ಮುದ್ದೇಬಿಹಾಳ 31 : ಸ್ವಾತಂತ್ರ್ಯ ಪೂರ್ವದಲ್ಲಿ ಹುಟ್ಟಿರುವ ಅಂಜುಮನ್ ಇಸ್ಲಾಂ ಕಮೀಟಿಯ ಆರಂಭದಲ್ಲಿದ್ದ ವೈಭವವನ್ನು ಮರಳಿ ಸ್ಥಾಪಿಸುವ ಯತ್ನ ಮಾಡುವ ಉದ್ದೇಶದಿಂದ ಚುನಾವಣೆಗೆ ಸ್ಪರ್ಧಿಸಿರುವುದಾಗಿ ಬ್ಲಾಕ್ ಕಾಂಗ್ರೆಸ್ ಮಾಜಿ ಅಧ್ಯಕ್ಷ, ಕಮೀಟಿಗೆ ಸ್ಪರ್ಧಿಸಿರುವ ಅಬ್ದುಲಗಫೂರ ಮಕಾನದಾರ ಹೇಳಿದರು.  ನಾಮಪತ್ರ ಸಲ್ಲಿಕೆ ಬಳಿಕ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, 1936ರಲ್ಲಿ ಇಲ್ಲಿನ ಅಂಜುಮನ್ ಸಂಸ್ಥೆಯನ್ನು ಹಿರಿಯರು ಹುಟ್ಟು ಹಾಕಿದ್ದಾರೆ.

ಅಂಜುಮನ್ ಸಂಸ್ಥೆಯ ಬೆಳವಣಿಗೆಯಲ್ಲಿ ಹಿಂದೂ ಬಾಂಧವರ ಸಹಕಾರವೂ ಇತ್ತು.ಆದರೆ ಕಾರಣಾಂತರಗಳಿಂದ ಸಂಸ್ಥೆಯ ಅಭಿವೃದ್ಧಿ ಕುಂಠಿತಗೊಂಡಿದೆ. ಹೊಸಬರು, ಒಳ್ಳೆಯವರ ಆಯ್ಕೆಗೆ ಮತದಾರರು ಮುಂದಾಗಬೇಕು ಎಂದು ಮನವಿ ಮಾಡಿದರು.  ಇನ್ನೊರ್ವ ಅಭ್ಯರ್ಥಿ, ಜನರಕೂಗು ವಾಹಿನಿ ಸಂಸ್ಥಾಪಕ ಗುಲಾಮ್ಮೊಹ್ಮದ್ ವೈ.ದಫೇದಾರ ಮಾತನಾಡಿ, ಮುದ್ದೇಬಿಹಾಳದ ಅಂಜುಮನ್ ಸಂಸ್ಥೆಯ ಚುನಾವಣೆಯನ್ನು ಶಾಂತ ರೀತಿಯಲ್ಲಿ ಮಾದರಿಯಾಗಿ ಮಾಡುವ ಸಂಕಲ್ಪ ನಮ್ಮದಾಗಿದೆ. ಸಂಸ್ಥೆಯಡಿ ಆಸ್ಪತ್ರೆ,ಅಂಜುಮನ್ ಶಾಲೆ, ಮಳಿಗೆಗಳ ಅಭಿವೃದ್ಧಿ ಸೇರಿದಂತೆ ಹಲವು ಯೋಜನೆಗಳನ್ನು ಸಮಾಜದ ಬಾಂಧವರಿಗಾಗಿ ಕಾರ್ಯಗತಗೊಳಿಸಬೇಕಾಗಿದೆ.

ಸಮಾನ ಮನಸ್ಕರೆಲ್ಲ ಸೇರಿಕೊಂಡು ಸಂಸ್ಥೆಯ ಅಭಿವೃದ್ಧಿಗೆ ಆಸರೆಯಾಗುವವರನ್ನು ಆಯ್ಕೆ ಮಾಡುವಂತೆ ಮತದಾರರಲ್ಲಿ ವಿನಂತಿಸುವುದಾಗಿ ಹೇಳಿದರು.      ಅಭ್ಯರ್ಥಿ ಅಲ್ಲಾಭಕ್ಷ್ಯ ದೇಸಾಯಿ, ಮುಖಂಡರಾದ ಮಹೆಬೂಬ ಮುಲ್ಲಾ, ಬಾಪ್ ಢವಳಗಿ, ಮಹೆಬೂಬ ಹಡಲಗೇರಿ ಸಂಸ್ಥೆಯ ಕುರಿತು ಮಾತನಾಡಿದರು.ಈ ಸಂದರ್ಭದಲ್ಲಿ ಡಾ.ಯಾಸೀನ್ ಮುಲ್ಲಾ, ಅಬ್ದುಲಸಲಾಂ ಮುಲ್ಲಾ, ಹುಸೇನ್ಭಾಷಾ ಹುಣಚಗಿ,  ಯಾಸೀನ ಸೋಠೆ, ಮುರ್ತುಜ ದಖನಿ, ಹೆಸ್ಕಾಂ ಸಲಹಾ ಸಮಿತಿ ನಾಮನಿರ್ದೇಶಿತ ಸದಸ್ಯ ಸಿಕಂದರ್ ಜಾನ್ವೇಕರ ಅಸ್ಲಾಂ ಕಿತ್ತೂರ, ಅಲ್ಲಾಭಕ್ಷ್ಯ ಮಕಾನದಾರ, ಅಬ್ದುಲಮಜೀದ ಮಕಾನದಾರ, ಮೈನೂದ್ದೀನ ಹವಾಲ್ದಾರ, ಆರೀಫ ಮುಲ್ಲಾ, ರಹೆಮಾನ ದಫೇದಾರ, ಅಕ್ಬರ ದೇಸಾಯಿ, ಮೋದಿನ ಕಾರಗನೂರ ಸೇರಿದಂತೆ ಮೊದಲಾದವರು ಇದ್ದರು.