ಕ್ರೀಡಾಕೂಟ: ರಾಜ್ಯ ಮಟ್ಟದ ಕುಸ್ತಿ ಸ್ಪರ್ಧೆಗೆ ಕಾರ್ತಿಕ್ ಅಡ್ಡಿ ಆಯ್ಕೆ

ರಾಣೇಬೆನ್ನೂರು  12: ಇಲ್ಲಿನ ಕೆ.ಎಲ್‌.ಇ. ಶಿಕ್ಷಣ ಸಂಸ್ಥೆಯ ರಾಜ  ರಾಜೇಶ್ವರಿ ಸಂ. ಪ. ಪೂರ್ವ ಪ್ರೌಢಶಾಲೆಯ ವಿದ್ಯಾರ್ಥಿ ಕಾರ್ತಿಕ್ ಹನುಮಂತಪ್ಪ ಅಡ್ಡಿ ಈತನು ಇತ್ತೀಚೆಗೆ ನಡೆದ ಜಿಲ್ಲಾ ಮಟ್ಟದ 17ರ ವಯೋಮಾನದ ಕುಸ್ತಿ ಸ್ಪರ್ಧೆಯಲ್ಲಿ ಪ್ರಥಮ ಸ್ಥಾನ ಗಳಿಸಿ, ಮುಂದೆ ನಡೆಯಬಹುದಾದ ರಾಜ್ಯಮಟ್ಟದ ಸ್ಪರ್ಧೆಗೆ ಆಯ್ಕೆಯಾಗಿ ತಾಲೂಕು ಮತ್ತು ಜಿಲ್ಲೆಗೆ ಹಾಗೂ ನಾಡಿಗೆ ಕೀರ್ತಿ ತಂದಿದ್ದಾನೆ.  

2025 ಮತ್ತು 26ನೇ ಸಾಲಿನ ಈ ವಾರ್ಷಿಕ ಕುಸ್ತಿ ಕ್ರೀಡಾಕೂಟವು ಸಾರ್ವಜನಿಕ ಶಿಕ್ಷಣ ಇಲಾಖೆ ಆಯೋಜಿಸಿತ್ತು. ಪ್ರೌಢಶಾಲೆಯಲ್ಲಿ 10ನೇ ತರಗತಿ ಓದುತ್ತಿರುವ ಕ್ರೀಡಾಪಟು ಕಾರ್ತಿಕ್ ಪ್ರಥಮ ಸ್ಥಾನ ಪಡೆದು ಪದವಿ ಪೂರ್ವ ಕಾಲೇಜಿಗೆ ಸಾಧಕ ವಿದ್ಯಾರ್ಥಿಯಾಗಿದ್ದಾನೆ.  

 ರಾಜ್ಯಮಟ್ಟದ ಕುಸ್ತಿ ಸ್ಪರ್ಧೆಗೆ, ಆಯ್ಕೆಯಾಗಿರುವ ಕಾರ್ತಿಕ್ ಅಡ್ಡಿ ಅವರಿಗೆ ಕಾಲೇಜಿನ ಆಡಳಿತ ಮಂಡಳಿ ಕಾರ್ಯಾಧ್ಯಕ್ಷರಾದ ವಿ.ಪಿ.ಲಿಂಗನಗೌಡ್ರು ಅವರು ಅಭಿನಂದಿಸಿ ಸನ್ಮಾನಿಸಿದರು. ಈ ಸಂದರ್ಭದಲ್ಲಿ ಶಾಲೆಯ ಉಪ ಪ್ರಚಾರ ಪಿ. ಪ್ರಹ್ಲಾದ್, ದೈಹಿಕ ಶಿಕ್ಷಕಿ ರೂಪಾ ಕಡೂರ, ಪ್ರಕಾಶ್ ಭೋಸ್ಲೆ ಸೇರಿದಂತೆ ಪ್ರೌಢ ಶಾಲೆಯ ಶಿಕ್ಷಕರು ಸಿಬ್ಬಂದಿ ಉಪಸ್ಥಿತರಿದ್ದರು.