ಹುಬ್ಬಳ್ಳಿ: ಕೇಂದ್ರ ಸರ್ಕಾರ ನರೇಗಾ ಹೆಸರು ಬದಲಿಸಿದ್ದಲ್ಲದೆ, ವಿಕೇಂದ್ರೀಕರಣ ವ್ಯವಸ್ಥೆ ಹಾಳು ಮಾಡಿ ಬಡವರ ಹಕ್ಕು ಕಿತ್ತುಕೊಳ್ಳುವ ಕಾರ್ಯಕ್ಕೆ ಮುಂದಾಗಿದೆ. ಇದನ್ನು ವಿರೋಧಿಸಿ ಶೀಘ್ರವೇ ವಿಶೇಷ ವಿಧಾನಮಂಡಲ ಅಧಿವೇಶನ ಕರೆಯಲಾಗುವುದು ಎಂದು ಸಚಿವ ಎಚ್.ಕೆ.ಪಾಟೀಲ ತಿಳಿಸಿದರು.

ಶುಕ್ರವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು'ಕೇಂದ್ರ ಸರ್ಕಾರ ನರೇಗಾ ಹೆಸರು ಬದಲಿಸಿ ಬಿ.ವಿ. ಜಿ ರಾಮ್ ಜಿ ಹೆಸರಲ್ಲಿ ಜಾರಿಗೆ ಮುಂದಾಗಿದೆ.ಕೇಂದ್ರ ಎನ್ ಡಿಎ ಸರ್ಕಾರ ಕೇಂದ್ರೀಕೃತ ವ್ಯವಸ್ಥೆ ಮೂಲಕ ಗ್ರಾಮೀಣದಲ್ಲಿ ಕೃಷಿ ಹಾಗೂ ಪೂರಕ ಕೆಲಸ ಕಾರ್ಯಗಳನ್ನು ಸ್ಥಗಿತಗೊಳಿಸಿ, ವಿಕಸಿತ ಭಾರತದಡಿ ಕೆಲ ಏಜೆನ್ಸಿ‌ ಮೂಲಕ‌ ಕಾಮಗಾರಿ ಕೈಗೊಳ್ಳುವ. ಹುನ್ನಾರಕ್ಕೆ ಮುಂದಾಗಿದೆ. ಕಾನೂನು ಸಮರ, ಜನಹೋರಾಟ ಕೈಗೊಳ್ಳಲಾಗುವುದು; ಎಂದರು.

'ಕೇಂದ್ರದ ಈ ಯತ್ನದ ವಿರುದ್ದ ವಿಶೇಷ ವಿಧಾನಮಂಡಲ ಅಧಿವೇಶನ ಕರೆಯಲು‌ ಜ.22ರಂದು ನಡೆಯುವ ಸಚಿವ ಸಂಪುಟ ಸಭೆಯಲ್ಲಿ ಚರ್ಚಿಸಿ‌ ತೀರ್ಮಾನ‌ ಕೈಗೊಳ್ಳಲಾಗುವುದು. ಮಾಸಾಂತ್ಯಕ್ಕೆ ವಿಶೇಷ ಅಧಿವೇಶನ ಚಿಂತನೆ ಇದೆ' ಎಂದರು.

'ಬಿಜೆಪಿಯವರು ಪ್ರತಿ ವಿಷಯಕ್ಕೂ ವಿವಾದ ರೂಪ ನೀಡುವ ಕಾರ್ಯ‌ಮಾಡುತ್ತಿದ್ದಾರೆ. ಹುಬ್ಬಳ್ಳಿಯಲ್ಲಿ‌ನಡೆದ ವಿವಸ್ತ್ರ ಪ್ರಕರಣದಲ್ಲಿ‌ ಪೊಲೀಸರು ಕಾನೂನು ರೀತಿ ಕ್ರಮ‌ಕೈಗೊಂಡಿದ್ದಾರೆ' ಎಂದರು.