ಯರಗಟ್ಟಿ 19: ಸವದತ್ತಿ ತಾಲೂಕಿನ ಮುರಗೋಡ ಹೊಬಳಿಯ ಕೆಲ ಹಳ್ಳಿಗಳನ್ನು ಬೈಲಹೊಂಗಲ ತಾಲೂಕಿಗೆ ಸೇರಿಸದೆ ಯರಗಟ್ಟಿ ತಾಲೂಕಿಗೆ ಸೇರಿಸುವಂತೆ ನ್ಯಾಯವಾದಿ ಸಂಘದಿಂದ ತಹಶೀಲ್ದಾರ ಎಮ್ ವ್ಹಿ ಗುಂಡಪ್ಪಗೋಳ ಮೂಲಕ ಕರ್ನಾಟಕ ಸರ್ಕಾರದ ಮುಖ್ಯ ಕಾರ್ಯದರ್ಶಿ ಮನವಿ ಸಲ್ಲಿಸಿದರು. 

ನ್ಯಾಯವಾದಿ ಸಂಘದ ಅಧ್ಯಕ್ಷ ಎಸ್‌. ಆರ್‌. ರೆಬ್ಬನ್ನವರ ಮಾತನಾಡಿದ ಅವರು ಸವದತ್ತಿ ತಾಲೂಕಿನ ಮೂರಗೋಡ ಹೊಬಳಿಯ ಹಳ್ಳಿಗಳನ್ನು ಬೈಲಹೊಂಗಲ ತಾಲೂಕಿಗೆ ಸೇರಿಸಲು ಕರ್ನಾಟಕ ರಾಜ್ಯ ಪತ್ರದಲ್ಲಿ ಪ್ರಕಟಿಸಿ ಆಕ್ಷೇಪಣೆ ಸಲ್ಲಿಸಲು ಕೇಳಿದ್ದು ಇರುತ್ತದೆ. 

ಮೂರಗೋಡ ಹೊಬಳಿಯ ಗ್ರಾಮಗಳಾದ ಹಲಕಿ, ಹಲಕಿ ತಾಂಡೆ. ತಡಸಲೂರ, ಮಳಗಲಿ, ಹೀರೆಬೂದನೂರ, ಚಕ್ಕಬೂದನೂರ, ಓಬಲದಿನ್ನಿ, ಕುಟ್ರನಟ್ಟಿ, ಚಚಡಿ ಗ್ರಾಮಗಳು ಯರಗಟ್ಟಿ ತಾಲೂಕಿಗೆ ಸಮೀಪದಲ್ಲಿ ಇರುತ್ತವೆ. 

ಈ ಗ್ರಾಮಗಳ ಸಾರ್ವಜನಿಕರು ಈ ಹಿಂದೆ ತಮ್ಮ ಊರುಗಳನ್ನು ಯರಗಟ್ಟಿ ತಾಲೂಕಿಗೆ ಸೇರಿಸಲು ಮಾನ್ಯ ಜಿಲ್ಲಾಧಿಕಾರಿಗಳಿಗೆ ಸಾಕಸ್ಟು ಸಲ ಮನವಿ ಪತ್ರ ಸಲ್ಲಿಸಿರುತ್ತಾರೆ.ಈ ಗ್ರಾಮಗಳ ಸಾರ್ವಜನಿಕರು ಪ್ರತಿದಿನ ತಮ್ಮ ಕೆಲಸಗಳಿಗೆ ಯರಗಟ್ಟಿ ಪಟ್ಟಣಕ್ಕೆ ಬರುತ್ತಾರೆ. ಸದರಿ ಗ್ರಾಮಗಳು ಭೌಗೋಳಿಕವಾಗಿ ಯರಗಟ್ಟಿ ಪಟ್ಟಣಕ್ಕೆ ಸಮೀಪವಾಗಿವೆ ಮತ್ತು ಸಾರಿಗೆ ಸಂಪರ್ಕವು ತುಂಬಾ ಅನೂಕೂಲವಾಗಿದೆ. ಆದ್ದರಿಂದ ಸದರಿ ಗ್ರಾಮಗಳನ್ನು ಯರಗಟ್ಟಿ ತಾಲೂಕಿಗೆ ಸೇರಿಸುವಂತೆ ಆಗ್ರಹಿಸಿದರು.ಈ ವೇಳೆ ಆರ್‌. ಎಸ್‌. ಆಲದಕಟ್ಟಿ, ವ್ಹಿ. ಜಿ. ಬಿರಾದಾರ ಪಾಟೀಲ, ಈರಣ್ಣಾ ಹೊಸಮನಿ ಇದ್ದರು.