ಹಾವೇರಿ ಜ. 12:  ಪ್ರಧಾನ ಮಂತ್ರಿ ಯುವ ಸಮೂಹದಲ್ಲಿ ಕ್ರೀಡಾ ಸ್ಫೂರ್ತಿ ನೀಡಲು ವಿವಿಧ ಕ್ರೀಡಾಕೂಟಗಳನ್ನು  ಆಯೋಜಿಸುತ್ತಿದ್ದಾರೆ. ನಮ್ಮ ಯುವ ಶಕ್ತಿ  ದೇಶ ಕಟ್ಟಲು, ವಿಜ್ಞಾನ ದಲ್ಲಿ  ಮುಂದೆ ಹೋಗಲು ವಿಶ್ವ ವಿಖ್ಯಾತರಾಗಲು ಅವಕಾಶ ಮಾಡಿಕೊಟ್ಟಿದ್ದಾರೆ.  ಕ್ರೀಡೆಗೆ ಬೇಕಾದ ಎಲ್ಲ ಸೌಲಭ್ಯ ನೀಡಲಾಗುತ್ತಿದೆ  ಎಂದು ಮಾಜಿ ಮುಖ್ಯ  ಮಂತ್ರಿಗಳು ಹಾಗೂ ಸಂಸದರಾದ   ಬಸವರಾಜ ಬೊಮ್ಮಾಯಿ ಅವರು  ಹೇಳಿದರು. 

             ನಗರದ ಹೊಸಮನಿ ಸಿದ್ದಪ್ಪ ಜಿಲ್ಲಾ ಕ್ರೀಡಾಂಗಣದಲ್ಲಿ ರವಿವಾರ ಹಮ್ಮಿಕೊಂಡಿದ್ದ ಹಾವೇರಿ ವಿಧಾನಸಭಾ ಕ್ಷೇತ್ರದ ಹಾವೇರಿ ಸಂಸದರ ಕ್ರೀಡಾ ಮಹೋತ್ಸವ ಕಾರ್ಯಕ್ರಮ ಉದ್ಘಾಟಿಸಿ, ಕ್ರೀಡಾ ಧ್ವಜಾರೋಹಣ ನೆರವೇರಿಸಿ, ಕ್ರೀಡಾ ಜ್ಯೋತಿ ಸ್ವೀಕರಿಸಿ  ಅವರು ಮಾತನಾಡಿದರು. ದೈಹಿಕವಾಗಿ ಶಕ್ತಿ ಶಾಲಿಯಾಗಲೂ ಕ್ರೀಡೆಗಳನ್ನು ಆಯೋಜಿಸಲಾಗುತ್ತಿದೆ. ಜಿಲ್ಲಾ ಕೇಂದ್ರ ಹಾಗೂ ಲೋಕ ಸಭಾ ಕ್ಷೇತ್ರ ವ್ಯಾಪ್ತಿಯ ಎಲ್ಲ ತಾಲೂಕುಗಳಲ್ಲಿ ಕ್ರೀಡಾ ಮಹೋತ್ಸವ ಹಮ್ಮಿಕೊಳ್ಳಲಾಗಿದೆ.   ಭಾರತ ದೊಡ್ಡ ಜನಸಂಖ್ಯೆ ಇರುವ ದೇಶ. ಅತಿ ಹೆಚ್ಚು ಯುವ ಜನತೆ ಇರುವ ದೇಶ ಭಾರತ. ಯುವ ಶಕ್ತಿಯನ್ನು ದೇಶ ಕಟ್ಟಲು ಸದ್ಬಳಕೆ ಮಾಡಬೇಕು ಎಂದು ಹೇಳಿದರು. ಮಾನ್ಯ ಮೋದಿ ಅವರು ಅಸಾಧ್ಯ ಎಂಬುದನ್ನು ಸಾಧ್ಯ ಮಾಡಿ ತೋರಿಸಿದ್ದಾರೆ. 25 ಕೋಟಿ ಜನರ ಬಡತನ ನಿರ್ಮೂಲನೆ ಮಾಡಿದ್ದಾರೆ.  

