ಬೀಳಗಿ 27:  ಪಟ್ಟಣದ ಜ್ಞಾನಯೋಗಿ  ಸಿದ್ದೇಶ್ವರ ಪತ್ತಿನ ಸಹಕಾರ ಸಂಘದ ಕಚೇರಿಯಲ್ಲಿ 77ನೇ ಗಣರಾಜ್ಯೋತ್ಸವದ ಅಂಗವಾಗಿ ರಾಷ್ಟ್ರಪಿತ ಮಹಾತ್ಮಾ ಗಾಂಧೀಜಿ, ಸಂವಿಧಾನ ಶಿಲ್ಪಿ ಡಾ. ಬಿ. ಆರ್‌. ಅಂಬೇಡ್ಕರ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿ, ಪುಷ್ಪ ನಮನ ಸಲ್ಲಿಸುವ ಮೂಲಕ ಸಂಭ್ರಮದಿಂದ ಆಚರಿಸಲಾಯಿತು. ಜ್ಞಾನಯೋಗಿ ಸಿದ್ದೇಶ್ವರ ಪತ್ತಿನ ಸಹಕಾರ ಸಂಘದ ಸಂಸ್ಥಾಪಕ ಅಧ್ಯಕ್ಷ ಡಿ. ಎಂ. ಸಾವಕಾರ ಧ್ವಜಾರೋಹಣ ನೆರವೇರಿಸಿ ಮಾತನಾಡಿ, ರಾಜ ಪ್ರಭುತ್ವವನ್ನು ತ್ಯಜಿಸಿ ಪ್ರಜಾಪ್ರಭುತ್ವದಲ್ಲಿ ತನ್ನ ನಿಜ ಅಸ್ತಿತ್ವವನ್ನು ಸ್ಥಾಪಿಸಿದ ದಿನವಾಗಿದೆ. ಈ ಕಾರಣಕ್ಕಾಗಿ ಗಣರಾಜ್ಯೋತ್ಸವ ಭಾರತೀಯರ ಪಾಲಿಗೆ ಅತ್ಯಂತ ಮಹತ್ವದ ದಿನವಾಗಿದೆ ಎಂದು ಹೇಳಿದರು. ಇದು ದೇಶದ ಏಕತೆ, ಸಮಾನತೆ ಮತ್ತು ಭ್ರಾತೃತ್ವವನ್ನು ಉತ್ತೇಜಿಸುತ್ತದೆ. ಪ್ರಜೆಗಳಿಂದ, ಪ್ರಜೆಗಳಿಗಾಗಿ, ಪ್ರಜೆಗಳಿಗೋಸ್ಕರ ನಡೆಯುವ ಆಡಳಿತವನ್ನು ನಡೆಸುವದಕ್ಕಾಗಿ ಪ್ರಜಾರಾಜ್ಯೋತ್ಸವವನ್ನು ಆಚರಿಸಲಾಗುತ್ತದೆ ಎಂದರು.

         ಸಂಘದ ಉಪಾಧ್ಯಕ್ಷ ಆರ್‌. ಬಿ. ನಬಿವಾಲೆ, ನಿರ್ದೇಶಕರಾದ ಸಂತೋಷ ಸಜ್ಜನ, ಮಹಾದೇವ ಆಸೋದಿ, ಗಣಪತಿ ಬುಡ್ಡರ, ಪರಶುರಾಮ ಮಧಗುಣಕಿ, ಜಿ. ಜಿ. ಮೇಟಿ, ಸಲಹಾ ಸಮಿತಿ ಸದಸ್ಯರಾದ ಶಿವಾನಂದ ನಾಗೋಡ, ಪ್ರಕಾಶ ಚೂರಿ, ವಿಕ್ರಂಗೌಡ ಪಾಟೀಲ, ಸಿದ್ದು ಅಣ್ಣಿಗೇರಿ, ಎಂ. ಬಿ. ಪೀರಶೆಟ್ಟಿ, ಹನಮಂತ ಪರಸಗೊಂಡ, ಗಿರಿಮಲ್ಲಪ್ಪ ಕೊರ್ತಿ, ಶಿವಲಿಂಗಪ್ಪ ಖ್ಯಾಡದ, ಶ್ರೀಶೈಲ ಸಿಕ್ಕೇರಿ, ಮುಖ್ಯಕಾರ್ಯನಿರ್ವಾಹಕ ಪ್ರವೀಣ ಮುರನಾಳ, ಲೆಕ್ಕಿಗ ಪ್ರಶಾಂತ ಪರಸಗೊಂಡ, ಚಂದ್ರ ಸುನಗದ ಮತ್ತಿತರಿದ್ದರು.ಪೋಟೋ: ಬೀಳಗಿ ಪಟ್ಟಣದ ಜ್ಞಾನಯೋಗಿ ಸಿದ್ದೇಶ್ವರ ಪತ್ತಿನ ಸಹಕಾರ ಸಂಘದ ಕಚೇರಿಯಲ್ಲಿ 77ನೇ ಗಣರಾಜ್ಯೋತ್ಸವದ ಅಂಗವಾಗಿ ಸಂಘದ ಸಂಸ್ಥಾಪಕ ಅಧ್ಯಕ್ಷ ಡಿ. ಎಂ. ಸಾವಕಾರ ಧ್ವಜಾರೋಹಣ ನೆರವೇರಿಸಿದರು.