ರಜಾ ಅವಧಿಯ ವಿಶೇಷ ಕ್ಲಾಸ್ಗಳಿಗೆ ಬಿಇಓ ಭೇಟಿ      

ರನ್ನ ಬೆಳಗಲಿ 14: ಮುಧೋಳ್ ತಾಲೂಕಿನ ಕ್ಷೇತ್ರ ಶಿಕ್ಷಣಾಧಿಕಾರಿಗಳು ಆದ ಎಸ್ ಎಂ ಮುಲ್ಲಾ ರವರು ದಸರಾ ರಜೆಯಲ್ಲಿ ಹತ್ತನೇ ತರಗತಿಯ ಮಕ್ಕಳಿಗೆ ವಿಶೇಷ ತರಗತಿಯನ್ನು ಕೈಗೊಳ್ಳುತ್ತಿರುವ ಸರಕಾರಿ ಮತ್ತು ಅನುದಾನಿತ ಶಾಲೆಗಳಿಗೆ ಭೇಟಿ ನೀಡಿ ಶಿಕ್ಷಕರ ವಿಶೇಷ ಬೋಧನಾ  ತರಗತಿಗಳನ್ನು ಹಾಗೂ ವಿದ್ಯಾರ್ಥಿಗಳ ಅಭ್ಯಾಸದಲ್ಲಿ ತೊಡಗುವಿಕೆಯನ್ನು ಕಂಡು  ಮುಧೋಳ ತಾಲೂಕಿನ ಬೆಳಗಲಿ ವಿದ್ಯಾವರ್ಧಕ ಸಂಘದ ಪ್ರೌಢಶಾಲೆಯಲ್ಲಿ ಮೆಚ್ಚುಗೆ ವ್ಯಕ್ತಪಡಿಸಿದರು. ಹಾಗೂ ಎಸ್‌ಎಸ್‌ಎಲ್‌ಸಿ ವಿದ್ಯಾರ್ಥಿಗಳಿಗೆ ಇದು ನಿಮ್ಮ ಜೀವನದ ಅತ್ಯಂತ ಮಹತ್ವದ ಘಟ್ಟ ಎಲ್ಲ ವಿದ್ಯಾರ್ಥಿಗಳು ತಂದೆ ತಾಯಿ ಗುರು ಹಿರಿಯರು ಶಿಕ್ಷಕರ ಮಾತನ್ನು ಕೇಳಿಕೊಂಡು ಒಳ್ಳೆಯ ಸಂಸ್ಕಾರದಿಂದ ಶಿಕ್ಷಣ ಪಡೆದುಕೊಂಡು ಜೀವನ ರೂಪಿಸಿಕೊಳ್ಳಬೇಕು ಎಂದರು.   

ನಂತರ ವಿದ್ಯಾರ್ಥಿಗಳೊಂದಿಗೆ ಸಂವಾದ ನಡೆಸಿ ಅಭ್ಯಾಸದ ಕ್ರಮವಿಧಿ ವಿಧಾನಗಳನ್ನು ಪರೀಶೀಲಿಸಿ ಎಲ್ಲರೂ ಬೆಳಗಿನ ಜಾವ ಬೇಗನೆ ಎದ್ದು ಅಭ್ಯಾಸ ಮಾಡಬೇಕು ,ರಜಾ ಅವಧಿಯಲ್ಲಿ ಇಲಾಖೆಯ ಆದೇಶವಿಲ್ಲದಿದ್ದರೂ ಸಹ ಕೆಲವು ಶಿಕ್ಷಕರು ತಮ್ಮ ವೈಯಕ್ತಿಕ ಕೆಲಸಗಳನ್ನು ಬದಿಗೊತ್ತಿ ಮಕ್ಕಳ  ಶ್ರೇಯೋಭಿವೃದ್ಧಿ  ಶ್ರಮಿಸುತ್ತಿರುವ ಶಿಕ್ಷಕರಿಗೆ ತುಂಬಾ ಧನ್ಯವಾದಗಳು ಎಂದರು.  

ನಂತರ ಬೆಳಗಲಿ ವಿದ್ಯಾವರ್ಧಕ ಸಂಘದಲ್ಲಿ ನಡೆಯುತ್ತಿರುವ ಎನ್‌ಎಂಎಂಎಸ್ ವಿಶೇಷ ರಸಪ್ರಶ್ನೆ ಕಾರ್ಯಕ್ರಮಕ್ಕೆ ಭಾಗವಹಿಸಿ ವಿದ್ಯಾರ್ಥಿಗಳಿಗೆ ಬಹುಮಾನಗಳನ್ನು ನೀಡಿ ಪ್ರೋತ್ಸಾಹಿಸಿದರು. ಬೆಳಗಲಿ ವಲಯದ ಸಿಆರಿ​‍್ಪಗಳಾದ ಬಸವರಾಜ್ ಬಳ್ಳಾರಿ, ಶಿಕ್ಷಕ ಕೆ ಎ ಧಡುತಿ, ಪ್ರಾಥಮಿಕ ಶಾಲೆಯ ಮುಖ್ಯ ಗುರುಗಳಾದ ಎ ಜಿ ಮೂಡಲಗಿ ಬಸವರಾಜ್ ಬೂದಿಹಾಳ, ಎ ಎಂ ಕಂಬಾರ್, ಬಿ ಪಿ ಚೋಪಡೆ  ಪತ್ರಕರ್ತ ಎಂ ಕೆ ಕುಲಗೋಡ ಹಾಜರಿದ್ದರು.