ಲೋಕದರ್ಶನ ವರದಿ   

ಯಲಬುರ್ಗಾ 20:  ಪಟ್ಟಣ ಹೊರವಲಯದ ಕೆಂಪು ಕೆರೆಗೆ ಈಜಲು ತೆರಳಿದ್ದ ಯುವಕ ನೀರು ಪಾಲಾದ ಘಟನೆ ಶುಕ್ರವಾರ ನಡೆದಿದೆ. ಪಕ್ಕದ ಜಿಲ್ಲೆ ಗದಗ ಬೆಟಗೇರಿ ಮೂಲದ ಸಂತೋಷ ಸೇಬಣ್ಣವರ (31) ನೀರು ಪಾಲಾದ ಯುವಕ. ಸಂತೋಷ, ಸಮೀಪದ ಗಜೇಂದ್ರಗಡ ಪಟ್ಟಣದ ಸಂಬಂಧಿಗಳ ಮದುವೆ ಕಾರ್ಯಕ್ರಮಕ್ಕೆ ಬಂದಿದ್ದರು. ಯಲಬುರ್ಗಾ ಪಟ್ಟಣಕ್ಕೆ ಸ್ನೇಹಿತರನ್ನು ಹಾಗೂ ಸಂಬಂಧಿಗಳನ್ನು ಭೇಟಿ ಮಾಡಲು ತೆರಳಿದ್ದರು. ಬಳಿಕ ಸ್ನೇಹಿತರೊಂದಿಗೆ ಈಜಲು ಹೋಗಿದ್ದಾರೆ ಎನ್ನಲಾಗಿದೆ. ಅಗ್ನಿಶಾಮಕ ಸಿಬ್ಬಂದಿ ಸತತ ಎರಡನೇ ದಿನದ ಶೋಧ ಕಾರ್ಯ ನಡೆಸು ಮೂಲಕ ಬೆಳಿಗ್ಗೆ 9-00 ಗಂಟೆಗೆ ಯುವಕನ ಶವ ಪತ್ತೆಯಾಗಿದೆ . ಕೂಡಲೇ ಸ್ಥಳಕ್ಕೆ ಪೊಲೀಸ್ ಅಧಿಕಾರಿಗಳು ಭೇಟಿ ನೀಡಿ ಪರೀಶೀಲಿಸಿ, ಪ್ರಕರಣ ದಾಖಲಾತಿಸಿಕೊಂಡರು ಎಂದು ಪೊಲೀಸ್ ಮೂಲಗಳು ತಿಳಿದಿದ್ದರು.