ಲೋಕದರ್ಶನ ವರದಿ

ಶಿಗ್ಗಾವಿ17: ಪ್ರಪಂಚದಲ್ಲಿ ಅತಿಹೆಚ್ಚು ಯುವಕರನ್ನು ಹೊಂದಿದ ದೇಶ ನಮ್ಮ ಭಾರತ. ಹಾಗಾಗಿ ಯುವ ಶಕ್ತಿಯನ್ನು ಸದ್ಬಳಕೆ ಮಾಡಿಕೊಂಡು ಹಿರಿಯರ ಮಾರ್ಗದರ್ಶನದಲ್ಲಿ ಯುವ ಭಾರತದಿಂದ ನವ ಭಾರತ ನಿಮರ್ಾಣ ಮಾಡುವ ಪಣ ತೊಡಬೇಕಿದೆ  ಎಂದು ಶಾಸಕ ಬಸವರಾಜ ಬೊಮ್ಮಾಯಿ ಹೇಳಿದರು. 

    ಪಟ್ಟಣದ ತಾಲೂಕ ಕ್ರೀಡಾಂಗಣದಲ್ಲಿ ತಾಲೂಕ ಆಡಳಿತದ ವತಿಯಿಂದ 72 ನೇ ಸ್ವಾತಂತ್ರ್ಯೋತ್ಸವ ದಿನಾಚರಣೆ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿದ ಅವರು, ಮಾನವ ಮೂಲಭೂತವಾಗಿ ಬಯಸುವ ಒಂದು ಅಂಶವೆಂದರೆ ಸ್ವಾತಂತ್ರ, ದೇಶವನ್ನು ಸ್ವತಂತ್ರಗೊಳಿಸಲು ಹಲವಾರು ಮಹನೀಯರು ಜೀವನವನ್ನು ತ್ಯಾಗಮಾಡಿ ಹೋರಾಡಿದ್ದಾರೆ ಭಗತಸಿಂಗ, ಚಂದ್ರಶೇಖರ ಅಜಾದ, ಸುಭಾಸಚಂದ್ರ ಬೋಸ, ಮಹಾತ್ಮಾ ಗಾಂಧಿಜಿ, ಖಾನಅಬ್ದುಲ ಗಪಾರಖಾನ, ಗಡಿನಾಡುಗಾಂದಿ, ಲೋಕಮಾನ್ಯ ತಿಲಕ, ಸಾವರಕರ,ಇನ್ನು ಅನೇಕ ಮಹನೀಯರನ್ನು ಹಾಗೂ ಕನ್ನಡ ನಾಡಿನಲ್ಲಿ ಮೊದಲ ಸ್ವಾತಂತ್ರ್ಯದ ಕಿಚ್ಚನ್ನು ಹಚ್ಚಿದ ಕಿತ್ತೂರ ರಾಣಿ ಚೆನ್ನಮ್ಮ, ವೀರ ಸಂಗೊಳ್ಳಿ ರಾಯಣ್ಣ ಸೇರಿದಂತೆ ಮಹನೀಯರನ್ನು ಹಾಗೂ ತಾಲೂಕಿನ ರಾಮಚಂದ್ರಪ್ಪ ಅರಕಸಾಲಿ, ರಾಮಚಂದ್ರಪ್ಪ ಸಂಶಿ, ಹಾಗೂ ಹುತಾತ್ಮ ಯೋದರಾದ ಚಂದ್ರಶೇಖರ ಡವಗಿ, ಸವಣೂರಿನ ಪುಟ್ಟಪ್ಪ ಲಮಾಣಿ, ಕುಂದಗೋಳನ ಹನಮಂತಪ್ಪ ಕೊಪ್ಪದ,  ಅವರನ್ನೆಲ್ಲ ಭಕ್ತಿಭಾವದಿಂದ ನೆನೆದು ಗೌರವಿಸುವ ಸುದಿನವಿದು ಎಂದರು.

     ದೇಶ 72 ವರ್ಷ ನಡೆದ ಬಂದ ಹಾದಿಯನ್ನು ಸಿಂಹಾವಲೋಕನ ಮಾಡಬೆಕು, ದೇಶಕ್ಕೆ  ಸ್ವತಂತ್ರ ಸಿಕ್ಕಾಗ ಶೇ20 ರಷ್ಟಿದ್ದ ಸಾಕ್ಷರತೆ ಇಂದು ಶೇ 66% ಕ್ಕಿಂತ ಹೆಚ್ಚಾಗಿದೆ, ದೇಶ  ಹಸಿರು ಕ್ರಾಂತಿಯ ಮೂಲಕ ಇಂದು 125 ಕೋಟಿ ಜನಸಂಖ್ಯೆಗೆ ಆಹಾರ ಸ್ವಾವಲಂಬನೆ ಪಡೆದುಕೊಂಡಿದೆ ಇದಕ್ಕೆ ಶ್ರಮಿಸುತ್ತಿರುವ ಮಣ್ಣಿನ ಮಕ್ಕಳಾದ ನಮ್ಮ ರೈತರಿಗೆ ನಾವು ಗೌರವ ನೀಡಬೇಕು, ಔದ್ಯೋಗಿಕರಣದಲ್ಲಿ ಸಾದನೆಯಾಗಿದೆ, ನವತಂತ್ರಜ್ಞಾನ, ಆಯ್.ಟಿ-ಬಿಟಿಯಲ್ಲಿ ನಮ್ಮ ದೇಶ ಆಗ್ರಮಾನ್ಯ ಸ್ಥಾನದಲ್ಲಿದೆ, ಅತಿ ಹೆಚ್ಚು ಉಪಗ್ರಹ ಉಡಾವಣೆಯಲ್ಲಿ ನಮ್ಮ ದೇಶ ಮೂರನೇ ಸ್ಥಾನದಲ್ಲಿದೆ. ನಮ್ಮ ಪ್ರಧಾನಮಂತ್ರಿ ನರೇಂದ್ರ ಮೋದಿಯವರು 2013ರಿಂದ ಇಲ್ಲಿಯವರೆಗೆ ಜನುಪಯೋಗಿ ಕಾರ್ಯಕ್ರಮ ರೂಪಿಸಿದ್ದಾರೆ, ಜನದನ್ ಕಾರ್ಯಕ್ರಮದಿಂದ ಮುದ್ರಾ ಕಾರ್ಯಕ್ರಮದ ವರೆಗೂ ಹಾಗೂ ರೈತರಿಗಾಗಿ ಪ್ರದಾನಮಂತ್ರಿ ಪಸಲ ಬೀಮಾ ಯೋಜನೆ, ಪ್ರಧಾನಮಂತ್ರ ಆವಾಜ ಯೋಜನೆ ಹೀಗೆ ಹತ್ತು ಹಲವು ಯೋಜನೆ ರೂಪಿಸಿ ದೇಶವನ್ನು ಅಭಿವೃದ್ದಿಯತ್ತ ಕೊಂಡೊಯ್ಯತ್ತಿದ್ದಾರೆ ಎಂದರು.

