ಲೋಕದರ್ಶನ ವರದಿ 

  ಮುದ್ದೇಬಿಹಾಳ   19: ರಾಜಕಾರಣಿ ಮಾಡುತ್ತಾ ಬಂದು ಕ್ಷೇತ್ರದಲ್ಲಿ ಅಭಿವೃದ್ಧಿಗಾಗಿ ಶ್ರಮಿಸಿದ ಶಾಸಕ ಅಪ್ಪಾಜಿ ನಾಡಗೌಡ ಅವರು. ಇಂತಹ ವ್ಯಕ್ತಿಗೆ ಸಾಕಷ್ಟು ಬಾರಿ ಸಚಿವ ಸ್ಥಾನದಿಂದ ವಂಚಿತರಾಗುವಂತೆ ಕಾಣದ ಕೈಗಳು ಕೆಲಸ ಮಾಡುತ್ತಾ ಬಂದಿವೆ. ಇದರಿಂದ ಕ್ಷೇತ್ರದ ಜನರಿಗೆ ಪಕ್ಷದ ಮೇಲೆ ವಿಶ್ವಾಸವಿಲ್ಲದಂತಾಗಿದೆ. ಕೂಡಲೇ ನಾಡಗೌಡರಿಗೆ ಸಚಿವ ಸ್ಥಾನವನ್ನು ನೀಡಿ ಮುದ್ದೇಬಿಹಾಳ ಕ್ಷೇತ್ರದಲ್ಲಿ ಕಾಂಗ್ರೇಸ್ ಪಕ್ಷ ಉಳಿವಿಕೆಗಾಗಿ ಶ್ರಮಿಸಬೇಕು ಎಂದು ಬ್ಲಾಕ್ ಕಾಂಗ್ರೇಸ್ ತಾಲೂಕಾಧ್ಯಕ್ಷ ಗುರುಣ್ಣ ತಾರನಾಳ ಹೇಳಿದರು.

ಕ್ಷೇತ್ರದಲ್ಲಿ ಕಾಂಗ್ರೇಸ್ ಪಕ್ಷವನ್ನು ತಳಹದಿಯಿಂದ ಸಂಘಟಿಸಿ ಭದ್ರಬುನಾದಿ ಕ್ಷೇತ್ರವನ್ನು ಮಾಡಿದ ಹಿರಿಮೆ ಶಾಸಕ ನಾಡಗೌಡ ಅವರಿಗೆ ಸಲ್ಲುತ್ತದೆ. ಇಂತಹ ಸರಳಸಜ್ಜನಿಕೆ ವ್ಯಕ್ತಿಗೆ ಸಂಪುಟದಲ್ಲಿ ಸ್ಥಾನಮಾನ ನೀಡದಿರುವುದು ಬೇಸರದ  ಸಂಗತಿಯಾಗಿದೆ. ರಾಜ್ಯ ಸರಕಾರದ ಎರಡನೇ ಸಂಪುಟ ಪಟ್ಟಿಯಿಂದ ಶಾಸಕ ಸಿ.ಎಸ್‌.ನಾಡಗೌಡ ಅಪ್ಪಾಜಿ ಅವರನ್ನು ಕೈಬಿಟ್ಟರೆ ನಾವು ಆತ್ಮಹತ್ಯಗೂ ಮುಂದಾಗಬೇಕಾಗುತ್ತದೆ ಎಂದುಸರಸ್ವತಿ ಪೀರಾಪೂರ ಹೇಳಿದ್ದಾರೆ.