ಸಂಕೇಶ್ವರ ಸರಕಾರಿ ಆಸ್ಪತ್ರೆಯಲ್ಲಿ ವೈದ್ಯ, ಸಿಬ್ಬಂದಿಗಳ ಅಭಾವ : ರೋಗಿಗಳ ಪರದಾಟ  

ಸಂಕೇಶ್ವರ 08: ಇಲ್ಲಿನ ಸರಕಾರಿ ಆಸ್ಪತ್ರೆಯ ಮೇಲೆ ನೂತನವಾಗಿ ನಿರ್ಮಿಸಿದ ಹೆಚ್ಚುವರಿ ವಾರ್ಡಗಳ ನೂತನ ಕಟ್ಟಡ ಉದ್ಘಾಟನೆ ಆಗುತ್ತಿದೆ. ಆದರೆ ಈ ಸರಕಾರಿ ಆಸ್ಪತ್ರೆಯಲ್ಲಿ ಜನರಲ್ ಮೇಡಿಸಿನ್ (ಒಆ) ವೈದ್ಯ ಹಾಗೂ ಸಿಬ್ಬಂದಿಗಳಿಲ್ಲದೆ ರೋಗಿಗಳು ಪರದಾಡುತ್ತಿದ್ದು, ಇದರಿಂದ ವೈದ್ಯರ ನೇಮಕ ಅತ್ಯವಶ್ಯಕವಾಗಿದೆ.  

       ಹುಕ್ಕೇರಿ ತಾಲೂಕಿನ ಅತಿ ಹೆಚ್ಚಿನ ಗ್ರಾಮಗಳಲ್ಲಿನ ಬಡ ಹಾಗೂ ಮಧ್ಯಮ ವರ್ಗದ ಜನರ ಬಾಳಿಗೆ ಬೆಳಕಾಗಿರುವ ಸಂಕೇಶ್ವರ ಸರಕಾರಿ ಆಸ್ಪತ್ರೆಗೆ ದಿನನಿತ್ಯ ಸಾವಿರಾರು ಜನರು ಚಿಕಿತ್ಸೆಗಾಗಿ ಆಗಮಿಸುತ್ತಾರೆ. ಆದರೆ ಈ ಸರಕಾರಿ ಆಸ್ಪತ್ರೆಯಲ್ಲಿ ಜನರಲ್ ಮೇಡಿಸಿನ್ (ಒಆ) ವೈದ್ಯರ ಕೊರತೆ ಇದೆ. ಒಆ ಇಲ್ಲದೆ ರೋಗಿಗಳು ಇಲ್ಲಿ ಪರದಾಡುವಂತಾಗಿದೆ. ಅಲ್ಲದೆ  ಅಂಗನವಾಡಿ ಕಾರ್ಯಕರ್ತರು ಮಾಹಿತಿ ಸಂಗ್ರಹ ಮಾಡುತ್ತಿದ್ದಾರೆ. ಕಿರಿಯ ಆರೋಗ್ಯ ಮಹಿಳಾ ಸಹಾಯಕಿ (ಚಿಟಿಟ) ಸಿಬ್ಬಂದಿ ಹಾಗೂ ಪ್ರಾಯಮರಿ ಹೆಲ್ಕ್‌ ಕೇರ್ ಆಫೀಸರ್ (ಠಿಛಿಠ) 2 ಸಿಬ್ಬಂದಿ ಸ್ಥಾನಗಳು ಖಾಲಿ ಇವೆ.  

    ಅಲ್ಲದೆ 1 ಹೆಲ್ತ್‌ ಇನ್ಸ್ಪೆಕ್ಟರ್ (ಠ) ಹಾಗೂ 1 ಓಷಧಾಲಯದ ಸಿಬ್ಬಂದಿ ಸ್ಥಾನ ಖಾಲಿ ಇದೆ. ಮತ್ತು 12 ಗ್ರುಪ್ ಡಿ, ಸಿಬ್ಬಂದಿಗಳ ಸ್ಥಾನ ಖಾಲಿ ಇವೆ. ಸರಕಾರಿ ಆಸ್ಪತ್ರೆಯಲ್ಲಿ ಇವೆಲ್ಲ ಸಿಬ್ಬಂದಿಗಳ ಅಭಾವದಿಂದ ಆಸ್ಪತ್ರೆಗೆ ಬರುವ ಸಂಕೇಶ್ವರ ಹಾಗೂ ಸುತ್ತಲಿನ ಗ್ರಾಮಗಳ ಜನರು ಜನರಲ್ ಮೆಡಿಸಿನ್  (ಒಆ) ವೈದ್ಯರಿಲ್ಲದೆ ಹಾಗೂ ವೈದ್ಯಕೀಯ ಸಿಬ್ಬಂದಿಗಳು ಇಲ್ಲದೆ ಪರದಾಡುವಂತಾಗಿದೆ.