ಹಾವೇರಿ 02 : ಹಾವೇರಿ ಜಿಲ್ಲಾ ಕೈಗಾರಿಕಾ ಸರಬರಾಜು ಮತ್ತು ಮಾರಾಟ ಸಹಕಾರ ಸಂಘ(ಡಿ ಎಸ್ ಎಮ್ ಎಸ್)ಯ ಐದು ವರ್ಷಗಳ ಅವಧಿಯ ನೂತನ ಅಧ್ಯಕ್ಷರಾಗಿ ಸಂಜೀವಕುಮಾರ ನೀರಲಗಿ ಅವರು ಅವಿರೋಧವಾಗಿ ಆಯ್ಕೆಯಾದರು. ಉಪಾಧ್ಯಕ್ಷರಾಗಿ ಚಂದ್ರಶೇಖರ ಮಂಚಿ, ನೂತನ ಆಡಳಿತ ಮಂಡಳಿಯ ನಿರ್ದೇಶಕರಾಗಿ ಹನುಮಂತಪ್ಪ ಜೋಗಾರ, ಗಣೇಶಪ್ಪ ಶೆಟ್ಟಿಕೇರಿ, ಸುಮಂಗಲಾ ಹೆಸರೂರ, ಶಶಿಕಲಾ ಶೇಷಗಿರಿ, ಶಿವಪ್ರಕಾಶ ಹಿರೇಮಠ, ಮಂಜುನಾಥ ಮಂಚಾನನ, ಗಣೇಶ ಬಂಕಾಪುರ,ಭರಮಪ್ಪ ನವಲಗುಂದ,ವಿರುಪಾಕ್ಷಪ್ಪ ನರಗುಂದ, ಷಣ್ಮುಖಪ್ಪ ಕಠಾರಿ, ವಿಶ್ವನಾಥ ಟಿ.ಪಿ ಅವಿರೋಧವಾಗಿ ಆಯ್ಕೆಯಾದರು. ನೂತನ ಪದಾಧಿಕಾರಿಗಳನ್ನು ಗೌರವಿಸಿ ಸನ್ಮಾನಿಸಲಾಯಿತು. ಸರ್ವ ಸದಸ್ಯರುಗಳು, ಹಿತೈಷಿಗಳು ಶುಭಾಶಯಗಳನ್ನು ಕೋರಿದ್ದಾರೆ. ಚುನಾವಣಾ ಅಧಿಕಾರಿಗಳಾಗಿ ಸಹಕಾರ ಸಂಘಗಳ ಸಹಾಯಕ ನಿಬಂಧಕರಾದ ಎಸ್‌.ಜಿ.ಸುಣಗಾರ ಕಾರ್ಯ ನಿರ್ವಹಿಸಿದರು.