ರಾಣಿಬೆನ್ನೂರು:8 ಸಂತ ಶ್ರೇಷ್ಠ ಕನಕದಾಸರು ಕೀರ್ತಿನೆಗಳ ಮೂಲಕ ಸಮ ಸಮಾಜ ನಿರ್ಮಾಣಕ್ಕೆ ಶ್ರಮಿಸಿದರು ಎಂದು   ಪ್ರಾಚಾರ್ಯ ಕೆ. ಹಳದಪ್ಪ ಹೇಳಿದರು.  ಶನಿವಾರ ನಗರದ ಪಿ ಬಿ. ರಸ್ತೆಯಲ್ಲಿರುವ ಹೊಸಮನಿ ಸಿದ್ದಪ್ಪ ಪದವಿ ಪೂರ್ವ ಕಾಲೇಜಿನಲ್ಲಿ ನಡೆದ  ಕನಕದಾಸರ ಜಯಂತಿ ಉದ್ಘಾಟಿಸಿ ಅವರು ಮಾತನಾಡಿದರು. ಕನಕದಾಸರ ಸಾಹಿತ್ಯ,ಕೀರ್ತನೆ, ಗೀತೆಗಳು ಜ್ಞಾನದ ಅಗರವಿದ್ದಂತೆ ಮತ್ತು ಸತ್ಯದ ಅರಿವು ಮೂಡಿಸುವ ಕೃತಿಗಳಾಗಿದ್ದವು ಅಲ್ಲದೆ 16ನೇ ಶತಮಾನದಲ್ಲಿ ಜಾತಿ ವ್ಯವಸ್ಥೆಯ ವಿರುದ್ಧ ಹೋರಾಡಿ ಸಮಾಜದ ಅಂಕಡೊಂಕುಗಳನ್ನು ತಿದ್ದಲು ಪ್ರಯತ್ನಿಸಿದರು. ಎಲ್ಲರೂ ಸಮಾನರು, ಪ್ರೀತಿ, ಸಹನೆ, ಮಮತೆ ಸಹಕಾರದಿಂದ ಜೀವನ ನಡೆಸಿದಲ್ಲಿ ನೆಮ್ಮದಿ ಕಾಣಲು ಸಾಧ್ಯ ಎಂದರು.   ಭೂಗೋಳ ಶಾಸ್ತ್ರದ ಉಪನ್ಯಾಸಕ ಹೆಚ್‌.ಶಿವಾನಂದ,  ಉಪನ್ಯಾಶಕ ರೇವಣ್ಣನಾಯಕ. ಪಿ.ಟಿ, ಡಾಽ ಹೆಚ್‌. ಓಂಕಾರನಾಯ್ಕ, ಆಶಾ ಆರ್, ಪ್ರವೀಣ ಪಾಟೀಲ್,ಆನಂದ ಕೆ.ಇ, ಭಾಗ್ಯಹರೀಶ.ಬ್ಯಾಡಗಿ ಸೇರಿದಂತೆ ಸಿಬ್ಬಂದಿ ವರ್ಗ ಹಾಗೂ ನೂರಾರು ವಿದ್ಯಾರ್ಥಿಗಳು ಇದ್ದರು.