ಮುಂಬೈ  ನ 11 :       ಬಾಲಿವುಡ್ ನ ಡಿಂಪಲ್ ಕ್ವೀನ್ ದೀಪಿಕಾ ಪಡುಕೋಣೆ ಶೀಘ್ರದಲ್ಲೇ ತೆರೆಯ ಮೇಲೆ ದ್ರೌಪದಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ.    ಮಹಾಭಾರತ ಪೌರಾಣಿಕ ಕಥೆಯನ್ನು ಆಧರಿಸಿದ ಚಿತ್ರದಲ್ಲಿ ಕೆಲಸ ಮಾಡುತ್ತಿರುವ ದೀಪಿಕಾ, ಅದರಲ್ಲಿ ದ್ರೌಪದಿಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರವನ್ನು ರಿಲಯನ್ಸ್ ಎಂಟರ್ ಟೈನ್ ಮೆಂಟ್ ನಿರ್ಮಿಸುತ್ತಿದೆ.     ಮಹಾಭಾರತ ತನ್ನ ಪೌರಾಣಿಕ ಕಥೆಗಳು ಮತ್ತು ಸಮಾಜದ ಮೇಲೆ ಅದರ ಸಾಂಸ್ಕೃತಿಕ ಪ್ರಭಾವವನ್ನು ಅರಿತಿದ್ದೇವೆ.  ಆದರೆ, ಇಲ್ಲಿಯವರೆಗೆ ಮಹಾಭಾರತ ಕೇವಲ ಗಂಡಸರ ಕಥೆಯಾಗಿ ಬಿಂಬಿಸಿಕೊಳ್ಳುತ್ತಿದ್ದು, ಅದನ್ನು ಮಹಿಳೆಯ ದೃಷ್ಟಿಯಿಂದ ನೋಡುವ ವಿಭಿನ್ನ ಪ್ರಯತ್ನವಿದೆ ಎಂದು ರಿಲಯನ್ಸ್ ಪ್ರೊಡಕ್ಷನ್ ತಿಳಿಸಿದೆ.   ಈ ಸಂಸ್ಥೆ ಮಹಾಭಾರತದ ಕುರಿತ ಒಂದು ಕಾದಂಬರಿಯ ಹಕ್ಕನ್ನು ಪಡೆದುಕೊಂಡಿದ್ದು, ಅದನ್ನು ಆಧರಿಸಿ ಚಿತ್ರ ನಿರ್ಮಿಸಲಾಗುತ್ತಿದೆ ಎಂಬ ಸುದ್ದಿಯಿದೆ.