ಲೋಕದರ್ಶನ ವರದಿ 

ಜಮಖಂಡಿ 27: ಡಾ.ತಾತಾಸಾಹೇಬ ಬಾಂಗಿ ಅವರ ಸಂಶೋಧನೆಯ ಕೃತಿಯು ಸ್ವಾತಂತ್ರ್ಯ ಸೇನಾನಿ ಪದ್ಮಾವತಿಬಾಯಿ ವಾಮನರಾಯ ದೇಸಾಯಿ ಬಿದರಿ ಗ್ರಾಮದವರ ಕುರಿತು ಗ್ರಂಥ ಲೋಕಾರ್ಪಣೆ ಸಮಾರಂಭ ಕಾರ್ಯಕ್ರಮ ಮಾರ್ಚ 29 ರಂದು ಬೆಳಗ್ಗೆ 10 ಗಂಟೆಗೆ ಬಸವ ಭವನದಲ್ಲಿ ಜರುಗಲಿದೆ ಎಂದು ಕೃತಿ ಸಂಶೋಧಕ ಡಾ, ತಾತಾಸಾಹೇಬ ಬಾಂಗಿ ಅವರು ತಿಳಿಸಿದರು. 

ನಗರದ ದಾನಮ್ಮ ದೇವಿಯ ಸಭಾ ಭವನದಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಸ್ವಾತಂತ್ರ್ಯ ಸೇನಾನಿ ಪದ್ಮಾವತಿಬಾಯಿ ವಾಮನರಾಯ ದೇಸಾಯಿ ಅವರು ಇತಿಹಾಸ ಪುಟಗಳ ಮುಂಚೂಣಿಯಲ್ಲಿ ಇರಬೇಕಾಗಿದರು. ಅವರು ಜಮಖಂಡಿಯವರು. ದೇಶದ ಸ್ವಾತಂತ್ರ್ಯಕ್ಕಾಗಿ ಮಾಡಿದ ಮೌನಕಾಂತ್ರಿ ಜೀವನದುದ್ದಕ್ಕೂ ಮಾಡಿದ ಸಾಮಾಜಿಕ ಸೇವೆ. ಹೋರಾಟದ ಹೆಜ್ಜೆ ಅನನ್ಯವಾದದ್ದು. ಸ್ವಾತಂತ್ರ್ಯ ಸಂಗ್ರಾಮದಲ್ಲಿ ಧುಮುಕಿ ಜೈಲು ಶಿಕ್ಷೆ ಅನುಭವಿಸಿದರು. ಸ್ವಾತಂತ್ರ್ಯ ಪೂರ್ವದಲ್ಲಿ ಜಮಖಂಡಿ ಸಂಸ್ಥಾನದ ಸಭೆಯ ಸದಸ್ಯರಾಗಿ ಸಾಮಾಜಿಕ ಸಮಸ್ಯೆಗಳ ಬಗ್ಗೆ ಸರ್ಕಾರದ ಗಮನ ಸೆಳೆದ ಏಕೈಕ ಮಹಿಳಾ ಶಾಸಕಿಯಾಗಿದರು. ಸ್ವಾತಂತ್ರ್ಯ ಸೇನಾನಿ ಪದ್ಮಾವತಿಬಾಯಿ ವಾಮನರಾಯ ದೇಸಾಯಿ ಅವರ ಹೆಜ್ಜೆ ಗುರುತುಗಳನ್ನು ನಾಡಿಗೆ ಪರಿಚಯಿಸುವ ಕಾರ್ಯವನ್ನು ಡಾ,ತಾತಾಸಾಹೇಬ ಬಾಂಗಿ ಅವರು  ಮಾಡುವ ಮೂಲಕ ಸಂಶೋಧನಾ ಕೃತಿಯನ್ನು ಪ್ರಕಟಿಸುವುದರ ಮೂಲಕ ಪದ್ಮಾವತಿಬಾಯಿ ಅವರ ದಿಟ್ಟ ಹೆಜ್ಜೆಗಳ ಮೇಲೆ ಬೆಳಕು ಚೆಲ್ಲುವ ಕಾರ್ಯವನ್ನು ಮಾಡಿದ್ದೇನೆ ಎಂದರು. 

ಕನ್ನಡ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷ ಸಂತೋಷ ತಳಕೇರಿ ಮಾತನಾಡಿ, ಮಾರ್ಚ್‌ 29 ರಂದು ನಡೆಯುವ ಡಾ,ತಾತಾಸಾಹೇಬ ಬಾಂಗಿ ಅವರ ಸಂಶೋಧನಾ ಕೃತಿಯಾದ ಸೇನಾನಿ ಪದ್ಮಾವತಿಬಾಯಿ ವಾಮನರಾಯ ದೇಸಾಯಿ ಅವರ ಗ್ರಂಥ ಲೋಕಾರೆ​‍್ಣ ಕಾರ್ಯಕ್ರಮದಲ್ಲಿ ಮೂಲ ಸಿದ್ದೇಶ್ವರ ಸಿದ್ದಮುತ್ಯಾ ಶ್ರೀಗಳು ಸಾನಿಧ್ಯವನ್ನು ವಹಿಸುವರು. ಪದ್ಮಾವತಿಬಾಯಿ ಅವರ ಮೊಮ್ಮಗ ಸಾಹಿತಿ, ಪತ್ರಕರ್ತ ಮನೋಜ ಪಾಟೀಲ ಅವರು ಉದ್ಘಾಟನೆಯನ್ನು ನೇರವೆರಿಸುವರು. ಕೃತಿ ಲೋಕಾರೆ​‍್ಣಯನ್ನು ವಿಜಯಪುರ ಅಕ್ಕಮಹಾದೇವಿ ಮಹಿಳಾ ವಿಶ್ವವಿದ್ಯಾಲಯ ವಿಶ್ರಾಂತ ಕುಲಪತಿ ಪ್ರೋ, ಮೀನಾ ಚಂದಾವರಕರ ನೇರವೆರಿಸುವರು. ಸವದತ್ತಿ ಖ್ಯಾತ ಸಾಹಿತಿ ಡಾ,ವಾಯ್,ಎಂ, ಯಾಕ್ಕೋಳಿ ಕೃತಿ ಪರಿಚಯ ಮಾಡುವರು. ಮುಖ್ಯ ಅತಿಥಿಗಳಾಗಿ ಮಹಾದೇವ ಬಸರಕೋಡ, ಸವಿತಾ ಬೆಳಗಲಿ, ಡಾ,ಎ.ಬಿ.ವಗ್ಗರ, ಕೆ.ಚನ್ನಬಸಪ್ಪ, ಸುಬೇದಾರ ಮೇಜರ್ ರಾಮು ಎಸ್‌.ಶಿರೋಳ, ಬಸವರಾಜ ಹಟ್ಟಿಗೌಡರ, ಡಾ,ಹೆಚ್‌.ಬಿ.ಚೌಧರಿ ಸೇರಿದಂತೆ ಅನೇಕ ಸಾಹಿತಿಗಳು, ಗಣ್ಯಮಾನ್ಯರುಗಳು ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ ಎಂದರು. 

ಸುದ್ದಿಗೋಷ್ಠಿಯಲ್ಲಿ ಕ್ಯಾಪ್ಟನ್ ಗಿರಮಲ್ಲಪ್ಪಾ ಹಂಚಿನಾಳ, ಬಸವರಾಜ ನಾಗಮೋತಿ, ಶ್ರೀಪಾದ ಪ್ರಕಾಶ ಹೊನವಾಡ, ಶಿವಾನಂದ ಸಾತ್ಯಾಳ ಇದ್ದರು.