ಕ್ರೀಡೆಯಿಂದ ಮಕ್ಕಳಿಗೆ ಸದೃಢ ದೇಹದಲ್ಲಿ ಸದೃಢ ಮನಸ್ಸು ಇರಲು ಸಾಧ್ಯ   

ಕಾಗವಾಡ 02:ಕಲಿಕೆ ಜೊತೆಗೆ ಮಕ್ಕಳಿಗೆ ಕ್ರೀಡೆಯಲ್ಲಿ ಭಾಗವಹಿಸಬೇಕು ಆಗ ಮಾತ್ರ ಸದೃಢ ದೇಹದಲ್ಲಿ ಸದೃಢ ಮನಸ್ಸು ಇರಲು ಸಾಧ್ಯವಾಗುತ್ತದೆ ಎಂದು ಕವಗುಡ್ಡದ  ಸಿದ್ಧಯೋಗಿ ಅಮರೇಶ್ವರ ಮಹಾರಾಜರು ಹೇಳಿದರು.ಅವರು ಸೋಮವಾರ ಕವಲಗುಡ್ಡ ಗ್ರಾಮ ಸಿದ್ಧರತ್ನ ಪ್ರೌಢ ಶಾಲೆಯಲ್ಲಿ ಆರಂಭವಾದ ತಾಲ್ಲೂಕು ಮಟ್ಟದ ಕುಸ್ತಿ ಹಾಗೂ ಕರಾಟೆ ಪಂದ್ಯಾವಳಿಗಳನ್ನು ಉದ್ಘಾಟಿಸಿ ಮಾತನಾಡಿ ಇಂದಿನ ದಿನಗಳಲ್ಲಯ ಆರೋಗ್ಯವಂತ ಸಮಾಜದ ನಿರ್ಮಾಣ ಆಗಬೇಕಾದರೆ ಶಾಲಾ ಮಕ್ಕಳಿಗೆ ಕಲಿಕೆಯ ಜೊತೆಗೆ ಕ್ರೀಡೆಯಲ್ಲಿ ಪಾಲ್ಗೊಳ್ಳಲು ಪಾಲಕರು ಹಾಗೂ ಶಿಕ್ಷಕರು ಪ್ರೋತ್ಸಾಹ ನೀಡಬೇಕು ಅದರಲ್ಲೂ ದೇಶಿ ಕ್ರೀಡೆಯಾದ ಕಬ್ಬಡ್ಡಿ ಆಟ ದೈಹಿಕವಾಗಿ ಮಾನಸಿಕ ಬೆಳವಣಿಗೆ ಉತ್ತೇಜನ ನೀಡುತ್ತದೆ ಎಂದು ಹೇಳಿದರು.ಎರಡು ದಿನಗಳ ಕಾಲ ನಡೆದ ಪಂದ್ಯವಾಳಿಗಳಲ್ಲಿ ತಾಲ್ಲೂಕಿನ ವಿವಿಧ ಶಾಲೆಗಳ ಸುಮಾರು 110 ವಿಧ್ಯಾರ್ಥಿಗಳು ಭಾಗವಹಿಸಿದರು.   ಕ್ಷೇತ್ರ ಶಿಕ್ಷಣಾಧಿಕಾರಿಗಳ ಪಿ ಬಿ ಮಧಬಾವಿ ದೈಹಿಕ ಶಿಕ್ಷಣ ಪರೀವೀಕ್ಷಕ ಎಮ್ ವಾಯ್ ಪೂಜಾರಿ, ಶಿಕ್ಷಣ ಸಂಯೋಜಕ ಎಸ್ ಆರ್ ಮಾಳಿ,ಬಂಡು ಜಗತಾಪ,ಎಸ್ ಪಿ ಸಂಬೋಜಿ,ಬಿ ಎ ಮೇಂಡಿಗೇರಿ ಹಾಗೂ ಗ್ರಾಮ ಪಂಚಾಯಿತಿ ಸದಸ್ಯರು ತಾಲೂಕಿನ ಎಲ್ಲಾ ದೈಹಿಕ ಶಿಕ್ಷಕರು ಇದ್ದರು.ಕಾರ್ಯಕ್ರಮವನ್ನು ಅಶ್ವಥ ಪೂಜಾರಿ ನಿರೂಪಿಸಿದರು ಮುಖ್ಯೋಪಾಧ್ಯಾಯ ಎಸ್ ಎಮ್ ಲಾಳಿ ಸ್ವಾಗತಿಸಿದರು ದೈಹಿಕ ಶಿಕ್ಷಕ ಕಿರಣ ಪಾಟೀಲ ವಂದಿಸಿದರು. 

ಫೋಟೋ ಶೀರ್ಷಿಕೆ:02 ಕಾಗವಾಡ-1 ಕಾಗವಾಡ ತಾಲ್ಲೂಕಿನ ಕವಲಗುಡ್ಡ ಗ್ರಾಮದ ಸಿದ್ಧರತ್ನ ಪ್ರೌಢ ಶಾಲೆಯಲ್ಲಿ ತಾಲ್ಲೂಕು ಮಟ್ಟದ ಕುಸ್ತಿ ಪಂದ್ಯಾವಳಿಯನ್ನು ಸಿದ್ಧಯೋಗಿ ಅಮರೇಶ್ವರ ಮಹಾರಾಜರು ಉದ್ಘಾಟಿಸಿದರು. ಬಿಇಒ ಪಿ ಬಿ ಮಧಬಾವಿ ಇದ್ದರು.