ಹಾನಗಲ್ 16 :ಜನಸಾಮಾನ್ಯರಿಗೆ ಸರ್ಕಾರದ ಯೋಜನೆ, ಕಾರ್ಯಕ್ರಮ ತಲುಪುವಲ್ಲಿ ಸರ್ಕಾರಿ ನೌಕರರ ಪಾತ್ರ ಅತ್ಯಂತ ಮಹತ್ವದ್ದಾಗಿದೆ ಎಂದು ಶಾಸಕ ಶ್ರೀನಿವಾಸ ಮಾನೆ ಹೇಳಿದರು. ಇಲ್ಲಿನ ತಮ್ಮ ಜನಸಂಪರ್ಕ ಕಚೇರಿಯಲ್ಲಿ ಕರ್ನಾಟಕ ರಾಜ್ಯ ಸರ್ಕಾರಿ ನೌಕರರ ಸಂಘದ ದಿನದರ್ಶಿಕೆ ಬಿಡುಗಡೆಗೊಳಿಸಿದ ಅವರು ಸಾರ್ವಜನಿಕ ಸೇವೆಯಲ್ಲಿ ನಂಬಿಕೆ, ಪ್ರಾಮಾಣಿಕತೆ ಮತ್ತು ಮಾನವೀಯತೆಗಳನ್ನು ಉಳಿಸಿಕೊಳ್ಳುವ ಅನಿವಾರ್ಯತೆ ಸೃಷ್ಟಿಯಾಗಿದೆ. ನೌಕರರು ಇನ್ನಷ್ಟು ಪರಿಣಾಮಕಾರಿಯಾಗಿ ಸರ್ಕಾರದ ಯೋಜನೆ, ಕಾರ್ಯಕ್ರಮಗಳನ್ನು ಸಮಾಜದ ಕಟ್ಟ ಕಡೆಯ ವ್ಯಕ್ತಿಗೂ ಸಹ ತಲುಪಿಸುವಲ್ಲಿ ಶ್ರಮ ವಹಿಸಬೇಕಿದೆ ಎಂದು ಹೇಳಿದ ಅವರು ಸರ್ಕಾರ ಮತ್ತು ನೌಕರರ ನಡುವೆ ಸೌಹಾರ್ದತೆಯ ಸಂಬಂಧಕ್ಕೆ ಸಂಘ ಸೇತುವೆಯಾಗಿದೆ ಎಂದರು. 

ಸಂಘದ ತಾಲೂಕಾಧ್ಯಕ್ಷ ಗುರುನಾಥ ಗವಾಣಿಕರ, ರಾಜ್ಯ ಪರಿಷತ್ ಸದಸ್ಯ ಪರಮೇಶ್ವರ ಗಾಡಿಹುಚ್ಚನವರ, ಪದಾಧಿಕಾರಿಗಳಾದ ಬಸವರಾಜ ದಿಡಗೂರ, ಬಸವರಾಜ ಕುಂಚೂರ, ಹೊನ್ನಪ್ಪ ಬಾರ್ಕಿ, ಎಂ.ಎಫ್‌.ಬಿಂಗಿ, ಗಂಗಾಧರ ವಡ್ಡರ, ಎ.ಪಿ.ಸುಗಂಧಿ, ಸದ್ದಾಂಹುಸೇನ್ ಜಾನ್ವೇಕರ, ಶ್ರೀಕಾಂತ ಹೊಸಮನಿ, ವೀರ​‍್ಪ ಕರೆಗೊಂಡರ, ಖಂಡಪ್ಪ ಸಮ್ಮರ್ಗಿ, ಬಸವರಾಜ ಕರೆಪ್ಯಾಟಿ ಸೇರಿದಂತೆ ಅನೇಕರಿದ್ದರು.