ಲೋಕದರ್ಶನ ವರದಿ 

ಸಿಂದಗಿ 21 :  ಶಿಕ್ಷಕ ಸೇವಾವೃತ್ತಿಯಲ್ಲಿ ಪದೋನ್ನತಿ, ನಿವೃತ್ತಿ ಸಹಜ ಆದರೆ ವಿದ್ಯಾರ್ಥಿಗಳ ಹಾಗೂ ಸಾರ್ವಜನಿಕರ ಮನಸ್ಸು ಗೆದ್ದು ಕಳಂಕ ರಹಿತ ಸೇವೆ ಸಲ್ಲಿಸುವುದು ದೊಡ್ಡ ಕಾರ್ಯವಾಗಿದೆ ಎಂದು ಸಿ.ಎಂ. ಮನಗೂಳಿ ಪದವಿ ಕಾಲೇಜಿನ ನಿವೃತ್ತ ಪ್ರಾಧ್ಯಾಪಕ ಡಾ. ಅರವಿಂದ ಮನಗೂಳಿ ಅಭಿಮತ ವ್ಯಕ್ತಪಡಿಸಿದರು. ನಗರದ ಹೊರವಲಯದ ಖಾಸಗಿ ಹೊಟೇಲೊಂದರಲ್ಲಿ ಕಲಕೇರಿ ಬಸವೇಶ್ವರ ಪಪೂ ಕಾಲೇಜಿನ ಪ್ರಾಚಾರ್ಯರಾಗಿ ಅಮೋಘ ಸೇವೆ ಸಲ್ಲಿಸಿದ ಬಸವರಾಜ  ಚನ್ನಗೊಂಡ ಅವರು ನಿವೃತ್ತಿ ಹೊಂದಿದ ಪ್ರಯಕ್ತ ಹಂದಿಗನೂರ ಗ್ರಾಮಸ್ಥರು, ಕಲಕೇರಿ ಕಾಲೇಜು ಸಿಬ್ಬಂದಿ ಹಾಗೂ ತಾಲೂಕು ಪಂಚಮಸಾಲಿ ಸಮಾಜದ ವತಿಯಿಂದ ಹಮ್ಮಿಕೊಂಡ ಸನ್ಮಾನ ಸಮಾರಂಭದ ಅದ್ಯಕ್ಷತೆ ವಹಿಸಿ ಮಾತನಾಡಿ, ಶಿಕ್ಷಕ ವೃತ್ತಿ ಸಮಾಜದಲ್ಲಿ ಗೌರವಯುತವಾದ ಹುದ್ದೆ ಅದನ್ನು ಕಳಂಕ ರಹಿತವಾದ ಸತತ 35 ವರ್ಷ ಸೇವೆ ಸಲ್ಲಿಸಿ ವಿದ್ಯಾರ್ಥಿಗಳಿಗೆ ಅಚ್ಚುಮೆಚ್ಚಿನ ಪ್ರಾಚಾರ್ಯರಾಗಿ ಸೇವೆ ಸಲ್ಲಿಸಿದ ಗರಿಮೆ ಇವರಿಗೆ ಸಲ್ಲುತ್ತದೆ ಎಂದರು, ಈ ಸಂದರ್ಭದಲ್ಲಿ ಪಂಚಮಸಾಲಿ ಸಮಾಜದ ತಾಲುಕು ಅದ್ಯಕ್ಷ ಎಂ.ಎಂ.ಹಂಗರಗಿ, ನಿವೃತ್ತ ದೈಹಿಕ ಶಿಕ್ಷಕ ಎಚ್‌.ಎಂ.ಉತ್ನಾಳ, ಟಿಎಸ್‌ಪಿ ಮಂಡಳಿ ನಿರ್ದೇಶಕ ವ್ಹಿ.ಬಿ.ಕುರಡಿ, ದೈಹಿಕ ಉಪನ್ಯಸಕರ ಸಂಘದ ತಾಲೂಕು ಅದ್ಯಕ್ಷ ಸತೀಶ ಬಸರಕೋಡ, ಮಾಜಿ ರಾಜ್ಯ ಪರಿಷತ್ ಸದಸ್ಯ ಸಂಗನಗೌಡ ಪಾಟೀಲ ಅಗಸಬಾಳ, ಕಸಾಪ ಮಾಜಿ ಅದ್ಯಕ್ಷ ಸಿವು ಬಡಾನೂರ ಸೇರಿದಂತೆ ಕಲಕೇರಿ ಬಸವೇಶ್ವರ ಕಾಲೇಜಿನ ಸಿಬ್ಬಂದಿ, ಕುಟುಂಬಸ್ಘರು ಇದ್ದರು.