   ಇಷ್ಟೆಲ್ಲದರ ನಡುವೆ ಇಂದೂ ಕೂಡಾ ನಮ್ಮ ಶಾಲೆಗಳನ್ನು ಸಂಪೂರ್ಣವಾಗಿ ಹಂಚನ್ನು ತೆಗೆದು ಮೇಲ್ಚಾವಣೆ ಹಾಕಲು ಸಾದ್ಯವಾಗಿಲ್ಲ, ಆರೊಗ್ಯ ದೇಶದಲ್ಲಿ ವಿಶ್ವ ಮಾನ್ಯ ಆರೋಗ್ಯ ವ್ಯವಸ್ಥೆ ಇದ್ದರೂ, ಗ್ರಾಮೀಣ ಪ್ರದೇಶ ಸಂಪೂರ್ಣ ಆರೋಗ್ಯ ನಿಮರ್ಿಸಲು ಸಪಲರಾಗಿಲ್ಲ ಇನ್ನು ಕೆಲವು ಕೊರತೆಗಳು ನಮ್ಮನ್ನು ಕಾಡುತ್ತಿವೆ ಎಂದರು. 

     ತಹಶೀಲ್ದಾರ ಶಿವಾನಂದ ರಾಣೆ ದ್ವಜಾರೊಹಣ ನೆರವೇರಿಸಿ ಮಾತನಾಡಿದರು, ತಾಪಂ ಕಾರ್ಯ ನಿವರ್ಾಹಕ ಅಧಿಕಾರಿ ಸ್ವಾಗತಿಸಿದರು. ಕೆ.ಎಸ್.ಆರ್.ಪಿ ಪಡೆ ಹಾಗೂ ಶಾಲಾ ವಿದ್ಯಾಥರ್ಿಗಳು ಪತಸಂಚಲನ ಹಾಗೂ ದ್ವಜವಂದನೆ ನಡೆಸಿದರು. ವಿದ್ಯಾಥರ್ಿಗಳಿಂದ ಸಂಸ್ಕೃತಿಕ ಕಾರ್ಯಕ್ರಮಗಳು ನೆರವೇರಿದವು, ಅರಣ್ಯ ಇಲಾಖೆಯಿಂದ ಹಸಿರು ಕನರ್ಾಟಕ ನಿಮರ್ಾಣ ಪ್ರತಿಜ್ಞಾವಿದಿ ಹಾಗು ಸಸಿ ನೀಡುವ ಕಾರ್ಯಕ್ರಮ ನೆರವೇರಿತು.

   ಕಾರ್ಯಕ್ರಮದಲ್ಲಿ ಪುರಸಭೆ ಅಧ್ಯಕ್ಷ ಶಿವಪ್ರಸಾದ ಸುರಗಿಮಠ, ಉಪಾಧ್ಯಕ್ಷ ಪರಶುರಾಮ ಸೊನ್ನದ ಹಾಗೂ ಸದಸ್ಯರು, ತಾಪಂ ಅಧ್ಯಕ್ಷೆ ಪಾರವ್ವ ಆರೇರ ಹಾಗೂ ಸದಸ್ಯರು, ಎ.ಪಿ.ಎಮ್.ಸಿ.ಅದ್ಯಕ್ಷ ತಿಪ್ಪಣ್ಣ ಸಾತಣ್ಣವರ ಹಾಗೂ ಸದಸ್ಯರು, ಕ್ಷೇತ್ರ ಶಿಕ್ಷಣಾಧಿಕಾರಿ ಎಸ್.ಬಿ.ಹೆಳವರ, ಸೇರಿದಂತೆ ಗಣ್ಯರು, ಎಲ್ಲ ಸಂಘಟನೆಗಳ ಪದಾಧಿಕಾರಿಗಳು ವಿದ್ಯಾಥರ್ಿಗಳು ತಾಲೂಕಿನ ಎಲ್ಲ ಇಲಾಖೆಗಳ ಅಧಿಕಾರಿಗಳು ಸಿಬ್ಬಂದಿಗಳು ಉಪಸ್ಥಿತರಿದ್ದರು.