ಗದಗ 16 : ಭಾರತೀಯ ಹವಾಮಾನ ಇಲಾಖೆಯ ಸಂಸ್ಥಾಪನಾ (1875-2026) ದಿನವನ್ನು ಗುರುವಾರ ನಗರದ ಸಂಭಾಪೂರ ರಸ್ತೆಯಲ್ಲಿರುವ  ಹವಾಮಾನ ಇಲಾಖೆಯ ಕಚೇರಿಯಲ್ಲಿ  ಕೇಕ್ ಕತ್ತರಿಸುವ ಮೂಲಕ ಆಚರಿಸಲಾಯಿತು.  

 ಈ ಸಂದರ್ಭದಲ್ಲಿ ಉಸ್ತುವಾರಿ ಅಧಿಕಾರಿ ಪ್ರದೀಪ ಮತ್ತು ಎಲ್ಲಾ ಸಿಬ್ಬಂದಿ ಸದಸ್ಯರು ಐಎಂಡಿಯ ಇತಿಹಾಸ ಮತ್ತು ಕೆಲಸದ ಬಗ್ಗೆ ವಿವರಿಸಿದರು.  ವೈಜ್ಞಾನಿಕ ಸಹಾಯಕರಾದ ಡಾ. ಎಚ್‌.ಸಿ.ಕಟ್ಟಿಮನಿ, ಪ್ರೊ. ಅಮಿತ್‌ಕುಮಾರ, ಡಾ. ಪ್ರದೀಪ, ಅವರು ಐಎಂಡಿಯ ಕೆಲಸ, ಸ್ವರೂಪ ಮತ್ತು ಮಹತ್ವವನ್ನು ವಿವರವಾಗಿ ವಿವರಿಸಿದರು. ಇದೇ ವೇಳೆ ಕಚೇರಿ ಸಿಬ್ಬಂದಿಗಳನ್ನು ಸನ್ಮಾನಿಸಲಾಯಿತು. ನಂತರ ಸಂವಾದ ಮತ್ತು  ಕಚೇರಿಯ ಆವರಣದಲ್ಲಿ 151 ನೇ ವರ್ಷಾಚರಣೆಯ ಅಂಗವಾಗಿ ಸಸಿ ನೆಡಲಾಯಿತು.