ಹಾವೇರಿ 11: ಸಂಕಷ್ಟ ಹಾಗೂ ಅಪಾಯದಲ್ಲಿರುವ ಮಕ್ಕಳಿಗಾಗಿ ದಿನದ 24 ತಾಸು ನೆರವು ಹಾಗೂ ಆಶ್ರಯ ಒದಗಿಸಲು ಮಕ್ಕಳ ಸಹಾಯವಾಣಿ ಕೇಂದ್ರ ಜಿಲ್ಲೆಯಲ್ಲಿ ಕಾರ್ಯನಿರ್ವಹಿಸುತ್ತಿದೆ. ಮಕ್ಕಳ ನೆರವಿಗೆ ಧಾವಿಸುವ ಸಾರ್ವಜನಿಕರು, ಪೋಷಕರು, ಮಕ್ಕಳು ಅಗತ್ಯ ಸಂದರ್ಭದಲ್ಲಿ ಸಹಾಯವಾಣಿ 1098ಸಂಖ್ಯೆಗೆ ಕರೆಮಾಡಿ ನೆರವು ಪಡೆದುಕೊಳ್ಳಬಹುದಾಗಿದೆ.

ಏನಿದು ಮಕ್ಕಳ ಸಹಾಯವಾಣಿ: 

ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ನೆರವಿನೊಂದಿಗೆ  ಜಿಲ್ಲೆಯಲ್ಲಿ  ಚೈತನ್ಯ ಗ್ರಾಮೀಣ ಅಭಿವೃದ್ಧಿ ಸಂಸ್ಥೆ ಹಾಗೂ ಸಹಾಯಕ ಸಂಸ್ಥೆಯಾಗಿ  ಹಾನಗಲ್ನ ರೋಶನಿ ಸಮಾಜ ಸೇವಾ ಸಂಸ್ಥೆ  ಕೆಲಸಮಾಡುತ್ತಿವೆ.

   ಬೀದಿ ಮೇಲೆ ಬದುಕುವ ಮಕ್ಕಳು, ಹಿಂಸೆ ಮತ್ತು ದುರುಪಯೋಗಕ್ಕೆ ಈಡಾದ ಮಕ್ಕಳು, ಮಾನಸಿಕ ಹಾಗೂ ಶಾರೀರಿಕ ಅಂಗವಿಕಲ, ಬಾಲ್ಯ ವಿವಾಹಕ್ಕೀಡಾದ ಹಾಗೂ ಕಾಣೆಯಾದ ಮಕ್ಕಳು, ಮಾದಕ ವಸ್ತುಗಳ ವ್ಯಸನಿಗಳು, ಬಾಲ ಕಾಮರ್ಿಕರು, ತಿರಸ್ಕೃತ ಹಾಗೂ ನಿರ್ಗತಿಕ ಮಕ್ಕಳು, ಆಶ್ರಯ ಕೋರಿ ಬರುವ ಮಕ್ಕಳ ನೆರವಿಗಾಗಿ ಚೈಲ್ಡ್ಲೈನ್ ಕಾರ್ಯನಿರ್ವಹಿಸುತ್ತಿದೆ. ಮಕ್ಕಳು ಅಥವಾ ಮಕ್ಕಳ ಬಗ್ಗೆ ಕಾಳಜಿಯುಳ್ಳ ವಯಸ್ಕರರು ಮಕ್ಕಳ ಸಹಾಯವಾಣಿ 1098ಕ್ಕೆ ಕರೆಮಾಡಿದಾಗ  ತಕ್ಷಣ ಸಂಬಂಧಿಸಿದ ಚೈಲ್ಡ್ಲೈನ್ ಕೇಂದ್ರಗಳಿಗೆ ಕರೆ ರವಾನೆಯಾಗುತ್ತದೆ. ಕರೆ ಸ್ವೀಕರಿಸಿದ 60 ನಿಮಿಷದೊಳಗೆ ಚೈಲ್ಡ್ಲೈನ್ ತಂಡವು ನೆರವಿನ ಅವಶ್ಯವಿರುವ ಮಕ್ಕಳಿರುವ ಸ್ಥಳಕ್ಕೆ ಧಾವಿಸಿ ಅಗತ್ಯ ನೆರವು ಒದಗಿಸುತ್ತದೆ. 

