ಬೆಳಗಾವಿ 03: ಸಂಕೇಶ್ವರದ ಪ್ರತಿಷ್ಠಿತ ಎಸ್‌ಡಿವಿಎಸ್ ಸಂಘದ ಶಿವರುದ್ರೇಶ್ವರ ಕಲಾ ಹಾಗೂ ಪಟ್ಟಣ ಪಂಚಾಯತ್ ವಿಜ್ಞಾನ ಮಹಾವಿದ್ಯಾಲಯದ ರಾಜ್ಯಶಾಸ್ತ್ರ ಉಪನ್ಯಾಸಕ ಪಾಟೀಲ ಬಾಳಗೌಡ ಗಣಪತಿ (ಯರನಾಳ) ಅವರು ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯದ ರಾಜ್ಯಶಾಸ್ತ್ರ ವಿಭಾಗದ ಪ್ರಾಧ್ಯಾಪಕಿ ಕಮಲಾಕ್ಷಿ ತಡಸದ ಅವರ ಮಾರ್ಗದರ್ಶನದಲ್ಲಿ "ಇಂಪ್ಯಾಕ್ಟ್‌ ಆಫ್ ಇಂಬ್ಯಾಲೆನ್ಸ್‌್ಡ ಗ್ರೋಥ್ ಆನ್ ಇಂಡಿಯನ್ ಫೆಡರಲಿಸಂ: ಎಂಪೆರಿಕಲ್ ಎನಾಲಿಸಿಸ್ ಪೋಸ್ಟ್‌ 2000 ಎಂಬ ವಿಷಯದ ಮೇಲೆ ರಾಜ್ಯಶಾಸ್ತ್ರ ವಿಷಯದಲ್ಲಿ ಮಂಡಿಸಿದ ಮಹಾ ಪ್ರಬಂಧಕ್ಕೆ ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯವು ಪಿಹೆಚ್‌.ಡಿ ಪದವಿ ಪ್ರಧಾನ ಮಾಡಿದೆ.  

ಇವರಿಗೆ ಎಸ್‌ಡಿವಿಎಸ್ ಸಂಘದ ಅಧ್ಯಕ್ಷ ಮಾಜಿ ಸಚಿವ ಎ. ಬಿ. ಪಾಟೀಲ, ಆಡಳಿತ ಮಂಡಳಿಯ ಸರ್ವ ಸದಸ್ಯರು, ಪ್ರಾಚಾರ್ಯರು, ಎಲ್ಲ ಬೋಧಕ ಹಾಗೂ ಬೋಧಕೇತರ ಸಿಬ್ಬಂದಿಗಳು, ವಿದ್ಯಾರ್ಥಿಗಳು ಹಾಗೂ ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯ ಕಾಲೇಜು ಮಾಜಿ ಸಚಿವ ಅಧ್ಯಾಪಕರ ಸಂಘದ ಸರ್ವ ಪದಾಧಿಕಾರಿಗಳು, ಸದಸ್ಯರು ಅಭಿನಂದನೆಗಳನ್ನು ಸಲ್ಲಿಸಿರುತ್ತಾರೆ.