ಲೋಕದರ್ಶನ ವರದಿ 

ಹಾನಗಲ್‌ : ತಾಲೂಕಿನಲ್ಲಿ 11 ಹೊಸ ಕಂದಾಯ ಗ್ರಾಮ, 140 ಉಪ ಗ್ರಾಮಗಳನ್ನು ರಚಿಸುವ ಮೂಲಕ ದಾಖಲೆ ರಹಿತವಾಗಿ ಸರಕಾರಿ ಮತ್ತು ಖಾಸಗಿ ಜಮೀನುಗಳಲ್ಲಿ ವಾಸಿಸುತ್ತಿದ್ದ ಕುಟುಂಬಗಳಿಗೆ ಮಾಲಿಕತ್ವ ನೀಡಲಾಗುತ್ತಿದೆ ಎಂದು ಶಾಸಕ ಶ್ರೀನಿವಾಸ ಮಾನೆ ಹೇಳಿದರು. ತಾಲೂಕಿನ ಮಕರವಳ್ಳಿ ಗ್ರಾಮದಲ್ಲಿ ಕೃಷ್ಣ ಭೈರೇಗೌಡ ನಗರ ಮತ್ತು ಸಿದ್ದರಾಮೇಶ್ವರ ಕಾಲೋನಿ ನೂತನ ಉಪ ಗ್ರಾಮಗಳನ್ನು ಉದ್ಘಾಟಿಸಿದ ಅವರು ಸ್ವಾತಂತ್ರ್ಯ ಲಭಿಸಿ ಹಲವು ದಶಕಗಳು ಉರುಳಿದರೂ ಅನೇಕ ಗ್ರಾಮಗಳಿಗೆ ಮಾನ್ಯತೆ ಸಹ ಇರಲಿಲ್ಲ.

ರಾಜ್ಯದಲ್ಲಿ ಅನೇಕ ತಾಂಡಾ, ಗೊಲ್ಲರಹಟ್ಟಿ, ಹಾಡಿ, ದೊಡ್ಡಿ, ಮಜರೆ, ಕ್ಯಾಂಪ್, ಕಾಲೋನಿ ಇತ್ಯಾದಿಗಳಿಗೆ ಪ್ರತ್ಯೇಕ ಕಂದಾಯ ದಾಖಲೆಗಳು ಮತ್ತು ಕಂದಾಯ ಸಂಖ್ಯೆ ಇರಲಿಲ್ಲ. ಹಾಗಾಗಿ ಅಲ್ಲಿನ ನಿವಾಸಿಗಳು ಸಾಕಷ್ಟು ಸಮಸ್ಯೆ ಅನುಭವಿಸುವಂತಾಗಿತ್ತು. ಕಂದಾಯ ಇಲಾಖೆಯಲ್ಲಿ ಸಾಕಷ್ಟು ಬದಲಾವಣೆ ತರುವ ಮೂಲಕ ಮನೆ ಮಾತಾಗಿರುವ ಕೃಷ್ಣ ಭೈರೇಗೌಡ ಅವರು ಇಲಾಖೆಯ ಸಾರಥ್ಯ ವಹಿಸಿದ ನಂತರ ಈ ಸಮಸ್ಯೆಗೆ ಶಾಶ್ವತ ಪರಿಹಾರ ದೊರಕಿಸಿದ್ದು, ಲಕ್ಷಾಂತರ ಕುಟುಂಬಗಳಿಗೆ ಮಾಲಿಕತ್ವದ ಹಕ್ಕುಪತ್ರ ಸಹ ಒದಗಿಸಿದ್ದಾರೆ. ಹಾನಗಲ್ ತಾಲೂಕಿನಲ್ಲಿಯೇ ಒಟ್ಟು 151 ಜನವಸತಿ ಪ್ರದೇಶಗಳು ಕಂದಾಯ ಗ್ರಾಮ ಮತ್ತು ಉಪ ಗ್ರಾಮಗಳಾಗಿ ಅಧಿಕೃತ ಸರಕಾರದ ಮಾನ್ಯತೆ ಪಡೆಯುವಂತಾಗಿದೆ ಎಂದರು. 

ತಹಶೀಲ್ದಾರ್ ರೇಣುಕಾ ಎಸ್‌.ಕರ್ನಾಟಕ ಹಾಲು ಉತ್ಪಾದಕ ಮಹಾಮಂಡಳದ ನಿರ್ದೇಶಕ ಚಂದ್ರ​‍್ಪ ಜಾಲಗಾರ,ಕೆಪಿಸಿಸಿ ಸದಸ್ಯ ಟಾಕನಗೌಡ ಪಾಟೀಲ,ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಮಂಜು ಗೊರಣ್ಣನವರ,ಬಸನಗೌಡ ಪಾಟೀಲ,ಹನುಮಂತಪ್ಪ ಮರಗಡಿ,ಈರ​‍್ಪ ಬೈಲವಾಳ,ಫಯಾಜ್ ಲೋಹಾರ,ರಾಮಣ್ಣ ಬುಡ್ಡನವರ,ವಿರುಪಾಕ್ಷಪ್ಪ ದಾಳೇರ,ಮಂಜಪ್ಪ ಮಲಗುಂದ,ಕರಬಸನಗೌಡ ಪಾಟೀಲ,ಪ್ರಕಾಶ ಕೂಸನೂರ,ಶಾರುಖ್ ಗಡದ, ಎಸ್‌.ಎಂ.ಹಿರೇಮಠ,ಜಯಣ್ಣ ದ್ಯಾವಣ್ಣನವರ ಸೇರಿದಂತೆ ಅನೇಕರಿದ್ದರು.