ಲೋಕದರ್ಶನ ವರದಿ 

ಜಮಖಂಡಿ 10: ತಾಲೂಕಿನ ಗದ್ಯಾಳ ಗ್ರಾಮದ ಭಾರತೀಯ ಸೇನೆಯ ಬಿಎಸ್‌ಎಫ್ ಯೋಧ ರಸ್ತೆ ಅಪಘಾತದಲ್ಲಿ ಸಾವನ್ನಪ್ಪಿದ ಘಟನೆ ಜರುಗಿದೆ. ಗದ್ಯಾಳ ಗ್ರಾಮದ ಮಾದೇವ ಸದಾಶಿವ ಡಪಳಾಪೂರ (30) ಭಾರತೀಯ ಸೇನೆಯಲ್ಲಿ ಮೇಘಾಲಯ, ಅಸ್ಸಾಂ, ಜಮ್ಮುವಿನಲ್ಲಿ ಸೇವೆ ಸಲಿಸುತ್ತಿದ್ದ ಯೋಧ ರಜೆಯ ಮೇಲೆ ಸ್ವಗ್ರಾಮಕ್ಕೆ ಬಂದಿರುತ್ತಾರೆ. ತಮ್ಮ ಮನೆಯ ದೇವರಿಗೆ ಪೂಜೆ ಸಲಿಸಿ ಮರಳಿ ಬರುವ ಸಮಯದಲ್ಲಿ ವಿಜಯಪುರ ಬೈಪಾಸ್ ರಸ್ತೆಯ ಬಳಿ ರಸ್ತೆ ಅಪಘಾತದಲ್ಲಿ ಸ್ಥಳದಲ್ಲಿಯೇ ಸಾವನ್ನಪ್ಪಿದ್ದಾರೆ ಎನ್ನಲಾಗಿದೆ. 

ಭಾರತೀಯ ಸೇನೆಯ ಬಿಎಸ್‌ಎಫ್ ಯೋಧ ಮಾದೇವ ಸದಾಶಿವ ಡಪಳಾಪೂರ ಅವರ ಪಾರ್ಥಿವ ಶರೀರವನ್ನು ಸ್ವಗ್ರಾಮಕ್ಕೆ ತರಲಾಗಿದ್ದು. ಸರಕಾರಿ ಸಕಲ ಗೌರವದೊಂದಿಗೆ ಅಂತ್ಯಕ್ರಿಯೆ ನೇರವೆರಿಸಲಾಗಿದೆ. ಬಿಎಸ್‌ಎಫ್ ಕಮಾಂಡರಗಳು ಅಂತ್ಯಕ್ರಿಯೆಯಲ್ಲಿ ಭಾಗವಹಿಸಿ ಭಾರತೀಯ ಯೋಧರ ಪ್ರಕಾರ ಗಾಳಿಯಲ್ಲಿ ಮೂರು ಸುತ್ತು ಗುಂಡುಗಳನ್ನು ಹಾರಿಸಿ. ರಾಷ್ಟ್ರ ಧ್ವಜವನ್ನು ಪಾರ್ಥಿವ ಶರೀರದ ಮೇಲೆ ಹಾಕಲಾಗಿತ್ತು. ನಂತರ ನಿಧನ ಹೊಂದಿದ ಯೋಧನ ಧರ್ಮಪತ್ನಿಗೆ ಹಸ್ತಾಂತರಿಸಲಾಯಿತು. ಧರ್ಮಪತ್ನಿ 6 ತಿಂಗಳು ತುಂಬು ಗರ್ಭಿಣಿಯಾಗಿದ್ದು. ಗಂಡನ ನಿಧನ ಹೊಂದಿರುವದನ್ನು ಕಂಡು ಧರ್ಮಪತ್ನಿ ಹಾಗೂ ಹೆತ್ತ ತಂದೆ, ತಾಯಿಯ ಮತ್ತು ಕುಟುಂಬಸ್ಥರ ಅಕ್ರಂದಣ ಮುಗಿಲು ಮುಟ್ಟುವಂತೆ ಇಂತು.