ಮಾಂಜರಿ ಗ್ರಾಮದ ಕಾಡ ಸಿದ್ದೇಶ್ವರ ಸಂಸ್ಥಾನ ಮಠದಲ್ಲಿ  ಇಂದು ಅಮಾವಾಸ್ಯೆ ದಿನದಂದು ಹಮ್ಮಿಕೊಂಡಿದ್ದ ಧರ್ಮಸಭೆ

ಮಾಂಜರಿ 31 : ವಿವಿಧತೆಯಲ್ಲಿ ಏಕತೆ ಕಾಣುವ ದೇಶ ನಮ್ಮದು. ಭಾರತವು ಮಠ-ಮಂದಿರಗಳ ದೇಶವಾಗಿದೆ. ನಮ್ಮ ದೇಶದ ಜನರು ಧರ್ಮ, ಗುರು, ಧರ್ಮ, ಆಧ್ಯಾತ್ಮ ವಿಷಯಗಳಿಗೆ ಅತ್ಯಂತ ಗೌರವ ಶ್ರದ್ಧೆ, ಭಕ್ತಿ-ಭಾವ ಹೊಂದಿದ್ದು, ಇದು ಹೆಮ್ಮೆಯ ಸಂಗತಿಯಾಗಿದೆ ಎಂದು ಶ್ರೀಶೈಲ ಪೀಠದ ಜಗದ್ಗುರುಗಳಾದ ಹಾಗೂ ಯಡೂರಿನ ಕಾಡಸಿದ್ದೇಶ್ವರ ಸಂಸ್ಥಾನ ಮಠದ ಧರ್ಮಾಧಿಕಾರಿಗಳಾದ ಡಾ ಚನ್ನಸಿದ್ದರಾಮ ಪಂಡಿತಾರಾಧ್ಯ ಶಿವಾಚಾರ್ಯ ಮಹಾ ಸ್ವಾಮೀಜಿಗಳು  ಹೇಳಿದರು. 

ಚಿಕ್ಕೋಡಿ ತಾಲೂಕಿನ ಮಾಂಜರಿ ಗ್ರಾಮದ ಕಾಡ ಸಿದ್ದೇಶ್ವರ ಸಂಸ್ಥಾನ ಮಠದಲ್ಲಿ  ಇಂದು ಅಮಾವಾಸ್ಯೆ ದಿನದಂದು ಹಮ್ಮಿಕೊಂಡಿದ್ದ ಧರ್ಮಸಭೆ ಹಾಗೂ ವಿವಿಧ ಗಣ್ಯರ ಸನ್ಮಾನ ಸಮಾರಂಭದ ಸಾನಿಧ್ಯವಹಿಸಿ ಅವರು ಮಾತನಾಡಿದರು. ಭಾರತ ಶಾಸ್ತ್ರ ಪರಂಪರೆಯಲ್ಲಿ ಮೂರು ಕೋಟಿ ದೇವರ ಉಲ್ಲೇಖವಿದೆ. ಎಲ್ಲ ದೇವಾನುದೇವತೆಗಳ ಆರಾಧನೆ ಮಾಡುವದು. ಬಹುದೇವತಾರಾಧನೆ ಸಂಸ್ಕೃತಿ ಈ ದೇಶದ್ದು. ಪಾಶ್ಚಾತ್ಯ ದೇಶದ ಜನರು ದೇವರಕ್ಕಿಂತ ಹೆಚ್ಚಾಗಿ ತಮ್ಮ ದೇಹದ ಕುರಿತು ಹೆಚ್ಚು ಪ್ರೀತಿ ಮಾಡುತ್ತಾರೆ. ಇಡೀ ಪ್ರಪಂಚದಲ್ಲಿಯೇ ಇದಕ್ಕೆಭಾರತದೇಶದಜನರುಅಪವಾದವಾಗಿದ್ದಾರೆ. ಭಾರತ ದೇಶದ ಜನರು ತಮ್ಮ ದೇಹದ ಪ್ರೀತಿ ಬದಲಾಗಿ ದೇವರನ್ನು ಪ್ರೀತಿ ಮಾಡುತ್ತಾರೆ ಎಂದು ಶ್ಲಾಘಿಸಿದರು.ಪಂಚೇಂದ್ರಿಗಳನ್ನು ಇಟ್ಟುಕೊಂಡವರು ವೀರರು. ನಿಯಂತ್ರಣದಲ್ಲಿ ಸಮಾಜದಲ್ಲಿ ಪರಸ್ತ್ರೀಯರನ್ನು ಗೌರವದಿಂದ ಕಾಣಬೇಕು. ವರದಕ್ಷಿಣೆ ನಿಷೇಧ ಕಾಯ್ದೆ ಜಾರಿಯಲ್ಲಿದ್ದರೂ ವರದಕ್ಷಿಣೆ ತೆಗೆದುಕೊಳ್ಳುವುದನ್ನು ಕೊಡುವದನ್ನು ಕಾಣುತ್ತೇವೆ. ಸಂವಿಧಾನದ ಆಶಯದಂತೆ ಲಂಚ ತೆಗೆದುಕೊಳ್ಳುವದು ಸಹ ತಪ್ಪು. ವರದಕ್ಷಿಣೆ, ಲಂಚ ಪಡೆಯುವದು ಸಮಾಜದಲ್ಲಿ ನಿಲ್ಲಬೇಕು. ನಾಡಿನಲ್ಲಿ ಒಳ್ಳೆಯ ಮಳೆ-ಬೆಳೆಯಾಗಿ ರೈತ ಬಾಂಧವರು ಬೆಳೆದಬೆಳೆಗೆ ಮಾರುಕಟ್ಟೆಯಲ್ಲಿ ಉತ್ತಮ ಮೌಲ್ಯ ಸಿಗುವಂತಾಗಿ ರೈತನ ಬದುಕು ಉತ್ತಮವಾಗಬೇಕು. ನಾಡಿನಲ್ಲಿರುವ ಎಲ್ಲ ಜನರ ಬದುಕು ಉಜ್ವಲವಾಗಿರಬೇಕೆಂದು ಆಶೀರ್ವದಿಸಿದರು.ವೀರಶೈವ ಪಂಚಪೀಠಗಳು ಭಾರತದ ಉದ್ದಗಲಕ್ಕೂ ಜೀವಂತ ಸಾಕ್ಷಿಯಾಗಿವೆ. ಪರಮಾತ್ಮ ಒಂದೇಯಾದರೂ ಅವನ ರೂಪಗಳು ಹಲವಾರು. ದೇಶದ ರಕ್ಷಣೆಗೆ, ಧರ್ಮದ ರಕ್ಷಣೆಗೆ, ಕುಟುಂಬದ ರಕ್ಷಣೆಗಾಗಿ ಪ್ರತಿಯೊಬ್ಬ ಹಿಂದುಗಳು ಮೂರು ಮಕ್ಕಳನ್ನು ಹೊಂದಬೇಕು. ಪ್ರತಿಯೊಬ್ಬರೂ ದೇಶ-ಧರ್ಮದ ರಕ್ಷಣೆಗೆ ಕಂಕಣಬದ್ಧರಾಗಬೇಕು ಎಂದು ಶ್ರೀಶೈಲ ಪೀಠದ ಜಗದ್ಗುರುಗಳು  ಕರೆ ನೀಡಿದರು. 

