ಲೋಕದರ್ಶನ ವರದಿ 

ಹೂವಿನ ಹಡಗಲಿ 22:  ಬೇಸಿಗೆ ಕಾಲ ಬಿಸಿಲಿನ ಝಳ ತಾಪ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. ಬಸ್ ನಿಲ್ದಾಣ ಸೇರಿದಂತೆ ಸಾರ್ವಜನಿಕ ಸ್ಥಳಗಳಲ್ಲಿ ಜನ ಸಾಮಾನ್ಯರಿಗೆ ಶುದ್ಧ ಕುಡಿಯುವ ನೀರಿನ ವ್ಯವಸ್ಥೆ ಕಲ್ಪಿಸಬೇಕೆಂದು ಭಾರತ ಕಮ್ಯೂನಿಸ್ಟ್‌ ಪಕ್ಷದ ಮುಖಂಡರು ಮನವಿ ಮಾಡಿದ್ದಾರೆ. ಹಳ್ಳಿಗಳಿಂದ ಪ್ರತಿನಿತ್ಯ ತಾಲೂಕು ಕಚೇರಿ ಒಳಗೊಂಡಂತೆ ವಿವಿಧ ಇಲಾಖೆಗಳ ಕೆಲಸ ಕಾರ್ಯಗಳಿಗೆ ಸಾವಿರಾರು ಜನ ಬರುವರು. ಎಷ್ಟೋ ಬಡ ಜನರು ಕಾಸು ಕೊಟ್ಟು ಬಾಟಲ್ ನೀರು ಖರೀದೀಸಲಾಗದೆ ಅಶುದ್ಧ ನೀರು ಕುಡಿಯುತ್ತಿರುವುದು ವಿಪರ್ಯಾಸ. ಜನರ ಆರೋಗ್ಯದ ಹಿತ ದೃಷ್ಟಿಯಿಂದ ಹೊಸ ಹಳೇ ಬಸ್ ನಿಲ್ದಾಣ, ತಾಲೂಕು ಕಚೇರಿ, ಸಂತೆ ಮೈದಾನ,ಎ ಪಿ ಎಂ ಸಿ, ಕಿತ್ತೂರು ರಾಣಿ ಚೆನ್ನಮ್ಮ ವೃತ್ತ, ಶಾಂತವೀರ ಸಮುದಾಯ ಭವನದ ಹತ್ತಿರ ಶುದ್ಧ ನೀರು ಒದಗಿಸುವ ಕಾರ್ಯಕ್ಕೆ ಪುರಸಭೆ ಮುಂದಾಗಲಿ ಎಂಬುದು ಪಕ್ಷದ ಆಶಯ.ಪಟ್ಟಣದ ಹರಪನಹಳ್ಳಿ ರಸ್ತೆಯಲ್ಲಿರುವ ಪುರಸಭೆ ಕಚೇರಿಗೆ ತೆರಳಿ ಸಿಪಿಐ ಪಕ್ಷದ ನಾಯಕರಾದ ಬಸವರಾಜ ಸಂಶಿ, ಎಚ್ ಎಂ ಸಂತೋಷ್, ಬಾವಾಜಿ ಜಂಗ್ಲಿಸಾಬ್, ಗುಡಿಹಳ್ಳಿ ಹಾಲೇಶ ಮನವಿ ಪತ್ರ ಸಲ್ಲಿಸಿದರು.