ರಾಯಬಾಗ, 17 ;  ಅರಿಹಂತ ಚಾರಿಟೇಬಲ್ ಫೌಂಡೇಶನದಿಂದ 2024-25 ನೇ ಸಾಲಿನಲ್ಲಿ ಎಸ್‌.ಎಸ್‌.ಎಲ್‌.ಸಿ ಮತ್ತು ಪಿ.ಯು.ಸಿ ಪರೀಕ್ಷೆಯಲ್ಲಿ ಸಾಧನೆಗೈದ ಜೈನ ಸಮುದಾಯದ ಪ್ರತಿಭಾವಂತ ಬಡಮಕ್ಕಳ ಹೆಚ್ಚಿನ ವಿದ್ಯಾಭ್ಯಾಸಕ್ಕಾಗಿ ಫೌಂಡೇಶನ ವತಿಯಿಂದ ಪ್ರೋತ್ಸಾಹಧನ ನೀಡಲಾಗುತ್ತಿದ್ದು ಇದರ ಸದುಪಯೋಗ ಪ್ರತಿಭಾವಂತ ವಿದ್ಯಾರ್ಥಿಗಳು ಪಡೆದುಕೊಳ್ಳಬೇಕೆಂದು ಫೌಂಡೇಶನ ಅಧ್ಯಕ್ಷ  ಡಿ.ಸಿ.ಸದಲಗಿ ಹೇಳಿದರು. 

ಬುಧವಾರ ಪಟ್ಟಣದ ಮಹಾವೀರ ಭವನದಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದರು. ಫೌಂಡೇಶನ ಕಾರ್ಯದರ್ಶಿ ಮಲ್ಲಪ್ಪಾ ಖಾನಟ್ಟಿ ಮಾತನಾಡಿ, 2024-25 ನೇ ಸಾಲಿನಲ್ಲಿ ಎಸ್‌.ಎಸ್‌.ಎಲ್‌.ಸಿ.ಯಲ್ಲಿ  ಶೇ.80 ಕ್ಕಿಂತ ಹೆಚ್ಚಿನ ಹಾಗೂ ಪಿಯುಸಿಯಲ್ಲಿ  ಶೇ. 75 ಕ್ಕಿಂತ ಹೆಚ್ಚಿನ ಅಂಕ ಪಡೆದ ಜೈನ ಪ್ರತಿಭಾವಂತ ಬಡ ವಿದ್ಯಾರ್ಥಿಗಳು ಶಿಕ್ಷಣ ಮುಂದುವರೆಸಲು ಪ್ರೋತ್ಸಾಹಧನವನ್ನು(ಸ್ಕಾಲರ್ಶಿಪ್) ಹಾರೂಗೇರಿಯ ಸಿದ್ದರಾಮಪ್ಪ ಮತ್ತು ಹಂಸಮತಿ ಸದಲಗಿ ದಂಪತಿಗಳು ರೂ.1,50,000 ಗಳನ್ನು ದಾನ ನೀಡಿದ್ದು, ಇದರ ಸದುಪಯೋಗ ಪಡೆದುಕೊಳ್ಳಬೇಕೆಂದು ತಿಳಿಸಿದರು.      

ಪ್ರೋತ್ಸಾಹಧನಕ್ಕಾಗಿ ಅರ್ಜಿ ಸಲ್ಲಿಸಲು ಅಗಷ್ಟ 15 ಕೊನೆಯ ದಿನವಾಗಿದ್ದು, ಅರ್ಜಿಯನ್ನು ಮಲ್ಲಪ್ಪ ಖಾನಟ್ಟಿ  ಕಾರ್ಯದರ್ಶಿಗಳು, ಅರಿಹಂತ ಚಾರಿಟೇಬಲ್ ಫೌಂಡೇಶನ್ ಮತ್ತು ಶಿಕ್ಷಕರು, ಸರ್ಕಾರಿ ಪ್ರೌಢಶಾಲೆ ಅಳಗವಾಡಿ, ಅಂಚೆ ಕಚೇರಿ ಹತ್ತಿರ ಅಳಗವಾಡಿ,  ತಾ.ರಾಯಬಾಗ ಜಿ.ಬೆಳಗಾವಿ 591317 ಇಲ್ಲಿಗೆ ಸಲ್ಲಿಸುವಂತೆ ಹಾಗೂ ಹೆಚ್ಚಿನ ಮಾಹಿತಿಗಾಗಿ ಮೊ.ನಂ. 7259301358 ಗೆ  ಸಂಪರ್ಕಿಸಲು ಕೋರಿದರು.   

ತಾಲೂಕಿನ ಪ್ರತಿ ಗ್ರಾಮದಲ್ಲಿ ಜೈನ ಸೇವಾ ಸಮಿತಿ ಸದಸ್ಯರಿದ್ದು,  ಅವರ ಮುಖಾಂತರ ಕೂಡ ಅರ್ಜಿ ಸಲ್ಲಿಸಬಹುದಾಗಿದೆ ಎಂದು ತಿಳಿಸಿದರು.  ಸುದ್ದಿಗೋಷ್ಠಿಯಲ್ಲಿ ಫೌಂಡೇಶನ ಉಪಾಧಕ್ಷ ಸಂಜಯ ಬಡೋರೆ, ನಿರ್ದೇಶಕರಾದ ಈರಗೌಡ ಪಾಟೀಲ, ದಶರಥ ಶೆಟ್ಟಿ, ಶೀತಲ ಬೆಡಕಿಹಾಳೆ, ಸಂಜಯ ಹಂಜೆ, ಪಾರೀಶ ಉಗಾರೆ, ಭರತೇಶ ಪಾಟೀಲ, ನೇಮಿನಾಥ ಅಸ್ಕಿ, ವರ್ಧಮಾನ ಬನವನೆ, ಸಿದ್ದಪ್ಪ ನಾಗನೂರ ಇದ್ದರು.