ಈ ವೇಳೆ ಮಾಂಜರಿ ಗ್ರಾಮದ ಯುವಕರಾದ ಕಾರ್ತಿಕ್ ಅಶೋಕ್ ಕೋಕನೆ ಹಾಗೂ ಬಬ ಲು ಪೋಪಟ ಲಾಮಕಾಣಿ ಇವರು ಭಾರತೀಯ ಸೇನೆಯಲ್ಲಿ ಆಯ್ಕೆಯಾದ ಬಗ್ಗೆ ಹಾಗೂ ಗ್ರಾಮದ ಪ್ರಖ್ಯಾತ ವೈದ್ಯಕೀಯ ತಜ್ಞರಾದ ಡಾ ಶಾಮ್ ಪಾಟೀಲ್ ಇವರನ್ನು ಸನ್ಮಾನಿಸಲಾಯಿತು ಕಾರ್ಯಕ್ರಮಕ್ಕೆ ಹೆಸ್ಕಾಂ ಅಧಿಕಾರಿಗಳಾದ ಎನ ಟಿ ಪಾಟೀಲ್ ವೀರಸಿಂಗ ಘೋರಪಡೆ ಅನಾಸಾಹೇಬ ಸಂಕೇಶ್ವರಿ ಪ್ರಕಾಶ್ ದೇಸಾಯಿ ರಾವಸಾಹೇಬ್ ಅಂಬಿ ನಿಜಿಗೌಡ ನರವಾಡೆ ಚಿದಾನಂದ ಮಿರ್ಜಿ ಸಂಜೆಯ ಕೋಕನೆ ಶ್ರೀಶೈಲ್ ಕೋಕನ ರಾವಸಾಹೇಬ್ ಕೋರೆ ಬಸಪ್ಪ  ಕುಂಬಾರ್ ಕಲ್ಲಪ್ಪ ಕುಂಬಾರ್‌ವಿಜಯ್ ಕೋಟೆವಾಲೆ ಅಶೋಕ ಕೋಟಿವಾಲೆ ಶ್ರೀಶೈಲ ಕೋಕನೆ ಹಾಗೂ ಸಮಸ್ತ ಸಮಾಜ ಬಾಂಧವದ ಹಿರಿಯ ನಾಗರಿಕರು ಮತ್ತು ಭಕ್ತರು ಹಾಜರಿದ್ದರು  

ಫೋಟೋ 31ಮಾಂಜರಿ 1 

ಚಿಕ್ಕೋಡಿ ತಾಲೂಕಿನ ಮಾಂಜರಿ ಗ್ರಾಮದ ಕಾಡಸಿದ್ದೇಶ್ವರ ಸಂಸ್ಥಾನ ಮಠದಲ್ಲಿ ಅಮಾವಾಸ್ಯೆಯ ನಿಮಿತ್ಯ ಆಯೋಜಿಸಲಾದ ಧರ್ಮ ಸಭೆ ಹಾಗೂ ಸನ್ಮಾನ ಸಮಾರಂಭದಲ್ಲಿ ಗ್ರಾಮದ ಪ್ರಖ್ಯಾತ ವೈದ್ಯರಾದ ಡಾ. ಶ್ಯಾಮ್ ಪಾಟೀಲ್ ಇವರನ್ನು ಸನ್ಮಾನಿಸುವಾಗ ಶ್ರೀಶೈಲ್ ಪೀಠದ ಜಗದ್ಗುರುಗಳಾದ ಡಾ. ಚೆನ್ನ ಸಿದ್ದರಾಮ ಪಂಡಿತರಾಧ್ಯ ಶಿವಾಚಾರ್ಯ ಸ್ವಾಮೀಜಿಗಳು