ಶಿಗ್ಗಾವಿ 15 : ಕ್ಷೇತ್ರದ ರಸ್ತೆಗಳ ಅಭಿವೃದ್ಧಿಗೆ ರಾಜ್ಯ ಸರ್ಕಾರ 100 ಕೋಟಿ ಅನುದಾನವನ್ನು ನೀಡಿದ್ದು, ಮಳೆ ಕಡಿಮೆ ಆದಮೇಲೆ ಕಾಮಗಾರಿಗಳನ್ನು ಪ್ರಾರಭಿಸಲಾಗುವುದು ಎಂದು ಶಾಸಕ ಯಾಸೀರಖಾನ ಪಠಾಣ ಹೇಳಿದರು. 

ಪಟ್ಟಣದ ತಹಶೀಲ್ದಾರ ಕಚೇರಿಯಲ್ಲಿ ಆಯೋಜಿಸಲಾಗಿದ್ದ ಅಹವಾಲು ಸ್ವೀಕಾರ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ರಾಜ್ಯ ಸರ್ಕಾರವು ಕ್ಷೇತ್ರದ ಗ್ರಾಮೀಣ ರಸ್ತೆಗಳ ಅಭಿವೃದ್ದಿಗಾಗಿ ರೂ. 50 ಕೋಟಿ, ರೂ. 10 ಕೋಟಿ ಮುಖ್ಯಮಂತ್ರಿಗಳ ವಿಶೇಷ ಅನುಧಾನ ಸೇರಿದಂತೆ 33 ಕಿ.ಮಿ ರಸ್ತೆಯನ್ನು ನಿರ್ಮಿಸಲು ಅನುಮತಿಯನ್ನು ನೀಡಿದ್ದು ಒಟ್ಟಾರೆಯಾಗಿ 100 ಕೋಟಿ ವೆಚ್ಚದಲ್ಲಿ ಗ್ರಾಮೀಣ ರಸ್ತೆಗಳನ್ನು ಅಭಿವೃದ್ದಿಗೊಳಿಸಲಾಗುತ್ತದೆ. ರಾಷ್ಟ್ರೀಯ ಹೆದ್ದಾರಿಯಲ್ಲಿನ ಖುರ್ಸಾಪುರ ಬ್ರಿಡ್ಜ ಕಾಮಗಾರಿಯನ್ನು ಪೂರ್ಣಗೊಳಿಸಿರುವ ಇಲಾಖೆ ವಾಹನ ಸಂಚಾರಕ್ಕೆ ಮುಕ್ತಗೊಳಿಸಿದೆ. ಆದರೆ ಹದಗೆಟ್ಟಿರುವ ಸರ್ವಿಸ್ ರಸ್ತೆಯನ್ನು ಸುದಾರಣೆ ಮಾಡಿಲ್ಲಾ,  ಶೀಘ್ರದಲ್ಲಿ ಆ ರಸ್ತೆಯನ್ನೂ ದುರಸ್ತಿ ಮಾಡುವ ಭರವಸೆಯನ್ನು ನೀಡಿದ್ದಾರೆ. 

33ಜನಾ ಆರಾಧನಾ ಫಲಾನುಭವಿಗಳಿಗೆ ಶ್ರೀಘ್ರದಲ್ಲಿ ಚೆಕ್ ವಿತರಣೆ ಮಾಡಲು ಇಂದಿನ ಸಭೆಯಲ್ಲಿ ಕ್ರಮ ಕೈಗೊಳ್ಳಲಾಗಿದೆ. ಕ್ಷೇತ್ರದಲ್ಲಿ ಉತ್ತಮ ಮಳೆಯಾಗುತ್ತಿದ್ದು ಗೊಬ್ಬರದ ಅಭಾವದಿಂದ ರೈತರು ಸಮಸ್ಯಗೆ ಸಿಲುಕಬಾರದು ಎಂದು ಗೊಬ್ಬರದ ಅಭಾವ ಆಗದಂತೆ ಮುನ್ನೆಚ್ಚರಿಕೆಯನ್ನು ವಹಿಸಲಾಗಿದೆ. ಇಂದಿನ ಕಾರ್ಯಕ್ರಮದಲ್ಲಿ ಸರ್ವೆ ಸಮಸ್ಯೆ, ಪಡಿತರ ಚೀಟಿ ಸಮಸ್ಯೆ, ಹಕ್ಕುಪತ್ರ ಸೇರಿದಂತೆ ಹಲವಾರು ಅಹವಾಲುಗಳನ್ನು ಸಾರ್ವಜನಿಕರು ನೀಡಿದ್ದು ಅವರ ಸಮಸ್ಯಗಳಿಗೆ ಸ್ಥಳದಲ್ಲಿಯೇ ಸ್ಪಂದಿಸಲಾಗಿದೆ ಎಂದು ಹೇಳಿದರು. 

ಈ ಸಂದರ್ಭದಲ್ಲಿ ತಹಶೀಲ್ದಾರ ಗೊಣ್ಣೇರ ಮುಖಂಡರುಗಳಾದ ಗುಡ್ಡಪ್ಪ ಜಲದಿ, ಎಸ್‌.ಎಪ್‌.ಮಣಕಟ್ಟಿ, ಮಂಜುನಾಥ ತಿಮ್ಮಾಪುರ, ಬಸವರಾಜ ಕಟ್ಟಿಮನಿ, ಗದಿಗೆಪ್ಪಾ ಬಳ್ಳಾರಿ, ಖಾಜಾಮೋದಿನ ರಾಣೆಭಾಗ, ಚಂದ್ರ ಕೊಡ್ಲಿವಾಡ, ಜಾವೀದ ನೀರಮನಿ, ಗೌಸಖಾನ ಮುನಸಿ ಇತರರಿದ್ದರು.