ಇಂಡಿ 05: ತಾಲೂಕ ಪಂಚಾಯತಿ ಆವರಣದಲ್ಲಿ  ಸ್ವಚ್ಛ ಶನಿವಾರ ಅಭಿಯಾನ ಹಾಗೂ ಸಸಿ ನೆಡುವ ಕಾರ್ಯಕ್ರಮಕ್ಕೆ ಇಂಡಿ ತಾಲೂಕ ಪಂಚಾಯತಿ ಕಾರ್ಯನಿರ್ವಾಹಕ ಅಧಿಕಾರಿಗಳು  ಡಾ ಭೀಮಾಶಂಕರ ಕನ್ನೂರ ಅವರು ಚಾಲನೆ ನೀಡಿದರು.  

ತಿಂಗಳ ಮೊದಲನೇ ಶನಿವಾರ ತಾಲೂಕಿನ ಕಚೇರಿ ಒಳಗೆ ಮತ್ತು ಹೊರಗೆ ಸ್ವಚ್ಚತೆ ಕಾಪಾಡುವ ಉದ್ದೇಶದಿಂದ ಸ್ವತಃ  ಕಾರ್ಯನಿರ್ವಾಹಕ ಅಧಿಕಾರಿಗಳು ಅವರು ಪೊರಕೆ ಹಿಡಿದು ಸಿಬ್ಬಂದಿಯೊಂದಿಗೆ ಕಚೇರಿ ಆವರಣವನ್ನು ಸ್ವಚ್ಛಗೊಳಿಸಿದರು. ಜನಸ್ನೇಹಿ ಕಚೇರಿ ವಾತಾವರಣ ನಿರ್ಮಿಸುವುದು ಈ ಅಭಿಯಾನದ ಉದ್ದೇಶವಾಗಿದೆ ಎಂದರು.  

ತಾಲೂಕಿನ ಎಲ್ಲಾ ಗ್ರಾಮ ಪಂಚಾಯಿತಿಗಳಲ್ಲಿ ಸ್ವಚ್ಛ ಶನಿವಾರ ಅಭಿಯಾನ ಮಾಡಲಾಗುತ್ತಿದೆ.ಪಂಚಾಯತ ರಾಜ್ ಇಲಾಖೆ ಸಹಾಯಕ ನಿರ್ದೇಶಕರು ಪ್ರಕಾಶ ರಾಠೋಡ, ತಾಲೂಕ ಯೋಜನಾಧಿಕಾರಿಗಳು  ನಂದೀಪ ರಾಠೋಡ, ವ್ಯವಸ್ಥಾಪಕರು ಮುರುಗೇಶ ನಾರಾಯಣಪುರ, ಜಬ್ಬರಅಲಿ ಹಳ್ಳಿ, ಪ್ರಭಾಕರ ಪೂಜಾರಿ , ಸುಮಿತ್ರಾ ನಾಯಕ, ಚಿತ್ರಾವತಿ ಪೂಜಾರಿ, ವಿಜಯಾ ತಳವಾರ, ಮಲ್ಲಿಕಾರ್ಜುನ ಪಾಟೀಲ, ತಾಂತ್ರಿಕ ಸಂಯೋಜಕರು ಸಾಹಿಲ್ ದನಶೆಟ್ಟಿ ,ಎಂ ಐ ಎಸ್ ಸಂಯೋಜಕರು ಹನುಮಂತ ಮೇಟಿ,  ಐಇಸಿ ಸಂಯೋಜಕರು ರಾಮಗೌಡ ಸರಬಡಗಿ, ಬಾಬು ಶೇಕ್, ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು.