ಹಾವೇರಿ 16 : ನಗರದ ಹೊಸಮನಿ ಸಿದ್ದಪ್ಪ ಜಿಲ್ಲಾ ಕ್ರೀಡಾಂಗಣದಲ್ಲಿ ರವಿವಾರ ಹಾವೇರಿ-ಗದಗ ಲೋಕಸಭಾ ಸಂಸದರಾದ ಬಸವರಾಜ ಬೊಮ್ಮಾಯಿಯವರು ಆಯೋಜಿಸಿದ್ದ ಹಾವೇರಿ ವಿಧಾನಸಭಾ ಕ್ಷೇತ್ರದ ತಾಲೂಕು ಮಟ್ಟದ ಸಂಸದರ ಕ್ರೀಡಾ ಮಹೋತ್ಸವದ ಹಗ್ಗ ಜಗ್ಗಾಟ ಸ್ಫರ್ಧೆಯಲ್ಲಿ ಲಕ್ಷ್ಮೀಪ್ರಭಾ ಎಸ್ ಹುಲ್ಲೂರು ನೇತೃತ್ವದ ತಂಡ ಪ್ರಥಮ ಸ್ಥಾನಗಳಿಸಿತು.ಹಗ್ಗ ಜಗ್ಗಾಟ ಸ್ಫರ್ಧೆಯ ವಿಜೇತ ತಂಡದಲ್ಲಿ ಲಕ್ಷ್ಮೀಪ್ರಭ ಎಸ್ ಹುಲ್ಲೂರು, ಪ್ರೇಮಾ ತಹಶೀಲ್ದಾರ್, ಸುಧಾ ಮಣ್ಣನ್ನವರ, ರೇಖಾ ಜಂಗಳಿ, ಸುನೀತಾ ಪಿ. ಗುಬ್ಬೇರ, ಸಿದ್ದಮ್ಮ ಪಾಟೀಲ, ಪೂಜಾ ವಾಲಿ, ಶೃತಿ ಪಂಪಣ್ಣನವರ, ಅನಸೂಯಾ ಕೊರಡೂರ, ಬಸಮ್ಮ, ರಹಮತಬಿ ಎನ್ ನೀಲಗಾರ ಇದ್ದರು.ಹಗ್ಗಜಗ್ಗಾಟ ಸ್ಪರ್ಧೆಯ ಪ್ರಥಮ ಸ್ಥಾನ ವಿಜೇತರಿಗೆ ಸಂಸದರಾದ ಬಸವರಾಜ ಎಸ್ ಬೊಮ್ಮಾಯಿ ಪಾರಿತೋಷಕ, ಪದಕ ಹಾಗೂ ಪ್ರಶಸ್ತಿ ಪತ್ರ ವಿತರಿಸಿ ಅಭಿನಂಧಿಸಿದರು. ಈ ಸಂದರ್ಭದಲ್ಲಿ ಜಿಲ್ಲಾ ಯುವ ಸಬಲೀಕರಣ ಹಾಗೂ ಕ್ರೀಡಾ ಇಲಾಖೆಯ ನಿರ್ದೇಶಕಿ ಲತಾ ಬಿ.ಎಚ್, ಹೆಚ್ಚುವರಿ ಪೋಲಿಸ್ ವರಿಷ್ಠಾಧಿಕಾರಿಗಳಾದ ಎಲ್‌.ವೈ ಶಿರಕೋಳ, ಯುವ ಮುಖಂಡ ಭರತ್ ಬೊಮ್ಮಾಯಿ ಸೇರಿದಂತೆ ಇನ್ನಿತರರು ಉಪಸ್ಥಿತರಿದ್ದರು.