ಹಾವೇರಿ: ಬೃಹತ್ ಸಿದ್ಧಚಕ್ರ ಮಹಾಮಂಡಲ ವಿಧಾನ ಮಹೋತ್ಸವ ಸಮಿತಿ ಹಾಗೂ  ಹಾವೇರಿಯ ಭಗವನಾ ಶ್ರೀ 1008 ನೇಮಿನಾಥ ದಿಗಂಬರ ಜೈನ ಮಂದಿರ ಕಮೀಟಿ  ಸಹಯೋಗದಲ್ಲಿ ಬೃಹತ್ ಸಿದ್ಧಚಕ್ರ ಮಹಾಮಂಡಲ ವಿಧಾನ ಮಹೋತ್ಸವ ಚರ್ಯಾಶಿರೋಮಣಿ ಪರಮಪೂಜ್ಯ ಮುನಿಶ್ರೀ 108 ವಿದಿತಸಾಗರ ಮಹಾರಾಜರ ದಿವ್ಯ  ಸಾನಿಧ್ಯದಲ್ಲಿ ಇಂದು ಹಾವೇರಿ ನಗರದ ರಜನಿ ಸಭಾಂಗಣದಲ್ಲಿ ಶುಕ್ರವಾರ  ಚಾಲನೆ ನೀಡಲಾಯಿತು. 

ಮಂಗಲಸ್ತುತಿ, ಜಲಾಭಿಷೇಕ, ಗಂಧಾಭಿಷೇಕ, ಪುಷ್ಪವೃಷ್ಠಿ, ಬೃಹತ್ ಶಾಂತಿಧಾರೆ. ಧ್ವಜಾರೋಹಣ, ಘಟಯಾತ್ರೆ, ಮಂಟಪ ಉದ್ಘಾಟನೆ, ಮಂಡಲ ಶುದ್ಧಿ, ವಿಧಾನ ಕ್ಷೇತ್ರ ಶುದ್ಧಿ, ಪ್ರತಿಷ್ಠಾಚಾರ್ಯರ ನಿಮಂತ್ರಣ, ಮಂಗಲ ಕಲಶ ಸ್ಥಾಪನೆ, ನಿತ್ಯಪೂಜೆ, ದೇವಶಾಸ್ತ್ರ ಗುರುಪೂಜೆ ನಂತರ ಬೃಹತ್ ಶ್ರೀ ಸಿದ್ಧಚಕ್ರ ಮಹಾಮಂಡಲ ವಿಧಾನೆ ಪ್ರಾರಂಭವಾಯಿತು. ಬೃಹತ್ ಸಿದ್ಧಚಕ್ರ ಮಹಾಮಂಡಲ ವಿಧಾನ ಮಹೋತ್ಸವ ಆರಾಧನೆಯಲ್ಲಿ 600ಕ್ಕೂ ಅಧಿಕ ಶ್ರಾವಕ ಮತ್ತು ಶ್ರಾವಕಿಯರು  ಭಕ್ತಿಭಾವದಿಂದ ಪಾಲ್ಗೊಂಡಿದ್ದರು.  

ಪ್ರತಿಷ್ಠಾಚಾರ್ಯರಾದ ಪ್ರತಿಮಾಧಾರಿ  ಸದಲಗಾದ ಮಾಣಿಕ ಶ್ರೀಪಾಲ ಚಂದಗಡೆ ಸದಲಗಾ ಮತ್ತು ಪ್ರತಿಮಾಧಾರಿಗಳಾದ  ಹಾರೋಗೇರಿಯ ಸಿದ್ದಗೌಡ ಪಾಟೀಲ, ಬ್ರ. ಸಾಧನಾ ದೀದಿ, ಬಾಲ ಬ್ರಹ್ಮಚಾರಿ ಮಹಾವೀರ ಭಯ್ಯಾಜಿ ಹಾಗೂ ಬ್ರ. ಜಯಕುಮಾರ ಭಯ್ಯಾಜಿ,  ಬೆಳ್ತಂಗಡಿಯ ಜಿನೇಂದ್ರ ಬಂಗ  ಅವರುಗಳ, ಪ್ರತಿಮಾಧಾರಿಗಳು ಉಪಸ್ಥಿತರಿದ್ದರು.