ಕಾಗವಾಡ, 09 : ನಮ್ಮ ಗ್ರಾಮದ ಯುವಕರು ದೇಶದ ಸೇವೆ ಮಾಡಲು, ಭಾರತೀಯ ಸೇನೆಯಲ್ಲಿ ಅಗ್ನಿವೀರರಾಗಿ ಆಯ್ಕೆಯಾಗಿರಿವುದು ಇಡೀ ಗ್ರಾಮವೇ ಹೆಮ್ಮೆ ಪಡುವ ವಿಷಯವಾಗಿದೆ ಎಂದು ಜೂಗೂಳ ಗ್ರಾಮ ಪಂಚಾಯಿತಿ ಅಧ್ಯಕ್ಷ ಕಾಕಾಸಾಬ ಪಾಟೀಲ್ ಹೇಳಿದರು. ಅವರು ಮಂಗಳವಾರ ದಿ. 09 ರಂದು ತಾಲೂಕಿನ ಜೂಗೂಳ ಗ್ರಾಮ ಪಂಚಾಯಿತಿ ವತಿಯಿಂದ ಸೇನೆಯಲ್ಲಿ ಅಗ್ನಿವೀರರಾಗಿ ಆಯ್ಕೆಗೊಂಡ 3 ಯುವಕರನ್ನು ಸನ್ಮಾನಿಸಿ ಮಾತನಾಡುತ್ತಿದ್ದರು.

            ಗ್ರಾಮದ ಓಂಕಾರ್ ಸುಂಕೆ ಈತನು ಈಗಾಗಲೇ ತರಬೇತಿ ಮುಗಿಸಿ ಗ್ರಾಮಕ್ಕೆ ಹಿಂದಿರುಗಿದ್ದು ಅದರಂತೆ ಸರ್ವೇಶ್ ದೇಸಾಯಿ ಮತ್ತು ರವೀಂದ್ರ ವಸೇದಾರ ತರಬೇತಿಗೆ ಪಡೆಯಲು ತೆರಳುತ್ತಿದ್ದಾರೆ. ಅವರ ದೇಶ ಸೇವೆ ಯಶಸ್ವಿಯಾಗಲಿ ಎಂದು ಹಾರೈಸಿದರು. ಈ ವೇಳೆ ಮುಖಂಡರಾದ ರಾಜು ಪಾಟೀಲ್, ಉದಯ ದೇಸಾಯಿ, ಬಾಬಾಸಾಬ್ ತಾರದಾಳೆ, ಮಹಾದೇವ ಕಾಂಬಳೆ, ನಿತಿನ್ ಪಾಟೀಲ್, ಅವಿನಾಶ್ ಪಾಟೀಲ್, ಪಿಡಿಒ ಶಿಲ್ಪಾ ನಾಯಿಕವಾಡಿ ಸೇರಿದಂತೆ ಗ್ರಾಮ ಪಂಚಾಯಿತಿ ಸಿಬ್ಬಂದಿ ವರ್ಗದವರು ಉಪಸ್ಥಿತರಿದ್ದರು.