ಚಿಕ್ಕೋಡಿ 31:  ಬೆಣ್ಣಿಹಳ್ಳಿಯ ಇಂಚಗೇರಿ ಮಾಧವಾನಂದ ಮಠದ ಪ್ರಸಾದ ನಿಲಯ ನಿರ್ಮಾಣಕ್ಕಾಗಿ ಸಂಸದರ ಅನುದಾನದಲ್ಲಿ  10 ಲಕ್ಷ ರೂ.ಗಳ ಅನುದಾನ ಬಿಡುಗಡೆ ಮಾಡಲಾಗಿದೆ ಎಂದು ರಾಜ್ಯಸಭಾ ಸದಸ್ಯ ಈರಣ್ಣಾ ಕಡಾಡಿ ತಿಳಿಸಿದರು. 

ಚಿಕ್ಕೋಡಿ ತಾಲೂಕಿನ ಬೆಣ್ಣಿಹಳ್ಳಿಯ ಇಂಚಗೇರಿ ಮಾಧವಾನಂದ ಮಠದ ಪ್ರಸಾದ ನಿಲಯ ಕಾಮಗಾರಿಗೆ ಭೂಮಿ ಪೂಜೆ ನೇರವೇರಿಸಿ ಅವರು ಮಾತನಾಡಿದರು. ಬೆಣ್ಣಿಹಳ್ಳಿಯ ಸಾರ್ವಜನಿಕ ಉಪಯೋಗಕ್ಕಾಗಿ ಈ ಅನುದಾನವನ್ನು ಸರಿಯಾದ ರೀತಿಯಲ್ಲಿ ಬಳಸಿಕೊಳ್ಳಬೇಕು ಎಂದರು. 

ಆಧ್ಯಾತ್ಮವೆಂದರೆ ಎಲ್ಲವನ್ನೂ ಮರೆತು ಭಕ್ತಿಯಲ್ಲಿ ಮಿಂದೆಳುವುದು. ದೇಶದ ವಿಭಿನ್ನ ಸಂಸ್ಕೃತಿಗಳಲ್ಲಿಯೂ ಏಕತೆ ಕಾಣಬಹುದು. ನೂರಾರು ಪರಂಪರೆಗಳಿದ್ದರೂ ತಿರುಳು ಒಂದೇ  ಶಾಂತಿ, ಸಹಜ ಜೀವನ. ಸಂಪ್ರದಾಯ ಬೇರೆಯಾದರೂ ಎಲ್ಲರ ಉದ್ದೇಶ ಒಂದೇ ಧರ್ಮ. ಜೀವನದಲ್ಲಿ ಭಕ್ತಿ ಅಳವಡಿಸಿಕೊಂಡು ಪುಣ್ಯದ ದಾರಿಯಲ್ಲಿ ಸಾಗಲು ಆಧ್ಯಾತ್ಮಿಕ ಒಳ್ಳೆಯ ಮಾರ್ಗ ಎಂದರು. 

ಮಾಜಿ ಬಿಜೆಪಿ ರೈತ ಮೋರ್ಚಾ ರಾಜ್ಯ ಉಪಾಧ್ಯಕ್ಷ ದುಂಡಪ್ಪ ಬೆಂಡವಾಡೆ ಮಾತನಾಡಿ, ಇಂಚಗೇರಿ ಸಂಪ್ರದಾಯ ಮಠಗಳ ಸೇವಾ ಚಟುವಟಿಕೆಗಳನ್ನು ಕೊಂಡಾಡುವ ಮೂಲಕ ಪ್ರಸಾದ ನಿಲಯಕ್ಕೆ ಅನುದಾನ ನೀಡಿರುವ ಈರಣ್ಣಾ ಕಡಾಡಿ ಅವರನ್ನು ಅಭಿನಂಧಿಸಿ ಮತ್ತೊಮ್ಮೆ ರಾಜ್ಯಸಭೆ ಸದಸ್ಯರಾಗಿ ಸಮಾಜ ಸೇವೆ ಮಾಡಬೇಕು ಎಂದರು. 

ಇಂಚಗೇರಿಯ ಮುಕುಂದ ಮಹಾರಾಜರು, ಬೆಳವಿಯ ಮೃತ್ಯುಂಜಯ ಮಹಾರಾಜರು, ರಾಮಣ್ಣಾ ಮಹಾರಾಜರು, ಅಪ್ಪಾಸಾಹೇಬ ಮಹಾರಾಜರು, ಸದಾಶಿವ ಮಹಾರಾಜರು, ನ್ಯಾಯವಾದಿ ಎಂ.ಐ.ಬೆಂಡವಾಡೆ ಸೇರಿದಂತೆ ಅನೇಕರು ಹಾಜರಿದ್ದರು.