ಕಾರವಾರ 05: ನಗರದ ಬಿಲ್ಟ್‌ ಸರ್ಕಲ್ ಬಳಿ ಕಾರ್ ಹಾಗೂ ಸರ್ಕಾರಿ ಬಸ್ ನಡುವೆ ಸಂಭವಿಸಿದ ಅಪಘಾತದಲ್ಲಿ ನೌಕನೆಲೆ ಸಿಬ್ಬಂದಿ ಗುನಾಜಿತ್ ಕೂದಲೆಳೆಯಲ್ಲಿ ಅಪಾಯದಿಂದ ಪಾರಾಗಿದ್ದಾರೆ.  

ಹುಬ್ಬಳ್ಳಿ ಯಿಂದ ಕಾರವಾರ ನಗರ ಪ್ರವೇಶಿಸುತ್ತಿದ್ದ ಸವಣೂರು ಬಸ್ ಗೆ ಕಾರವಾರ ಪ್ರವೇಶ ದ್ವಾರ ಬಿಲ್ಟ ಸರ್ಕಲ್ ನಲ್ಲಿ ರಾಷ್ಟ್ರೀಯ ಹೆದ್ದಾರಿಯ ಸರ್ವೀಸ್ ರಸ್ತೆಯಲ್ಲಿ ಬರುತ್ತಿದ್ದ ಕಾರ್ ಬಸ್ ನ ಮಧ್ಯಭಾಗಕ್ಕೆ ಡಿಕ್ಕಿ ಹೊಡೆದಿದೆ. ಕಾರ್ ನ ಏರ್ ಬ್ಯಾಗ್ ಓಪನ್ ಆದ ಕಾರಣ ಕಾರ್ ಚಾಲಕ ( ನೌಕಾನೆಲೆ ಸಿಬ್ಬಂದಿ) ಅಪಾಯದಿಂದ ಪಾರಾಗಿದ್ದಾರೆ.  

ಕಾರ್ ನಲ್ಲಿದ್ದ ಅವರ ಮಗ ಹಾಗೂ ಕುಟುಂಬ ಸಹ ಅಪಾಯದಿಂದ ಪಾರಾಗಿದೆ. ಕಾರ್ ಮುಂಭಾಗ ನುಜ್ಜುಗೊಜ್ಜಾಗಿದೆ. ಸಂಚಾರಿ ಪೊಲೀಸರು ಸ್ಥಳಕ್ಕೆ ಆಗಮಿಸಿ, ಪರಿಸ್ಥಿತಿ ತಿಳಿಗೊಳಿಸಿ ,ಪ್ರಕರಣ ದಾಖಲಿಸಿದ್ದಾರೆ.