             ಜಿಲ್ಲಾಧಿಕಾರಿ ಡಾ. ವಿಜಯಮಾಹಂತೆ ದಾನಮ್ಮನವ ಮಾತನಾಡಿ,ಪ್ರತಿಯೊಬ್ಬ ಮನುಷ್ಯನ ಆರೋಗ್ಯ ಬಹಳ ಮುಖ್ಯವಾಗಿದೆ. ಮನುಷ್ಯ ಸದೃಢವಾಗಿ ಆರೋಗ್ಯವಾಗಿದ್ದರೆ ಮಾತ್ರ ಎಲ್ಲ ಸಂಪತ್ತು ಗಳಿಸಬಹುದು. ಹಾಗಾಗಿ ಆರೋಗ್ಯ ಸಂಪತ್ತು ಬಹಳ ಮುಖ್ಯ. ಗ್ರಾಮೀಣ ಕ್ರೀಡೆ ಉಳಿಸಿ ಬೆಳೆಸುವ ಜವಾಬ್ದಾರಿ ಮಹತ್ವವಾಗಿದೆ. ಕ್ರೀಡೆ, ವ್ಯಾಯಾಮ  ಚಟುವಟಿಕೆ ನಿರಂತರವಾಗಿ  ಜೀವನದಲ್ಲಿ   ಎಂದು ಸಲಹೆ ನೀಡಿದರು.ಮಾಜಿ ಶಾಸಕ ವಿರೂಪಾಕ್ಷಪ್ಪ ಬಳ್ಳಾರಿ ಪ್ರಾಸ್ತಾವಿಕವಾಗಿ ಮಾತನಾಡಿ, ಐದು ಮತ ಕ್ಷೇತ್ರಗಳಲ್ಲಿ ಕ್ರೀಡೆ ಆಯೋಜನೆ ಮಾಡಿದ್ದೇವೆ. ಸೋಲು ಗೆಲುವು ನೋಡದೆ ಕ್ರೀಡಾ ಮನೋಭಾವನೆಯಿಂದ  ಭಾಗವಹಿಸಬೇಕು ಎಂದರು.

           ಕ್ರೀಡಾ ಇಲಾಖೆ  ಸಹಾಯಕ ನಿರ್ದೇಶಕಿ  ಶ್ರೀಮತಿ ಲತಾ ಕ್ರೀಡಾ ಪ್ರತಿಜ್ಞಾ ವಿಧಿ ಭೋದಿಸಿದರು.ಕಾರ್ಯಕ್ರಮದಲ್ಲಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಶ್ರೀಮತಿ ಯಶೋಧಾ ವಂಟಗೋಡಿ,ಅಪರ ಜಿಲ್ಲಾಧಿಕಾರಿ ಡಾ. ನಾಗರಾಜ, ಜಿ. ಪಠ ಉಪ ಕಾರ್ಯದರ್ಶಿ ಡಾ. ಪುನೀತ, ಬಿ ಇ ಓ ಎಂ ಎಚ್ ಪಾಟೀಲ, ಮಾಜಿ ಸಚಿವ ಬಿಸಿ ಪಾಟೀಲ, ಮಾಜಿ ಶಾಸಕರಾದ ಅರುಣಕುಮಾರ ಪೂಜಾರ, ಶಿವರಾಜ ಸಜ್ಜನರ,ಭರತ ಬೊಮ್ಮಾಯಿ, ಕಿರಣ ಕೊಳ್ಳಿ,  ಮಾರುತಿ ಗೊರವರ, ಮುರಿಗೆಪ್ಪ ಶೆಟ್ಟರ್ ಇತರರು ಉಪಸ್ಥಿತರಿದ್ದರು.