ಮಾಂಜರಿ 10: ಚಿಕ್ಕೋಡಿ ಗಡಿಭಾಗದ ಉತ್ತಮ ಹಾಗೂ ಗುಣಮಟ್ಟದ ಶಿಕ್ಷಣಕ್ಕೆ ಹೆಸರುವಾಸಿಯಾದ  ಖಡಕಲಾಟ ಗ್ರಾಮದ, ಪ್ರತಿಷ್ಠಿತ ಶ್ರೀ ಶಿವಬಸವ ಕನ್ನಡ ಮಾಧ್ಯಮ ಶಾಲೆಯು ಈ ವರ್ಷ ಕರ್ನಾಟಕದ ಒನ್ ಆಪ್ ದಿ ಬೇಸ್ಟ ಸ್ಕೂಲ್ ಅನ್ನೊ  ಹೆಗ್ಗಳಿಕೆಯನ್ನು ತನ್ನ ಮಡಿಲಿಗೇರಿಸಿಕೊಂಡಿದೆ. ರಾಜ್ಯದಲ್ಲಿ ಹಲವಾರು ವರ್ಷಗಳಿಂದ ರಾಜ್ಯದ ಅತ್ಯುತ್ತಮ ಗುಣಮಟ್ಟದ ಶಿಕ್ಷಣ ಸಂಸ್ಥೆಗಳನ್ನು ಸರ್ವೆ ಮಾಡುವ ಕರ್ನಾಟಕದ ಪ್ರತಿಷ್ಠಿತ ಚಿತ್ರದುರ್ಗ ಚಿಂತನ ಪ್ರಕಾಶನ ಸಂಸ್ಥೆಯು, ಈ ವರ್ಷದ ತಮ್ಮ ಗುಣಮಟ್ಟದ ಶಾಲೆಯ ಸರ್ವೆ ಕಾರ್ಯಕ್ರಮದ ಅಂಗವಾಗಿ ನಡೆಸಿದ 8, 9 ಮತ್ತು 10ನೇ ವರ್ಗಗಳ ವಿದ್ಯಾರ್ಥಿಗಳ ಲಿಖಿತ ಪರೀಕ್ಷೆಯಲ್ಲಿ ಖಡಕಲಾಟ ಗ್ರಾಮದ ಶ್ರೀ ಶಿವಬಸವ ಶಾಲೆಯಿಂದ ಭಾಗವಹಿಸಿದ 40 ವಿದ್ಯಾರ್ಥಿಗಳಲ್ಲಿಯ ರಾಜ್ಯಮಟ್ಟದಲ್ಲಿ ಇಬ್ಬರು ವಿದ್ಯಾರ್ಥಿಗಳು ಜಿಲ್ಲಾ ಮಟ್ಟದಲ್ಲಿ ಮೂವರು ವಿದ್ಯಾರ್ಥಿಗಳು ಹಾಗೂ ಉಳಿದ 35 ವಿದ್ಯಾರ್ಥಿಗಳು ಅತ್ಯುನ್ನತ ಶ್ರೇಣಿಯಲ್ಲಿ ಉತ್ತೀರ್ಣರಾಗಿ ಈ ಸಲದ ರಾಜ್ಯದ ಒನ್ ಆಪ್ ದಿ ಬೇಸ್ಟ ಸ್ಕೂಲ್ ಎಂಬ ಪ್ರಶಸ್ತಿ ಪಡೆದುಕೊಂಡಿದೆ.  ಇದನ್ನರಿತ ಚಿಂತನಾ ಪ್ರಕಾಶನ ಚಿತ್ರದುರ್ಗರವರು ಸಾಧನೆ ಗೈದ ವಿದ್ಯಾರ್ಥಿಗಳಿಗೆ ಹಾಗೂ ಶಾಲೆಗೆ ಪ್ರಮಾಣ ಪತ್ರ, ಪುರಸ್ಕಾರ ಪದಕಗಳನ್ನು ನೀಡಿ ಗೌರವಿಸಿದ್ದಾರೆ.  ಈ ವಿಷಯವಾಗಿ ಖಡಕಲಾಟ ಭಾಗದ ಪ್ರಜ್ಞಾವಂತ ನಾಗರಿಕರ ಜೊತೆ ರಾಜ್ಯದ ಶಿಕ್ಷಣ ಪ್ರೇಮಿಗಳ ಪ್ರಶಂಸೆಗೆ ಶ್ರೀ ಶಿವಬಸವ ಶಾಲೆ ಪಾತ್ರವಾಗಿದೆ.