ಕಂಪ್ಲಿ 31 :  ಕೊಪ್ಪಳದ ಗವಿಸಿದ್ದೇಶ್ವರ ಅಜ್ಜನ ಜಾತ್ರೆಗೆ ಆಗಮಿಸುವ ಭಕ್ತರ ದಾಸೋಹಕ್ಕಾಗಿ ದೇವ ಸಮುದ್ರ ಗ್ರಾಮ ಪಂಚಾಯತಿ ತುರಮುಂದಿ ಬಸವೇಶ್ವರ ಯುವಕ ಸಂಘದವರು 25ಸಾವಿರ ಜೋಳದ ರೊಟ್ಟಿ ಹಾಗೂ 5ಕ್ವಿಂಟಲ್ ಅಕ್ಕಿಯನ್ನು ಸಂಗ್ರಹಿಸಿ ಮಠಕ್ಕೆ ಕಳುಹಿಸಿ ಕೊಡಲಾಗುತ್ತಿದೆ.2026ರಂದು ಜನವರಿ 5ರಂದು ಕೊಪ್ಪಳದಲ್ಲಿ ಅಜ್ಜನ ಜಾತ್ರೆ ಆರಂಭವಾಗಲಿದ್ದು, ದೇವಸಮುದ್ರ ಗ್ರಾಮದ ಶ್ರೀಲಕ್ಷ್ಮೀ ನಾರಾಯಣಸ್ವಾಮಿ ದೇವಸ್ಥಾನದ ಆವರಣದಲ್ಲಿ ಕಳೆದ ನಾಲ್ಕೈದು ದಿನಗಳಿಂದ ಸರ್ವಧರ್ಮದ ಮಹಿಳೆಯರು ಜೋಳದ ರೊಟ್ಟಿಯನ್ನು ಬಿಡುವಿಲ್ಲದೆ ತಯಾರಿಸುವಲ್ಲಿ ತೊಡಗಿ ಕೊಂಡಿದ್ದಾರೆ ಗ್ರಾಮದ ಕೆಲವರು ತಮ್ಮ ತಮ್ಮ ಮನೆಗಳಲ್ಲಿಯೇ ರೊಟ್ಟಿಗಳನ್ನು ತಯಾರಿಸಿ ತಂದು ಕೊಡುತ್ತಿದ್ದಾರೆ. ಮೊದಲು ಐದು ಸಾವಿರ ಜೋಳದ ರೊಟ್ಟಿ ತಯಾರಿಸಿ ಕೊಡುವ ಯೋಜನೆ ಇತ್ತು.ಆದರೆ ಗ್ರಾಮದ ಮಹಿಳೆಯರು ಹೆಚ್ಚಿನ ಉತ್ಸಾಹದಿಂದ ರೊಟ್ಟಿ ತಯಾರಿಸಲು ಸ್ವತಃ  ಮುಂದೆ ಬಂದಿದ್ದರಿಂದ 25 ಸಾವಿರ ರೊಟ್ಟಿ ನೀಡಲು ಯೋಜನೆ ರೂಪಿಸಿದ್ದು,

               ಈಗಾಗಲೇ ಹದಿನೈದು ಸಾವಿರ ರೊಟ್ಟಿಗಳನ್ನು ಸಂಗ್ರಹಿಸಲಾಗಿದೆ.ಉಳಿದ ರೊಟ್ಟಿಗಳನ್ನು ಎರಡು ದಿನಗಳಲ್ಲಿ ಸಂಗ್ರಹಿಸಲಾಗುವುದು. ಜ.2ರಿಂದ ಗ್ರಾಮದ ಯುವಕರು ಪಾದಯಾತ್ರೆ ಮೂಲಕ ಕೊಪ್ಪಳದ ಗವಿಮಠಕ್ಕೆ ತೆರಳಿ ಎರೆಡು ಮೂರು ದಿನ ವಾಸ್ತವ್ಯ ಹೂಡಿ  ಅಜ್ಜನ ಸೇವೆ ಮಾಡಲಿದ್ದಾರೆಂದು ಶ್ರೀ ತುರುಮುಂದಿ ಬಸವೇಶ್ವರ ಯುವಕ ಮಂಡಳಿಯ ಪದಾಧಿಕಾರಿಗಳು ತಿಳಿಸಿದರು.ಈ ಸಂದರ್ಭದಲ್ಲಿ ಮುಖಂಡರಾದ ಜಿ.ಅಮರೇಗೌಡ, ಗುಡ್ಡದ ಜಂಬುನಾಥ ಅಳ್ಳಳ್ಳಿ ಮಂಜುನಾಥ, ಅಗಸಿ ಬಸವನಗೌಡ, ಎಚ್‌ಎಸ್‌.ಮಲ್ಲಿಕಾರ್ಜುನ, ಎಸ್‌. ಚಿದಾನಂದಪ್ಪ, ರುದ್ರಗೌಡ, ಜೆ.ಚೆನ್ನವೀರ​‍್ಪ ಸೇರಿದಂತೆ ಇತರರು ಇದ್ದರು.