ಸಹಾಯವಾಣಿಯ ಕಾರ್ಯನಿರ್ವಹಣೆ: 

ಮಕ್ಕಳ ರಕ್ಷಣೆ ಹಾಗೂ ನೆರವು ಕೋರಿ ಸಹಾಯವಾಣಿ ಬರುವ ಕರೆಗಳನ್ನು ಆಯಾ ವಿಭಾಗದ  ಚೈಲ್ಡ್ಲೈನ್ ಕಾರ್ಯಕರ್ತರಿಗೆ ವಗರ್ಾವಣೆಮಾಡಲಾಗುತ್ತದೆ. ಕರೆ ಸ್ವೀಕರಿಸಿದ ತಕ್ಷಣ ರಕ್ಷಣೆ ಅಥವಾ ನೆರವು ಅಗತ್ಯವಿರುವ ಮಕ್ಕಳ ಸ್ಥಳಕ್ಕೆ ಕಾರ್ಯಕರ್ತರು ಸಂಪಕರ್ಿಸಿಸಿ ಸಮಸ್ಯೆಗೆ ಸ್ಪಂದಿಸಿ ಪರಿಹಾರ ಪ್ರಕ್ರಿಯೆಗಳು ಕೈಗೊಳ್ಳಲಾಗುತ್ತದೆ. 

 ದಿನದ 24 ಘಂಟೆಗಳ ಉಚಿತ ಕರೆಗಳನ್ನು ಸ್ವೀಕರಿಸಲಾಗುತ್ತದೆ, ಪ್ರತಿ ಕರೆಯನ್ನು ಗಂಭೀರವಾಗಿ ಪರಿಗಣಿಸಿ ಅನುಸರಣಾ ಸೇವೆ ಒದಗಿಸಲಾಗುತ್ತದೆ.  ಕರೆ ಸ್ವೀಕರಿಸಿ  ಮಗುವಿರುವ ಸ್ಥಳಕ್ಕೆ ತಲುಪುವುದು ಹಾಗೂ ಮಗುವನ್ನು ಸುರಕ್ಷತಾ ಸ್ಥಳಕ್ಕೆ ವಗರ್ಾಯಿಸಲಾಗುತ್ತದೆ. ಪ್ರತಿ ಮಗುವಿಗೂ ಆಪ್ತ ಸಮಾಲೋಚನೆ ಮತ್ತು ಅವಶ್ಯಕತೆಗೆ ತಕ್ಕಂತೆ ಪುನರ್ವಸತಿ/ಅನುಸರಣೆ  ಮಾಡುವ ಆದ್ಯ ಕಾರ್ಯವಾಗಿ ನಿರ್ವಹಿಸುತ್ತದೆ.

     ಮಕ್ಕಳ ಸಹಾಯವಾಣಿ ಕೇಂದ್ರದಿಂದ  ಪಾಲುದಾರ ಇಲಾಖೆಗಳೊಂದಿಗೆ ಮಕ್ಕಳ ಹಕ್ಕುಗಳ ಕುರಿತಂತೆ ನಿರಂತರ ಜಾಗೃತಿ ಮೂಡಿಸುವ ಕಾರ್ಯವನ್ನು ನಡೆಸಲಾಗುತ್ತದೆ.

 ಜಿಲ್ಲಾ ಮಟ್ಟದಲ್ಲಿ ಜಿಲ್ಲಾಧಿಕಾರಿಗಳ ಅಧ್ಯಕ್ಷತೆಯಲ್ಲಿ ವಿವಿಧ ಅಧಿಕಾರಿಗಳು ಹಾಗೂ ಮಕ್ಕಳ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸುತ್ತಿರುವ ತಜ್ಞರನ್ನೊಳಗೊಂಡ ಸಲಹಾ ಸಮಿತಿಯಿಂದ ಕಾಲಕಾಲಕ್ಕೆ ಸಭೆ ನಡೆಸಿ  ಮಕ್ಕಳ ರಕ್ಷಣೆ, ಪೋಷಣೆಗೆ ಸಂಬಂಧಿಸಿದ ವಿಷಯಗಳಲ್ಲಿ ನಿರಂತರ ಸಮನ್ವಯತೆ/ಸಹಾಯ ಪಡೆಯುತ್ತದೆ. ಮಕ್ಕಳ ಸಮಸ್ಯೆಗಳ ಕುರಿತಂತೆ ಅಧ್ಯಯನ ಕೈಗೊಳ್ಳುವುದು ಹಾಗೂ ಸರಕಾರದ ಗಮನಕ್ಕೆ ತರುವ ಕೆಲಸ ನಿರ್ವಹಿಸುತ್ತದೆ. ಸಮಾಜದಲ್ಲಿ ಜಾಗೃತಿ ಮೂಡಿಸುವ ಕಾರ್ಯ ಸಹ ನಿರ್ವಹಿಸುತ್ತದೆ. ಮಕ್ಕಳ ಸಹಾಯವಾಣಿಯ ನೆರವು ಹಾಗೂ ಜಾಗೃತಿಗಾಗಿ ಹಲವು ಯೋಜನೆಗಳನ್ನು ರೂಪಿಸಿದೆ. 

