ಹಾವೇರಿ 12 :ಹಾವೇರಿ ತಾಲೂಕಿನಲ್ಲಿ 14 ಎಸ್ ಎಸ್ ಎಲ್ ಸಿ ಪರೀಕ್ಷಾ ಕೇಂದ್ರಗಳನ್ನು ಗುರುತಿಸಲಾಗಿದ್ದು,  4170 ವಿದ್ಯಾರ್ಥಿಗಳು ಪರೀಕ್ಷೆ ನೋಂದಾಯಿಸಿಕೊಂಡಿದ್ದಾರೆ ಎಂದು ಕ್ಷೇತ್ರ ಶಿಕ್ಷಣಾಧಿಕಾರಿ ಎಂ.ಎಚ್‌.ಪಾಟೀಲ ಅವರು ತಿಳಿಸಿದರು. 

ನಗರದ ಖಾಸಗಿ ಶಾಲೆಯಲ್ಲಿ ಸೋಮವಾರ   2026 ನೇ ಸಾಲಿನ  ತಾಲೂಕು ಮಟ್ಟದ ಎಸ್ ಎಸ್ ಎಲ್ ಸಿ ಮುಖ್ಯ ಪರೀಕ್ಷೆ-1ರ ಪೂರ್ವಭಾವಿ ಸಭೆಯ ಅಧ್ಯಕ್ಷತೆ ವಹಿಸಿ ಮಾತನಾಡಿದ ಅವರು,  ಪರೀಕ್ಷೆಯನ್ನು ಅತ್ಯಂತ ವ್ಯವಸ್ಥಿತವಾಗಿ  ನಡೆಸಬೇಕು ಹಾಗೂ ಯಾವುದೇ ಲೋಪದೋಷವಾಗದಂತೆ ಎಚ್ಚರಿಕೆ ವಹಿಸಬೇಕು ಎಂದು ಸೂಚನೆ ನೀಡಿದರು.  

ಮುಖ್ಯ ಅಧೀಕ್ಷಕರು ತಮ್ಮ ಪರೀಕ್ಷಾ ಕೇಂದ್ರಗಳಲ್ಲಿ ಪೀಠೋಕರಣ ಸ್ವಚ್ಛತೆ, ಕುಡಿಯವ ನೀರು, ಸಿಸಿಟಿವಿ ಕ್ಯಾಮೆರಾ  ವ್ಯವಸ್ಥೆಮಾಡಬೇಕು. ಪರೀಕ್ಷೆಗೆ ನೇಮಿಸಿದ ಸಿಬ್ಬಂದಿಗಳು ಸಮಯಕ್ಕೆ ಪರೀಕ್ಷಾ ಕೇಂದ್ರಗಳಿಗೆ ಹಾಜರಾಗಿ ತಮ್ಮ ಕರ್ತವ್ಯಗಳನ್ನು ಜವಾಬ್ದಾರಿಯಿಂದ ನಿರ್ವಹಿಸಬೇಕು ಜಾಗೂ   ಪರೀಕ್ಷಾ ಪಾವಿತ್ರತೆ ಹಾಗೂ ಗೌಪ್ಯತೆಯನ್ನುಕಾಪಾಡುವಂತೆ  ಸೂಚಿಸಿದರು.  

ಸಭೆಯಲ್ಲಿ ತಾಲೂಕು ಆರೋಗ್ಯ ಅಧಿಕಾರಿ ಡಾ. ಪ್ರಭಾಕರ ಕುಂದೂರು, ಕ್ಷೇತ್ರ ಸಮನ್ವಯಾಧಿಕಾರಿ  ಮಹದೇವಪ್ಪ, ಪರೀಕ್ಷಾ ಕೇಂದ್ರದ ಮುಖ್ಯ ಅಧೀಕ್ಷಕರು, ಉಪಅಧೀಕ್ಷಕರು, ಸ್ಥಾನಿಕ ಜಾಗೃತ ದಳದ ಅಧಿಕಾರಿಗಳು ಹಾಗೂ ಮೊಬೈಲ್ಸ್‌ ಸ್ವಾಧೀನ ಅಧಿಕಾರಿಗಳು  ಇತರರು ಉಪಸ್ಥಿತರಿದ್ದರು.