ಕಾರವಾರ 11 : ರಾಜ್ಯ ಸರ್ಕಾರವು ಗ್ಯಾರಂಟಿ ಹೆಸರಲ್ಲಿ  ಅಧಿಕಾರಕ್ಕೆ ಬಂದಿದೆ. ಆದರೆ ಸರ್ಕಾರ ಉಳಿಯುವುದು  ಗ್ಯಾರಂಟಿ ಇಲ್ಲ ಎಂದು ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಭವಿಷ್ಯ ನುಡಿದರು. ಕಾರವಾರದ ಸರ್ಕಾರಿ  ಪತ್ರಿಕಾಭವನದಲ್ಲಿ ಗುರುವಾರ  ಪತ್ರಿಕಾಗೋಷ್ಠಿಯಲ್ಲಿ  ಮಾತನಾಡಿದ ಅವರು, ರಾಜ್ಯದಲ್ಲಿ ಕಾಂಗ್ರೆಸ್ ಸರ್ಕಾರ ಬಂದ ಎರಡುವೊರೆ ವರ್ಷದಿಂದ  ಖುರ್ಚಿ ಕದನ  ಆರಂಭವಾಯಿತು.  

ಈಗ ಬದಲಾವಣೆ ಆಗಿದೆ .ಆದರೆ ಮಂತ್ರಿಗಿರಿ ಖುರ್ಚಿ ಕಾದಾಟ  ಇವರೆಗೂ ನಿಂತಿಲ್ಲ. ಮೊದಲ ಮೂರು ವರ್ಷ ಸಿಎಂ ಕುರ್ಚಿಗಾಗಿ ಸಿದ್ದರಾಮಯ್ಯ ಮತ್ತು ಡಿ.ಕೆ.ಶಿವಕುಮಾರ್ ನಡುವೆ ಕುರ್ಚಿ ಕಿತ್ತಾಟ ನಡೆಯಿತು.  ಡಿ.ಕೆ.ಶಿವಕುಮಾರ್ ಮುಖ್ಯಮಂತ್ರಿ  ಆದ ನಂತರ ಶಾಸಕರು  ಸಚಿವ ಸ್ಥಾನಕ್ಕಾಗಿ ಹಾಗೂ ಖಾತೆಗಾಗಿ ಕಿತ್ತಾಟ ಶುರುವಾಗಿದೆ. ಇವರ ಕಿತ್ತಾಟದಲ್ಲಿ ರಾಜ್ಯದಲ್ಲಿ ಅಭಿವೃದ್ಧಿ, ಆಡಳಿತ ಯಂತ್ರ ಕುಸಿದಿದೆ ಎಂದರು.ಶಕ್ತಿ, ಗೃಹಲಕ್ಷ್ಮಿ, ಗೃಹಜ್ಯೋತಿ, ಯುವ ನಿಧಿ, ಅಕ್ಕಿ  ಗ್ಯಾರಂಟಿಗಳನ್ನು  ಕೊಟ್ಟು ಅಧಿಕಾರಕ್ಕೆ ಬಂದ ರಾಜ್ಯ ಸರ್ಕಾರದ ಅಸ್ತಿತ್ವವೇ ಗ್ಯಾರಂಟಿ ಇಲ್ಲ ಎಂಬಂತಾಗಿದೆ ಎಂದು ವಿಶ್ವೇಶ್ವರ ಹೆಗಡೆ ಕುಹಕವಾಡಿದರು. 

*ಪ್ರಿಯಾಂಕ ಬಾಯಿ ಚಪಲಕ್ಕೆ ಟೀಕೆ :* ಆರ್‌.ಎಸ್‌.ಎಸ್ ನೊಂದಣಿಯ ಬಗ್ಗೆ ಗೃಹ ಸಚಿವ ಪ್ರಿಯಾಂಕಾ  ಖರ್ಗೆ ಪದೇ ಪದೇ  ಪ್ರಶ್ನೆ ಮಾಡುತ್ತಿದ್ದಾರೆ. ಇದು ಅವರ  ಬಾಯಿ ಚಪಲವಾಗಿದೆ. ಬಾಯಿ ಚಪಲಕ್ಕೆ  ಮಾತನಾಡುವುದನ್ನು ಬಿಡಬೇಕು ಎಂದ ಸಂಸದ  ಕಾಗೇರಿ, ಪ್ರಿಯಾಂಕಾ ಖರ್ಗೆಯವರು ಕಳೆದ ಮೂರು ವರ್ಷ ಗ್ರಾಮೀಣಾಭಿವೃದ್ಧಿ ಸಚಿವರಾಗಿ ಮಾಡಿದ ಸಾಧನೆಯನ್ನು ಮೊದಲು ಜನರೆದುರಿಗಿಡಲಿ ಎಂದರು. ಈ ಸಂದರ್ಭದಲ್ಲಿ ಮಾಜಿ ಶಾಸಕಿ ರೂಪಾಲಿ ನಾಯ್ಕ ಪ್ರನುಖರಾದ ಜಗದೀಶ ನಾಯಕ,  ಇನ್ನಿತರರು ಇದ್ದರು.