ಬೆಳಗಾವಿ, 18 : ಮಹಾರಾಷ್ಟ್ರ ಸರಕಾರದ ಮಾದರಿಯಲ್ಲಿ ಕರ್ನಾಟಕ ಗೋಶಾಲೆಗಳಿಗೆ ಅನುದಾನ ನೀಡುವಂತೆ ಒತ್ತಾಯಿಸಿ ಮುಪ್ಪಿನ ಕಾಡಸಿದ್ದೇಶ್ವರ ಸೇವಾ ಸಮಿತಿ, 1008 ಮಹಾಮಂಡಲೇಶ್ವರ ಸ್ವಾಮಿಜಿ ಮೌನ ಕಾಡಸಿದ್ದೇಶ್ವರ ಮಹಾರಾಜ ರಾಜ್ಯ ಅಧ್ಯಕ್ಷರು ಗೋ ಸಂರಕ್ಷಣಾ ಕೋಶ ಕರ್ನಾಟಕ ರಾಷ್ಟ್ರೀಯ ರಕ್ಷಣಾ ಸಂಘವು ಒತ್ತಾಯಿಸಿ ಗುರುವಾರ ಪ್ರತಿಭಟನೆ ಹಮ್ಮಿಕೊಳ್ಳಲಾಯಿತು.  

ಗುರುವಾರ ಸುವರ್ಣ ಸೌಧದ ಬಳಿ ಪ್ರತಿಭಟನೆ ನಡೆಸುವ ಮೂಲಕ ಬೆಳಗಾವಿ ಜಿಲ್ಲಾ ಉಸ್ತವಾರಿ ಸಚಿವ ಸತೀಶ ಜಾರಕಿಹೋಳಿ ಅವರಿಗೆ ಮನವಿಯೊಂದನ್ನು ರವಾನಿಸಿ, ಮಹಾರಾಷ್ಟ್ರದಲ್ಲಿ ಇವಾಗ ಪ್ರತಿ ಹಸುವಿಗೆ ಪ್ರತಿ ದಿನ ರೂ. 50 ರೂಪಾಯಿ ಸಹಾಯಧನ ಕೊಡುತ್ತಿದ್ದಾರೆ. ಅದೇ ಮಾದರಿಯಂತೆ ಕರ್ನಾಟಕ ಸರ್ಕಾರವು ಕರ್ನಾಟಕದಲ್ಲಿ ಮೇವು ಖರೀದಿಗಾಗಿ ಪ್ರತಿ ದಿನ ಪ್ರತಿ ಹಸುವಿಗೆ 50 ರೂಪಾಯಿಯಂತೆ ಸಹಾಧನ ನೀಡಬೇಕು.   

ಸದ್ಯ ಅತಿವೃಷ್ಟಿ ಹಾಗೂ ಅನಾವೃಷ್ಟಿಯಿಂದಾಗಿ ದನಕರುಗಳಿಗೆ ಮೇವು ಇಲ್ಲದಂತಾಗಿದೆ. ಹೀಗಾಗಿ ರಾಜ್ಯದಲ್ಲಿ ಜಾನುವಾರಗಳಿಗೆ ನಿರ್ವಹಣೆ ಕಷ್ಟವಾಗಲ್ಲಿದೆ ಹಾಗಾಗಿ ಈ ಹಿನ್ನಲೆಯಲ್ಲಿ ಸಹಾಯಧನ ನೀಡಬೇಕೆಂದು ಮನವಿಯಲ್ಲಿ ಒತ್ತಾಯಿಸಿದ್ದಾರೆ.