ಇಂಡಿ 14 : ಆಕಸ್ಮಿಕ ಘಟನೆ ಎಂದರೆ ಮುಂಚಿತವಾಗಿ ಊಹಿಸಲು ಸಾಧ್ಯವಾಗದ, ದಿಢೀರನೆ ಅಥವಾ ಅನೀರೀಕ್ಷಿತವಾಗಿ ಸಂಭವಿಸುವ ಘಟನೆಗಳು ಹಂತಾ ಘಟನೆ ಇಂಡಿ ತಾಲ್ಲೂಕಿನ ತಡವಲಗಾ ಗ್ರಾಮದಲ್ಲಿ ಆಕಸ್ಮಿಕವಾಗಿ ಬೆಂಕಿ ಹೊತ್ತಿಕೊಂಡು ಸುಮಾರು ನೂರಾರು ನಿಂಬೆ ಹಾಗೂ ಬಾರಿ ಗೀಡಗಳು ಸುಟ್ಟು ಕರಕಲಾದ ಘಟನೆ ನಡೆದಿದೆ. ಅಂಬಣ್ಣ ಸಿದ್ದಪ್ಪ ಪಂತೋಜಿ ಹಾಗೂ ಮಲ್ಲಿಕಾರ್ಜುನ ಸಿದ್ದಪ್ಪ ಪಂತೋಜಿ ಎಂಬೂವರ ಸರ್ವೇ 550/10  ನಂಬರಿನ 1-09 ಎಕರೆ ಹಾಗೂ 550/11 ನಂಬರಿನ 1-10  ಎಕರೆ ತೋಟಕ್ಕೆ ನಿನ್ನೆ ಬೆಂಕಿ ಹೊತ್ತಿಕೊಂಡು ಸುಮಾರು ನೂರಾರು ನಿಂಬೆ ಹಣ್ಣಿನ ಗೀಡಗಳು ಹಾಗೂ ಬಾರಿ ಹಣ್ಣಿನ ಗೀಡಗಳು ಸುಟ್ಟಿವೆ ಎಂದು ತಿಳಿದುಬಂದಿದೆ.

ಈ ಸುದ್ದಿ ತಿಳಿದು ತಕ್ಷಣ ಇಂಡಿ ಅಗ್ನಿಶಾಮಕ ದಳ ಸಿಬ್ಬಂದಿ ಸ್ಥಳಕ್ಕೆ ಆಗಮಿಸಿ ಬೆಂಕಿ ಆರಿಸಲು ಹರಸಾಹಸ ಪಟ್ಟರು ಹಾಗೂ ಮುಂದೆ ಆಗುವ ಅನಾಹುತವನ್ನು ತಪ್ಪಿಸಿದ್ದಾರೆ.ಈ ಸುದ್ದಿ ತಿಳಿದು ಇಂಡಿ ತೋಟಗಾರಿಕೆ ಇಲಾಖೆಯ ಅಧಿಕಾರಿಗಳು ಹಾಗೂ ತಡವಲಗಾ ಆಡಳಿತ ಅಧಿಕಾರಿ ಮಾಹಾತೇಶ ಗುರುಭೆಟ್ಟಿ ಸ್ಥಳಕ್ಕೆ ಭೇಟಿ ಪಂಚನಾಮೆ ಮಾಡಿದರು.ಹಾನಿ ಆದ ಬಗೆ ಸರ್ಕಾರಕ್ಕೆ ಮಾಹಿತಿ ಸಲ್ಲಿಸಲಾಗುವುದು ಎಂದು ಹೇಳಿದರು.ಈ ಕುರಿತು ಹೋರ್ತಿ ಪೋಲಿಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.ಏನೇ ಇರಲಿ ನೋಂದ ರೈತನಿಗೆ ನ್ಯಾಯ ಸಿಗಬೇಕು ಎಂಬುದು ನಮ್ಮ ಲೋಕದರ್ಶನ ಪತ್ರಿಕೆ ಕಳಕಳಿಯಾಗಿದೆ.