ಬಳ್ಳಾರಿ  27: ಜನಸಿರಿ ಫೌಂಡೇಷನ್ (ರಿ) ‘ಪ್ರಾಮಾಣಿಕ ಮನಸುಗಳ ಸಂಗಮ’ ಬೆಂಗಳೂರು ಹಾಗೂ ಜಿಲ್ಲಾ ಘಟಕ ಬಳ್ಳಾರಿಯ ವತಿಯಿಂದ ಕುರುಗೋಡು ಆರಕ್ಷಕ ಇಲಾಖೆಯ ಪೊಲೀಸ್ ಅಧಿಕಾರಿ ಸುಪ್ರಿತ್ ವಿರುಪಾಕ್ಷಪ್ಪ ಅವರ ದಕ್ಷ, ಪ್ರಾಮಾಣಿಕ ಸೇವಾಡಳಿತವನ್ನು ಗುರುತಿಸಿ 2025ರ ರಾಜ್ಯ ಮಟ್ಟದ ‘ಕರ್ನಾಟಕ ಆರಕ್ಷಕ ಸೇವಾ ರತ್ನ’ ಪ್ರಶಸ್ತಿ ಪ್ರದಾನಿಸಲಾಯಿತು. ಜೊತೆಗೆ ಮಿಡಿದ ಭಾವ ಕೃತಿಯನ್ನೂ ಉಡುಗೊರೆಯಾಗಿ ನೀಡಲಾಯಿತು.ಈ ಕಾರ್ಯಕ್ರಮವು ಜನಸಿರಿ ಸಂಸ್ಥೆಯ ಬಳ್ಳಾರಿ ಜಿಲ್ಲಾಧ್ಯಕ್ಷ ಗಿರಿಯಪ್ಪ ಕೆ ಅವರ ಸಮ್ಮುಖದಲ್ಲಿ ನಡೆಯಿತು. ಈ ವೇಳೆ ಮುಖಂಡ ಅಂಜಿನಪ್ಪ, ಸಮಾಜ ಸೇವಕರು ಮೇಘರಾಜ, ಕುರುಗೋಡು ರಮೇಶ್, ಎಸ್‌.ದೊಡ್ಡಬಸಪ್ಪ, ಗೋವಿಂದ, ಮಂಜುನಾಥ, ಎಸ್‌. ಈರ​‍್ಪ, ರಾಮಣ್ಣ ಸೇರಿದಂತೆ ಅನೇಕ ಗಣ್ಯರು ಆಗಮಿಸಿದ್ದು ಗೌರವಪೂರ್ವಕವಾಗಿ ಪ್ರಶಸ್ತಿ ಮುಡಿಗೆರಿಸಿದರು.