ಬೆಳಗಾವಿ 04: ಪಂಚರಾಜ್ಯ ಚುನಾವಣೆಗಳಲ್ಲಿ ಪಶ್ಚಿಮ ಬಂಗಾಳ, ಅಸ್ಸಾಂ ಹಾಗೂ ಪುದುಚೆರಿಯಲ್ಲಿ ಅಭೂತಪೂರ್ವ ಗೆಲುವು ಸಾಧಿಸಿದ ನಮ್ಮ ಭಾರತೀಯ ಜನತಾ ಪಾರ್ಟಿಯ ದಿಗ್ವಿಜಯವನ್ನು ಇಂದು ಬೆಳಗಾವಿ ನಗರದಲ್ಲಿ  ಭರ್ಜರಿ ಬೈಕ್ ಶೊ ಮುಖಾಂತರ ಗಣೇಶ ದೇವಸ್ಥಾನದಲ್ಲಿ  ಭಗವಂತನಿಗೆ ಅರ್ಚನೆ ಮಾಡಿಸಿ, ಸಿಹಿ ಹಂಚಿ, ಪಟಾಕಿ ಸಿಡಿಸಿ ಸಂಭ್ರಮಿಸಲಾಯಿತು.   

ಈ ವಿಜಯೋತ್ಸವದಲ್ಲಿ ಮಹಾನಗರ ಜಿಲ್ಲಾ ಅಧ್ಯಕ್ಷರಾದ ಗೀತಾ ಸುತಾರ, ಭಾಜಪ ಕರ್ನಾಟಕದ ಉಪಾಧ್ಯಕ್ಷರಾದ  ಅನಿಲ ಬೆನಕೆ, ಬೆಳಗಾವಿ ಮಹಾನಗರ ಜಿಲ್ಲೆಯ ಉಪಾಧ್ಯಕ್ಷರಾದ  ಮಹಾಂತೇಶ ವಕ್ಕುಂದ,  ವಿಜಯ ಕೊಡಗನೂರ ಸೇರಿದಂತೆ ನೂರಾರು ಕಾರ್ಯಕರ್ತರು ಭಾಗವಹಿಸಿ ಸಂಭ್ರಮಿಸಿದರು.