ಮಕ್ಕಳ ನೆರವಿಗೆ  ಮಾಡಿರುವ ಕೆಲಸ :

 ಕಳೆದ ಐದು ವರ್ಷದಲ್ಲಿ 2244 ಕರೆಗಳನ್ನು ಸ್ವೀಕರಿಸಿ ಸಮಸ್ಯೆಗೆ ಸ್ಪಂದಿಸಿದೆ. ಕಳೆದ ಎರಡು ವರ್ಷಗಳಲ್ಲಿ  1200 ಕರೆಗಳು ಸ್ವೀಕರಿಸಿದೆ. ಈ ಪೈಕಿ ವೈದ್ಯಕೀಯ ನೆರವು ಕೋರಿ 171 ಕರೆಗಳು, ವಸತಿ ಸೌಲಭ್ಯ ಕೋರಿ 101 ಕರೆಗಳು, ಆಪ್ತ ಸಮಾಲೋಚನೆಗಾಗಿ 30 ಕರೆಗಳು, ಮಕ್ಕಳ ಪತ್ತೆ ಹಾಗೂ ಕಾಣೆಯಾದ ಮಕ್ಕಳ ಕುರಿತಂತೆ 71 ಕರೆಗಳು, ತೊರೆದ ಮಕ್ಕಳಿಗೆ ಸಂಬಂದಿಸಿದ 2 ಕರೆಗಳು, ಶಾಲೆಗಳಿಗೆ ಸಂಬಂಧಿಸಿದ 123 ಕರೆಗಳು, ಶಾಲೆ ತೊರೆದ ಮಕ್ಕಳಿಗೆ ಸಂಬಂಧಿಸಿದ 116 ಕರೆಗಳು, ಬಿಕ್ಷಾಟನೆ ಮಾಡುತ್ತಿರುವ ಮಕ್ಕಳಿಗೆ ಸಂಬಂಧಿಸಿದ 45 ಕರೆಗಳು, ಬಾಲ್ಯ ವಿವಾಹಕ್ಕೆ ಸಂಬಂಧಿಸಿದ 91 ಕರೆಗಳು, ಬಾಲ ಕಾಮರ್ಿಕರಿಗೆ ಸಂಬಂಧಿಸಿದ 32 ಕರೆಗಳು, ದೈಹಿಕ ದೌರ್ಜನ್ಯ ಕುರಿತಂತೆ 101 ಕರೆಗಳು, ಮಾನಸಿಕ ದೌರ್ಜನ್ಯಕ್ಕೆ ಸಂಬಂಧಿಸಿದಂತೆ 44 ಕರೆಗಳು, ಲೈಂಗಿಕ ದೌರ್ಜನ್ಯಕ್ಕೆ ಸಂಬಂಧಿಸಿದ  23 ಕರೆಗಳು, ಮರಣ ಸಂಬಂಧಿಯ 2 ಕರೆಗಳು, ಪ್ರಾಯೋಜಕತ್ವದ 46 ಕರೆಗಳು, ಪತ್ತೆಯಾಗದಿರುವ 101 ಕರಗಳು, ಇತರ  ಮಕ್ಕಳ ಸಮಸ್ಯೆ ಕುರಿತಂತೆ101 ಕರೆಗಳನ್ನು ಸ್ವೀಕರಿಸಿ ಸಕಾಲಕ್ಕೆ  ಸ್ಪಂದಿಸಲಾಗಿದೆ. 

ಮಕ್ಕಳು ಮಾನವ ಲೋಕದ ಸುಂದರ ಪುಷ್ಪಗಳು ಸಂಕಷ್ಟದಲ್ಲಿರುವ ಮಕ್ಕಳ ರಕ್ಷಣೆ ಸಾಮೂಹಿಕ ಹೊಣೆಗಾರಿಕೆ. ಕಷ್ಟದಲ್ಲಿರುವ ಮಕ್ಕಳಿಗಾಗಿ ಸಹಾಯವಾಣಿ 1098 ಸಂಖ್ಯೆಗೆ ಕರೆಮಾಡಿ ನೆರವು ಒದಗಿಸಿ ಎಂದು ಚೈಲ್ಡ್ಲೈನ್ ಸಂಸ್ಥೆಯು ಮನವಿ ಮಾಡಿಕೊಂಡಿದೆ.