ಹುಬ್ಬಳ್ಳಿ  05: ಗಾಮನಗಟ್ಟಿಯ ಭಾರಿ ವಾಹನ ಚಾಲಕರ ಚಾಲನಾ ತರಬೇತಿ ಸಂಸ್ಥೆಯಲ್ಲಿ ರಾಷ್ಟ್ರೀಯ ರಸ್ತೆ ಸುರಕ್ಷತೆ 2026 ಅಂಗವಾಗಿ ರಸ್ತೆ ಸುರಕ್ಷತೆ, ಸಂಚಾರ ನಿಯಮ ಪಾಲನೆ ಹಾಗೂ ಸುರಕ್ಷತಾ ಚಾಲನಾ ಕೌಶಲ್ಯ ಕುರಿತಂತೆ ಸಮಾರಂಭ ಆಯೋಜಿಸಲಾಗಿತ್ತು.  ಶಿಬಿರದಲ್ಲಿ 400 ಕ್ಕೂ ಹೆಚ್ಚು ಚಾಲಕರುಗಳು ಭಾಗವಹಿಸಿದ್ದರು. ಕಾರ್ಯಕ್ರಮದಲ್ಲಿ ಪ್ರಾದೇಶಿಕ ಸಾರಿಗೆ ಅಧಿಕಾರಿ ಶ್ರೀಕಾಂತ ಬಡಿಗೇರ, ಸಂಸ್ಥೆಯ ಪ್ರಾಂಶುಪಾಲರಾದ ರಾಜಗೋಪಾಲ, ಹಿರಿಯ ಮೋಟಾರು ನೀರೀಕ್ಷಕರಾದ ಬಾಲಚಂದ್ರ ತೊಡಲಬಾಗಿ, ಅಪ್ಪಾಸಾಹೇಬ ಬಾಡಗಿ, ಜಿ.ವಿ. ದಿನಮಣಿ, ಶಂಕರ್ ಕಲಾಲ್ ಮತ್ತು ಗೃಹ ರಕ್ಷಕ ದಳದ ಸಿಬ್ಬಂದಿ ಇತರರು ಇದ್ದರು.