ಮುದ್ದೇಬಿಹಾಳ 04: ತಾಲೂಕಿನ ಬಿದರಕುಂದಿ ಗ್ರಾಮದ ಸರಕಾರಿ ಆದರ್ಶ ವಿದ್ಯಾಲಯದ 2025-26 ನೇ ಸಾಲಿನ ವಿದ್ಯಾರ್ಥಿಗಳಿಗೆ ವಿಜ್ಞಾನ ವಿಷಯದ ಹಾಗೂ ಸಮಾಜ ವಿಜ್ಞಾನ ಬೋಧಿಸುವ ಖಾಯಂ ಶಿಕ್ಷಕರನ್ನು ನೇಮಕ ಮಾಡಿಕೊಳ್ಳುವಂತೆ ಆಗ್ರಹಿಸಿ   ಶಾಲಾಭಿವೃದ್ಧಿ ಹಾಗೂ ಮೇಲುಸ್ತುವಾರಿ ಸಮಿತಿ ಯವರು ತಾಲೂಕಾ  ಕ್ಷೇತ್ರ ಸಮನ್ವಯಾಧಿಕಾರಿ ಆರ್ ಬಿ ದಮ್ಮೂರಮಠ ಅವರಿಗೆ ಮಂಗಳವಾರ ಮನವಿ ಸಲ್ಲಿದರು. 

             ತಾಲೂಕಿನ ಬಿದರಕುಂದಿ ಗ್ರಾಮದ ಸರಕಾರಿ ಆದರ್ಶ ವಿದ್ಯಾಲಯದಲ್ಲಿ ಸುಮಾರು  509 ವಿಧ್ಯಾರ್ಥಿಗಳು ಪ್ರವೇಶ ಪಡೆದು ವ್ಯಾಸಂಗ ಮಾಡುತ್ತಿದ್ದಾರೆ. ಈ  ಶಾಲೆಯ ವಿಧ್ಯಾರ್ಥಿಗಳು ಎಸ್‌.ಎಸ್‌.ಎಲ್‌.ಸಿ.ಯಲ್ಲಿ ಪ್ರತಿ ವರ್ಷವೂ ಕೂಡ  ಗಿರಿಷ್ಠ ಅಂಕಗಳೊಂದಿಗೆ ಉತ್ತಿರ್ಣರಾಗುವ ಮೂಲಕ ಮಾದರಿಯ ಶಾಲೆ ಎನಿಸಿಕೊಂಡಿದೆ ಸಧ್ಯ ಈ ಶಾಲೆಯಲ್ಲಿ ಪ್ರತಿಭಾವಂತ ವಿದ್ಯಾರ್ಥಿಗಳು ಶಿಕ್ಷಣ ಪಡೆಯುತ್ತಿದ್ದಾರೆ ಆದರೆ ವಿಧ್ಯಾರ್ಥಿಗಳಿಗೆ ವಿಜ್ಞಾನ ವಿಷಯ ಹಾಗೂ ಸಮಾಜ ವಿಜ್ಞಾನ ಬೋಧಿಸುವ ಖಾಯಂ ಶಿಕ್ಷಕರು ಇರುವುದಿಲ್ಲವಾದ್ದರಿಂದ ಖಾಲಿ ಹುದ್ದೆಗಳಿಗೆ ಇಲಾಖಾ ನಿಯಮಾನುಸಾರ ಅತಿಥಿ ಶಿಕ್ಷಕರನ್ನು ನೇಮಕ ಮಾಡಿಕೊಂದಿದ್ದಾರೆ,

           ಆದರೆ ಅತಿಥಿ ಶಿಕ್ಷಕರು ಖಾಯಂ ಆಗಿ ಬರದೇ ನಡುವೆ ಶಾಲೆ ಬಿಟ್ಟು ಬೇರೆ ಶಾಲೆಗೆ ಹೋಗುತ್ತಿದ್ದಾರೆ, ಕಾರಣ ಈ ಶಾಲೆಯಲ್ಲಿ ಕೆಲಸದ ಒತ್ತಡ ಹೆಚ್ಚಾಗಿದ್ದರಿಂದ ಅತಿಥಿ ಶಿಕ್ಷಕರು ಹೆಚ್ಚಿನ ವೇತನ ಬಯಸುತ್ತಿದ್ದಾರೆ. ಆದ್ದರಿಂದ ಅತಿಥಿ ಶಿಕ್ಷಕರು ಖಾಯಂ ಆಗಿ ಬರುತ್ತಿಲ್ಲವಾದ್ದರಿಂದ ವಿಧ್ಯಾರ್ಥಿಗಳ ಕಲಿಕೆಯ ಮೇಲೆ ಪರಿಣಾಮ ಬೀರುತ್ತಿದೆ, ಕಾರಣ ಖಾಯಂ ಶಿಕ್ಷಕರು ನೇಮಕವಾಗುವವರೆಗೆ ವಿಜ್ಞಾನ, ಸಿ.ಬಿ.ಝಡ್‌. ಆಂಗ್ಲ ಮಾಧ್ಯಮ ಇಬ್ಬರು ಶಿಕ್ಷಕರು ಹಾಗೂ ಸಮಾಜ ವಿಜ್ಞಾನ ಶಿಕ್ಷಕರನ್ನು  ಶಾಲೆಗೆ ತುರ್ತಾಗಿ ನಿಯೊಜನೆ  ಮಾಡಬೇಕು.  ಒಂದು ವೇಳೆ ತಾವುಗಳು ಶಿಕ್ಷಕರನ್ನು ತುರ್ತಾಗಿ ನಿಯೋಜನೆ ಮಾಡದಿದ್ದಲ್ಲಿ ನಾವು ಎಲ್ಲ ಪಾಲಕರನ್ನು ಕರೆದುಕೊಂಡು ತಮ್ಮ ಕಾರ್ಯಾಲಯದ ಮುಂದೆ ಧರಣಿ ಸತ್ಯಾಗ್ರಹ ನಡೆಸಬೇಕಾಗುತ್ತದೆ ಎಂದು ಮನವಿಯಲ್ಲಿ ಎಚ್ಚರಿಕೆ ನೀಡಿದ್ದಾರೆ. 

           ಈ ವೇಳೆ ಆರ್ ಎಂ ಎಸ್ ಎ ಶಾಲೆಯ ಆಡಳಿತ ಸಲಹಾ ಸಮೀತಿ ಅಧ್ಯಕ್ಷೆ ಪೂರ್ಣೀಮಾ ಬೆಳಗಲ್ಲ, ಎಸ್ ಡಿ ಎಂ ಸಿ ಸದಸ್ಯರಾದ ಯಲ್ಲಪ್ಪ ಮ್ಯಾಗೇರಿ, ಬಂದೇನವಾಜ ಕುಮಶಿ, ಎಚ್ ಆರ್ ಬಾಗವಾನ, ಸೇರಿದಂತೆ ಹಲವರು ಇದ್ದರು.