ವಿಜಯಪುರ 22: ಕರ್ನಾಟಕ ರಾಜ್ಯ ಅಕ್ಕಮಹಾದೇವಿ ಮಹಿಳಾ ವಿಶ್ವವಿದ್ಯಾನಿಲಯವು  ಆಝಮಾ  ಇನಾಮದಾರ್ ಅವರು ಸಲ್ಲಿಸಿದ್ದ “ಎ ಸ್ಟಡಿ ಆನ್ ಫಿಜಿಕೋ-ಕೆಮಿಕಲ್ ಪ್ರಪರ್ಟಿಸ್, ನ್ಯೂಟ್ರಿಯಂಟ್ ಅನಲೈಸಿಸ್, ಎಂಟಿ ಆಕ್ಸಿಡೆಂಟ್ ಎಫಿಕಸಿ ಆ್ಯಂಡ್ ಪ್ರೊಡೆಕ್ಟ್‌ ಡೆವಲಪ್‌ಮೆಂಟ್ ಆಫ್ ಮ್ಯಾಂಗೋ ಸೀಡ ಕರ್ನಲ್ ವರೈಟೀಸ್ (ಪಾವಡರ್ ಆ್ಯಂಡ್ ಆಯಿಲ್) ಆಫ್ ಕರ್ನಾಟಕ” ಕುರಿತು ಸಲ್ಲಿಸಿದ್ದ ಮಹಾಪ್ರಬಂಧಕ್ಕೆ ಪಿಎಚ್‌ಡಿ ಪದವಿ ನೀಡಿದೆ.   

ಆಝಮಾ  ಇನಾಮದಾರ್ ಅವರು ಆಹಾರ ಸಂಸ್ಕರಣೆ ಮತ್ತು ಪೋಷಣೆ ಅಧ್ಯಯನ ವಿಭಾಗದ ಡಾ.ರೇಣುಕಾ ಮೇಟಿ ಅವರ ಮಾರ್ಗದರ್ಶನದಲ್ಲಿ ಸಂಶೋಧನೆ ಕೈಗೊಂಡಿದ್ದರು. ಡಾಕ್ಟರೇಟ್ ಪದವಿ ಪಡೆದಿರುವ ಆಝಮಾ  ಇನಾಮದಾರ್ ಅವರನ್ನು ಕುಲಪತಿ ಪ್ರೊ.ವಿಜಯಾ ಕೋರಿಶೆಟ್ಟಿ, ಕುಲಸಚಿವ ಶಂಕರಗೌಡ ಸೋಮನಾಳ, ಮೌಲ್ಯಮಾಪನ ಕುಲಸಚಿವ ಪ್ರೊ.ಬಿ.ಎಲ್ ಲಕ್ಕಣ್ಣನವರ ಅಭಿನಂದಿಸಿದ್ದಾರೆ.