಗಲ್ಲಿಯ ನಾಡಹಬ್ಬ ಆಚರಣಾ ಸಮಿತಿ ಆಯೋಜಿಸಿದ್ದ ನಗರಸಭೆ ಸದಸ್ಯರ, ಹಿರಿಯ ನಾಗರಿಕರ ಹಾಗೂ ಸಾಧಕರ ಸನ್ಮಾನ ಸಮಾರಂಭದಲ್ಲಿ ಮಾತನಾಡಿದ ಅವರು ವಿದ್ಯಾಗಿರಿ, ನವನಗರಕ್ಕೆ ನಿರಂತರ ನೀರು ಪೂರೈಕೆ ಯೋಜನೆ ವಿಳಂಬ ಗತಿಯಿಂದ ಸಾಗುತ್ತಿದೆ, ಹೆರಕಲ್ಲ ನೀರು ಸರಬರಾಜು ಯೋಜನೆ ಕುಂಠಿತಗೊಂಡಿದೆ, ಈ ಹಿಂದೆ ನಾನು ಶಾಸಕನಾಗಿದ್ದಾಗ ಮಂಜೂರಿಯಾಗಿದ್ದ ಯೋಜನೆಗಳೇ ಇನ್ನೂ ಅನುಷ್ಠಾನದ ಹಂತದಲ್ಲಿವೆ, ಮತ್ತೆ ನಾನು ಶಾಸಕನಾಗಿ ಆಯ್ಕೆಯಾಗಿ ಬಂದಾಗಲೂ ಇನ್ನೂ ಅವು ಪೂರ್ಣಗೊಂಡಿಲ್ಲ ಎಂದರು.

                ನವರಾತ್ರಿ ಉತ್ಸವ ಕ್ಷೇತ್ರದ ಅಭಿವೃದ್ಧಿಗೆ ದಿಕ್ಸೂಚಿಯಾಗಲಿ, ಈ ದರಿದ್ರ ಸರಕಾರ ಹೋಗಿ ಯಡಿಯೂರಪ್ಪನವರ ನಾಯಕತ್ವದ ಸರಕಾರ ಅಸ್ತಿತ್ವಕ್ಕೆ ಬಂದು ಅಭಿವೃದ್ಧಿಗೆ ಚೈತನ್ಯ ಸಿಗಲಿ ಎಂದು ದೇವರಲ್ಲಿ ಪ್ರಾಥರ್ಿಸೋಣ ಎಂದರು. ಸಮಾರಂಭದಲ್ಲಿ ಸುಮಾರು 25 ಕ್ಕೂ ಹೆಚ್ಚು ನಗರಸಭೆ ಸದಸ್ಯರನ್ನು ಅಭಿನಂದಿಸಲಾಯಿತು. ಪ್ರತಿ ಕ್ಷೇತ್ರದಲ್ಲಿ ಸದಸ್ಯರು ಆಗಬೇಕಾಗಿರುವ ರಚನಾತ್ಮಕ ಕಾರ್ಯಗಳನ್ನು ಗುರುತಿಸಿ ನಗರಸಭೆ ಮೂಲಕ ಜಾರಿಗೆ ತರಲು ಸಂಘಟಿತ ಪ್ರಯತ್ನ ಮಾಡೋಣ ಎಂದು ಡಾ. ಚರಂತಿಮಠ ಈ ಸಂದರ್ಭದಲ್ಲಿ ಹೇಳಿದರು. ಖೊಟ್ಟಿ ಪೈಸೆ ಚಿತ್ರದ ನಿಮರ್ಾಪಕಿ ಗೀತಾ ಗಿರಿಜಾ, ಎಸ್ಸೆಸ್ಸೆಲ್ಸಿಯಲ್ಲಿ ಶೇ. 96 ರಷ್ಟು ಅಂಕ ಪಡೆದ ಕುಮಾರಿ ದಿವ್ಯಾ ಪೂಜಾರ, ಎಂಟು ಜನ ಹಿರಿಯ ನಾಗರಿಕರನ್ನು ಸನ್ಮಾನಿಸಲಾಯಿತು.

                ಪ್ಲಾಸ್ಟಿಕ್ ಚೀಲ ಬಳಕೆ ನಿಷೇಧವಾಗಿದ್ದರೂ ಎಗ್ಗಿಲ್ಲದೇ ನಡೆಯುತ್ತಿರುವ ಬಗ್ಗೆ ನಾಗರಿಕ ಪ್ರಜ್ಞೆ ಮೂಡಿಸಲು ನಾಡಹಬ್ಬ ಆಚರಣಾ ಸಮಿತಿ ಪ್ರತಿ ಮನೆಗೆ ಎರಡು ಕೈಚೀಲಗಳನ್ನು ನೀಡಿ ಪ್ಲಾಸ್ಟಿಕ್ ಕ್ಯಾರಿಬ್ಯಾಗ್ಗಳನ್ನು ಬಳಕೆಯಿಂದ ನಿಷೇಧಿಸಲು ಜಾಗೃತಿ ಮೂಡಿಸುವ ಕಾರ್ಯಕ್ರಮಕ್ಕೂ ಇದೇ ಸಂದರ್ಭದಲ್ಲಿ ಚಾಲನೆ ನೀಡಲಾಯಿತು. ಸಮಿತಿಯ ಅಧ್ಯಕ್ಷ ಶ್ರೀನಿವಾಸ ಮನಗೂಳಿ, ಕಾರ್ಯದಶರ್ಿ ದೀಪಕ ಹೆಬ್ಬಾರೆ ವೇದಿಕೆಯಲ್ಲಿದ್ದರು.

                ಪ್ರಾಸ್ತಾವಿಕವಾಗಿ ಮಾತನಾಡಿದ ನಗರಸಭೆ ಹಿಂದಿನ ಉಪಾಧ್ಯಕ್ಷ ಜಯಂತ ಕುರಂದವಾಡ ಅವರು ವಿದ್ಯಾಗಿರಿ ಹಾಗೂ ನವನಗರಕ್ಕೆ ಸೀಮಿತವಾಗಿರುವ ನಿರಂತರ ನೀರು ಪೂರೈಕೆ ಯೋಜನೆಯನ್ನು ಬಾಗಲಕೋಟೆ ಮುಳುಗಡೆಯಾಗದ ನಗರಕ್ಕೂ ವಿಸ್ತರಿಸಬೇಕು, ಕಾರಿಹಳ್ಳದ ಕ್ವಾರಿ ನೀರನ್ನು ಇಲ್ಲಿ ಸರಬರಾಜು ಮಾಡಿದರೆ ಬೋರವೆಲ್ಗಳ ಬಳಕೆಯನ್ನು ನಿಲ್ಲಿಸಿ ಶುದ್ಧ ನೀರು ಬಳಕೆಗೆ ಅವಕಾಶವಾಗುತ್ತದೆ.

                ಇದರಿಂದ ನಗರಸಭೆ ಕನಿಷ್ಠ ಮಾಸಿಕ 5 ಲಕ್ಷ ರೂ.ಗಳ ಉಳಿತಾಯವಾಗಲಿದೆ ಎಂದು ಅವರು ಹೇಳಿದರು. ಸುಷ್ಮಾ ಕುಂಟೋಜಿ ಪ್ರಾಥರ್ಿಸಿದರು. ಭಾಸ್ಕರ ಮನಗೂಳಿ ಕಾರ್ಯಕ್ರಮ ನಿರೂಪಿಸಿದರು.