ಲೋಕದರ್ಶನ ವರದಿ 

ವಿಜಯಪುರ   05: ನಗರದ ಬಿ. ಎಲ್‌. ಡಿ. ಇ ಸಂಸ್ಥೆಯ ಶ್ರೀ ಬಿ. ಎಂ. ಪಾಟೀಲ್ ಪಬ್ಲಿಕ್(ಸಿ.ಬಿ.ಎಸ್‌.ಇ) ಶಾಲೆಯಲ್ಲಿ ದಿನವನ್ನು ಅರ್ಥಪೂರ್ಣವಾಗಿ ಆಚರಿಸಲಾಯಿತು. ಶಾಲೆಯ ಉದ್ಯಾನದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ತರಗತಿವಾರು ಎಲ್ಲ ವಿದ್ಯಾರ್ಥಿಗಳು ಸಸಿಗಳ ಮುಂದೆ ತಮ್ಮ ಹೆಸರುಗಳನ್ನು ನೆಡುವ ಮೂಲಕ ಪರಿಸರ ಪ್ರೀತಿ ತೋರಿದರು. ಈ ಸಂದರ್ಭದಲ್ಲಿ ಮಾತನಾಡಿದ ಶಾಲೆಯ ಉಪಪ್ರಾಚಾರ್ಯೆ ವಸುಧಾ ನಾರ್ವೇಕರ, ಪರಿಸರ ಮಾಲಿನ್ಯದಿಂದ ಜಾಗತಿಕವಾಗಿ ಎದುರಾಗಿರುವ ಹವಾಮಾನ ವೈಪರಿತ್ಯ ಮತ್ತು ಅದರ ದುಷ್ಪರಿಣಾಮಗಳ ಕುರಿತು ಮಾಹಿತಿ ನೀಡಿದರು.  ಅಲ್ಲದೇ, ಸಸಿ ನೆಡುವ ಮೂಲಕ ಎಲ್ಲರೂ ಪರಿಸರ ಸಂರಕ್ಷಣೆಯಲ್ಲಿ ಪಾಲ್ಗೋಳ್ಳಬೇಕು ಎಂದು ತಿಳಿಸಿದರು. ವಿದ್ಯಾರ್ಥಿಗಳು ಪರಿಸರ ಗೀತೆ ಹಾಡಿದರು. 

ಏಳನೇ ತರಗತಿ ವಿದ್ಯಾರ್ಥಿಗಳು ಕಾಡು ರಕ್ಷಣೆ ಕುರಿತು ರೂಪಕ ಪ್ರದರ್ಶಿಸಿದರು.  ಒಂಬತ್ತನೆಯ ತರಗತಿಯ ವಿದ್ಯಾರ್ಥಿನಿಯರಾದ ಐಶಾ ಸೌದಾಗರ, ಹೀನಲ ಚೋಪ್ರಾ ಪರಿಸರ ಜಾಗೃತಿಯ ಕುರಿತು ಮಾತನಾಡಿದರು. ಈ ವೇಳೆ ಸಾಂಸ್ಕೃತಿಕ ಕಾರ್ಯ ಸಂಯೋಜಕಿ ಫರಾ ಜಹಾಗೀರದಾರ ಮತ್ತು ಶಿವಾನಿ ಪರಿಸರದ ರಕ್ಷಣೆ ಪ್ರತಿಜ್ಞಾವಿಧಿ ಬೋಧಿಸಿದರು.  ವಿಜ್ಞಾನ ಶಿಕ್ಷಕಿಯರಾದ ಗಂಗಾಂಬಿಕಾ ಪಾಟೀಲ್ ಹಾಗೂ ಶೋಭಾ ಬಗಲಿ ಇವರು ಕಾಡುಗಳ ಕೊಡುಗೆ ಮತ್ತು ಅವುಗಳನ್ನು ಬೆಳೆಸುವ ಉದ್ದೇಶ ಜೀವ ಸಂಕುಲಗಳ ಮಹತ್ವ ಪರಿಸರ ಸಮತೋಲನವನ್ನು ಕಾಯ್ದುಕೊಳ್ಳುವ ಬಗೆಯನ್ನು ಮಕ್ಕಳಿಗೆ ಮನನವಾಗುವಂತೆ ತಿಳಿಸಿದರು. ಈ ಸಂದರ್ಭದಲ್ಲಿ ವಿಜ್ಞಾನ ಶಿಕ್ಷಕಿ ಗಂಗಾಂಬಿಕಾ ಪಾಟೀಲ, ಶೋಭಾ ಬಗಲಿ, ಬೋಧಕ ಮತ್ತು ಬೋಧಕರ ಹೊರತಾದ ಸಿಬ್ಬಂದಿ ಹಾಗೂ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು